يو څو عرایض

 مسلم افغان

درنو دوستانو د جهاد د سنګرونو اتلو مجاهدينو او ټولو مسلمانانو السلام عليکم ورحمة الله وبرکاته وبعد: ټول د الله جل جلاله په ساتنه وساتل سئ. تر کومه ځايه چي زه پوهېږم او نور لوی لوی پوهان څرګندوي د اسلام، هيواد او مسلمانانو دښمن د تاريخي او له شرمه ډکي ماتي سره مخامخ دی، اوس مازي تبليغات ورپاته دي او مذبوحانه هلي ځلي کوي چي په ډول ډول چلونو د مجاهدينو په زړونو کي وسوسې او اندېښنې واچوي او د خپل منځي اختلافاتو ښکار يې کړي. خو ډاډه اوسئ چي د دښمن هيڅ مکر کار نه ورکوي او لوی څښتن جل جلاله يې ټولي دسيسې ور خنثی کوي. دا قرآن کريم، دا زموږ اسلامي هيواد او مسلمانان او في سبيل الله مجاهدين، د دې ټولو مجموعه د الله په حفظ کي ده او هغه ستر او ترټولو زورور خدای يې ساتي.

د دښمنانو پر تبليغاتو او ډنډورو غوږ مه ږدئ او خپلي اتلوالي کارنامې مو همدغسي او تر دې لازياتي رواني وساتئ. هر څه چي پېښيږي د الله د جانبه دي. الله هر څه د خپل بشپړ حکمت او مصلحت له مخي کوي او هر څه چي الله کوي ښه کوي ، موږ يې بايد په اسلامي او افغاني مړانه او شهامت هرکلی وکړو.

د مولوي اختر محمد منصور حفظه الله د شهادت په هکله د افغانستان د اسلامي امارت له خبرو پرته د بلي هیڅ مرجع خبري مه منئ. که فرضا منصور صاحب شهيد سوی هم وي دا هم هغه ته ، هم تاسي او ټولو مسلمانانو ته د وياړ ځای دي. د شهادت وياړلي مرګ خو يوه لويه نېکمرغي ده او دا لويه برخه چاته په آسانه نه رسيږي. هر انسان او هر ساکښ مري، مرګ حق دی، لوی څښتن فرمايي:﴿ كُلُّ شَيْءٍ هَالِكٌ إِلَّا وَجْهَهُ﴾ (د ده[الله] له ذات پرته هرشی مري).

تاسي د جهاد د مورچل هر يو ملا اختر محمد ياست. په دې د حق او باطل په جنګ کي د لوی څښتن د قانون او سنت له مخي په پايله کي باطل له منځه ځي. د باطل معنا ده له منځه تلونکی. باطل پال حتماً تور مخونه پاته کيږي او د حق د لاري لارويان به هم پر دې دنيا او هم په آخرت کي نېکمرغه او سرخرویه وي. خو ګرانو وروڼو د دې لويي ګټي او ستري نېکمرغۍ يوازنی شرط ستاسي اتفاق، اجتماع او پيوستون دی. د لوی څښتن د کلام دې مبارک آيت ته پام وکړئ:﴿ وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا وَاذْكُرُوا نِعْمَةَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَاناً ﴾[ آل عمران: ١٠٣]

ژباړه: او(ټول په ګډه) د الله (د قرآن او نبوي سنتو نه شلېدونکې) رسۍ ټينګه ونيسئ او په خپلو منځو کي درز مه را منځ ته کوئ (او داسي کار مه کوئ چي ستاسي د بې اتفاقۍ لامل سي) او الله چي پر تاسي کومه (لويه) پېرزوينه کړې ده هغه درياده کړئ. کله چي تاسي (اى مسلمانانو تر اسلام د مخه) يو وخت يو د بل دښمنان واست، بيا الله (ستاسي زړونه د هغه او د هغه د پيغمبر پر مينه او محبت سره يوموټۍ کړل او د دې ميني په برکت يې) ستاسي په زړونو کي يو د بل مينه واچول او د هغه په پېرزوينه او لورېينه تاسي يو له بله سره وروڼه سولاست.

دغه آيت شريف ټولو مسلمانانو ته امر کوي چي د لوی څښتن په قرآن او دين منګولي کلکي کړي او د يوه بدن غوندي واوسي او له تفرقې او اختلاف څخه ، چي د مسلمانانو د بربادۍ او ماتي لامل کيږي په کلکه ډډه وکړي.

ګرانو مسلمانو وروڼو وحدت او اتفاق د خدای جل جلاله رحمت دی، خو برعکس د برخلافۍ او بې اتفاقۍ پايله عذاب، بدمرغي، شقاوت، دښمني او مرګ ژوبله ده. الله مو دي ځني وساتي.

