افغانستان

د ملي شورا نږدې پنځوس سلنه غړي پرلپسې غیر حاضر دي

نن ټکی اسیا (دوشنبه، غويي ۱۳مه، ۱۳۹۵ل): د ملي شوار نږدې پنځوس سلنه غړي غونډو ته نه حاضرېږي او پرلپسې غیر حاضري کوي.

د شفافو او عادلانه ټاکنو بنسټ وايي چې دوی د خپل یو اوونیز راپور په پایله کې موندلې چې د ملي شورا د دواړو جرګو ګڼ غړي پرلپسې غیر حاضري کوي.

د دې بنسټ مشر حسیب معترف وايي چې له مشرانو جرګې نه ۴۲ سلنه غړي پرلپسې غیر حاضر دي، په عمومي جلسو کې ګډون نه کوي خو تصمیمونه نیول کېږي.

د هغه په خبره په ولسي جرګه کې هم ګڼ وکیلان پرلپسې غیر حاضري کوي خو بیا هم د مهمو مسائلو اړوند تصمیمونه نیول کېږي.

ولسي جرګه چې خپل قانوني وخت يې تېر کال پوره شوی دی، روان کال ته يې امتیازي کال وايي چې د ټاکنو د نه ترسره کېدو له امله چارې پرمخ وړي.

ياده دې وي له امریکا سره د امنیتي تړون پر وخت د دې تړون مخالفو وکیلانو وویل چې امریکا سفارت ورسره ژمنه کړې چې که د دې تړون د لاسلیک ملاتړ وکړي د ولسي جرګې لپاره به یو امتیازي کال هم ورکړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x