افغانستان

حکمتیار سره د سولې تړون نن منظوریږي

نن ټکی اسیا (یکشنبه، غويي ۲۶مه ۱۳۹۵ل): د سولې د عالي شورا مرستیال عطاء الرحمن سلیم ایسوشیټډ پریس خبري اژانس ته ویلي چې ولسمشر اشرف غني به نن د یکشنبې په ورځ له ګلبدین حکمتیار سره د سولې تړون منظور کړی.

د راپور له مخې د حزب اسلامي استازي امین کریم هم تایید کړې چې د حکومت او حزب اسلامي تر منځ د سولې تړون به نن د اشرف غني له خوا لاسلیک شي.

د سولې د دغه ۲۵ ماده لرونکي تړون له مخې به حزب اسلامي د ګډحکومت سره جګړه پای ته رسوي، اساسي قانون به مني او له ټولو «یاغي ډلو» سره به اړیکې پرې کوي.

په مقابل به کې به ګډ حکومت د حزب اسلامي جنګیالي بخښي او ټول بندیان به یې له زندانونو خوشې کوي.

د حزب اسلامي مرکچي امین کریم تر دې وړاندې ویلي وو چې د حزب اسلامي او ګډحکومت تر منځ د سولې موافقه به د طالبانو سره هم د سولې دروازه خلاصه کړي.

خو طالب ویاند ذبیح الله مجاهد ایسوشیټډپریس خبري اژانس ته بیا په دې اړه په خپل غبرګون کې څرګنده کړې وه چې د حزب اسلامي او ګډحکومت تر منځ مذاکرات په کلي ډول د سولې په بهیر هېڅ اغېز نه غورځوي ځکه د نوموړي په باور د حزب اسلامي ډیری غړي اوس هم د حکومت برخه دي.

ټاکل شوې چې نن به اشرف غني د ملي شورا له استازو سره وګوري او د حزب اسلامي سره د مذاکراتو په اړه به ورسره مشورتي ناسته وکړی.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
فضل مولا

دالله باک نه وویریگی ای دطالب بچیانوو.ایا تاسو کومی گتی داسلا دین ته رسولی

Back to top button
1
0
Would love your thoughts, please comment.x
()
x