غزل: حامد الله ستون

حامدالله ستون
مهمه نه ده چې څوک تا لري او ما نه لري
اوس دا خبرې د زرې غوندې مانا نه لري

مینه دې څه په کار؟ غمونه خو اوس ډېر دي شکر
خلک شتمن شول خلک هېڅ ورته اړتیا نه لري

هغوی به اوس هم ښايي زخم نه لمبه جوړوي
هغوی به اوس هم ښايي خونه کې رڼا نه لري

یوه یوه ګناه دې لیکه حسابیږي یوه ورځ
دا فکر مه کوه چې کړه به دې سزا نه لري

وجود یې شته زړه ورسره دی یو بل کار به وکړي
مړې په دې خو څه مړ نه شولو چې تا نه لري

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د