مصر - په وینو او لمبو کي

په مصر کې د پرون راهیسې اردو ۲۱۳ تنه مظاهره کوونکي په ډزو وژلي

د مصر په پلازمینه قاهره کې د رامسیس په سیمه کې شاوخوا ۴۰۰ تنه مظاهره کوونکي د پرون راهیسې د الفتحې په جومات کې د محاصرې لاندې قرار لري.

د مصر امنیتي ځواکونو د کودتا پلویانو یاد شوی جومات محاصره کړې دې.

په جومات کې د ترکیې د ملي راډیو تلویزیون یو تن خبریال متین توران هم د نوموړو ۴۰۰ تنو په منځ کې دی.

د متین توران د خبر له مخې د مصر امنیتي څو ځله جومات ته د ننوتو اقدام وکړ چې د مظاهره کوونکو لخوا په شا وتنبول شول خو وروسته يی د جومات د یوې دروازې په ماتولو سره جومات ته حویلۍ ته داخل شول خو د جومات دننې نه لا ندي راننوتي .

د جومات دننه بند پاتي مظاهره کوونکو د ټولو دروازو تر شاه ولاړ دي او امنیتي ځواکونو ته د ننوتو اجازه نه ورکوي.

امنیتي ځواکونو د جومات دننه ترخه او اوښکي بهوونکي ګاز ګوزار کړل.

د کودتا پلوي ډلې نه د جومات نه بهر د کودتا مخالفینو ته ګواښونه کوي.

د جومات دننه په محاصره کړی شوو مظاهره کوونکو کې ښځې او ماشومان هم شتون لري.

مظاهره کوونکو د امنیتي ځواکونو لخوا جومات ته د اور اچونې د ویرې اکثرو په خپلو مټو او د بدن د غړیو خپل نومونه د کورنیو د ټیلیفون شمیرې لیکلي دي .

د ویلو ده چې په جومات کې ټپیان د الازهر نه د راغلي یو عالم د منګړتوب په پایله کې په امبولانسونو کې شاوخوا جوماتونو ته یوړل شول.

همداشان په جومات کې موجود مړي هم نورو سیمو ته انتقال شوي دي .

د جومات دننه بند پاتي مظاهره کوونکي په امنیتي ځواکونو او د هغوې په پلوي ډلو د باور د نه کولو له امله د جومات نه راوځي.

همداشان په جومات او شاوخوا سیمو کې د یو بل لوی قتل عام په اړه اندیښنې شتون لري.

د بله پلوه د تیرې ورځې مظاهرو په ترڅ کې د وژل شوو کسانو شمیره د هر ساعت په تیریدو سره لوړیږي.

تیره ورځ په ټول مصر کې د امنیتي ځواکونو لخوا په مظاهره کوونکو د مداخلو په ترڅ کې ۲۱۳ تنو ژوند د لاسه ورکړی دی چې دا شمیره د لوړیدو په حال کې ده .

د مصر د کورنیو چارو وزارت د ۱۴۰۰ تنو د نیولو نه خبر ورکړی دی .

د تركېې د راډيو ټلويزيون د ادارې رسمي وېبپاڼه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x