ناټو بلاده برکت نلري

attack_on_PRT_in_hirat

ناټـــو بــلاده بــــرکـــت نــــــلـري

ببره ښکاري ننګ غيرت نلري

نړيوال هسې غولېدلي دي پري

وسله يې ډيره ده همت نلري

ليوني سپي ورسره مله دي واړه

دشنوزمريانو حمــايت نلري

چاته چي لاس ددوستۍ ورکي همېش

ټول جـفـــاوي مــحبــت نلـــري

دروغجنه نفس له سيالۍ ايستلې

شرافت څه چي انسانيت نلري

په تمام ژونديې ميدان وړى نه دى

له شانه وارکـوي جـــرئت نلري

هـره ادايې ده لـه مکـــره ډکه

ظلم يې ډيردى مــراعت نلري

راشۍ که ګورۍ يې اسياته راشۍ

وجود يې سته څه حرکت نلري

له کلي تېښته کړي په زوږدکبير

اشغال يې کاردى حاکميت نلري

چل او فرېب يې دخلاصون لاره ده

لکه ګيــــدړه بل صفــت نلري

تش په نامه ناټوناټوده وروڼو

دروغجنه غله ده پت عزت نلري

الهامه ! پام چي پرې زړه سوى ونکړې

پر سر يې وـله هيــڅ ديت نلــري

سيد احسان الله الهام 2011/07/12 :



تبصره وکړه

ستاسو ایمیل ادرس به هیڅ کله نشر نه شي.