بل ځای لوی څښتن فرمايي:﴿ وَلَا تَكُونُوا كَالَّذِينَ تَفَرَّقُوا وَاخْتَلَفُوا مِنْ بَعْدِ مَا جَاءَهُمُ الْبَيِّنَاتُ وَأُولَئِكَ لَهُمْ عَذَابٌ عَظِيمٌ (105) ﴾ [ آل عمران: ۱۰۵]

ژباړه: او (اى مومنانو!) د هغو خلکو (اهل کتابو) غوندي مه کېږئ چي(حق او) څرګند دلايل ورته وښوول سول ، خو تر هغو وروسته هم دوى سره بېل سول(په منځ کي يې عداوت او بغض ولوېد او پر ډلو او ګوندونوسره ووېشل سول) او اختلافونه يې وکړل (په شخړو سره اخته سول)، او دغسي وګړوته سخته سزا ټاکلې ده.

بل ځای فرمايي:﴿ وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللَّهَ مَعَ الصَّابِرِينَ (46)﴾ [ الانفال: ۴۶]

ژباړه: او (په ټولو احوالو کي مو) د الله او د هغه د پيغمبر اطاعت وکړئ او يو له بل سره شخړي(او مخالفتونه)مه کوئ، (چي د خولو او زړونو يو والى مو له منځه ولاړ سي). که نه کمزوري به سئ، ځواک او برم به مو ولاړ سي او(د دښمن سره په جګړه کي) له زغم (صبر) څخه کارواخلئ. باور وکړئ چي الله (په مرسته، نصرت او تاييد) د صبر کوونکو ملګرى دى(او نه يې ښويوي).

بيا فرمايي: ﴿ يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ذَلِكَ خَيْرٌ وَأَحْسَنُ تَأْوِيلًا (59) ﴾ [ النساء: ۵۹]

ژباړه:اى مومنانو! د الله او د هغه د پيغمبر اطاعت وکړئ او له تاسي څخه د اختيار د خاوندانو(مسلمانو چارواکو او واکمنو) فرمان يوسئ. بيا که ستاسي په منځ کي په کوم شي کي اختلاف راسي، نو که په رشتيا تاسي پر خداى او د آخرت پر ورځ باور لرئ ، نو هغه الله او پيغمبرته راجع کړئ، دا ډېره ښه طريقه ده او د هغې انجام هم تر ټولو غوره دى.

په پورتني آيت کي د نزاع او خصومت علاج هم په څرګنده توګه ښوول سوی دی، خدای تعالي موږ ته خپل اساسي قانون چي قرآن کريم دي را استولی دی، څو د خلکو په منځ کي د هغو مسايلو په اړه چي د دوی تر منځ پېښيږي حکم او پرېکړه وکړي. نو موږ ته نه ښايي چي قرآن کريم ته له رجوع پرته نورو وسايلو ته لاس واچوو. بلکي باید په هر ډول شرايطو کی سره ورونه – وروڼه سو او داسي کارونه وکړو چي د دښمن د زړه چاودني او ماتي لامل سي، نه داسي چي راباندي وخاندي او خوشاله سی او هغه کسان چي تاسي ته يې د اميد سترګي کږې دي لا غمجن او بې چاره سي.

نو ګرانو دغه يو څو عرایض ما ستاسي حضور ته عرض کړه، ستاسي د اتفاق، بري او د کفري طاغوت او طاغوت پالو د غوڅي ماتي په هيله والسلام مع الاحترام.

د نن ټکی اسیا یوټیوب چېنل
avatar
4 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
مصطفي
میلمه
مصطفي

مننه وروره مسلم صاحب الله دي تاسي هم كامياب لره بيشك چي الله سبحانه و تعالي امر او فرمان ته تسليم يو

mayak khan
میلمه
mayak khan

ګرانه ډیر په زړه پورې مطلب دی الله تعلی دې أجر په نصیب کړه،او حقیقت دادی چې دالله دین دأفرادو له ژوند اومړینې سره هیڅ تړاؤ نلري هر مشر اوکشر په خپل وخت الله ته ورتلونکي دي، ځکه خو الله تعلی درسول الله أمت ته په عموم ډول اوصحابانوته په خصوص ډول داسې فرمایلي دي[ که چیرته محمد رسول الله صلی الله علیه وسلم په طبعي مرګ وفات شو اویا ووژلی شو نو آیا تاسو په له دین څخه ګرځی؟] نو دالله تعلی ددغه فرمان له مخې داجوتیږي چې دغه دین نه لوخت سره اونه د انساني افرادو له شتون… نور لوستل »

عبدالله
میلمه
عبدالله

بارک الله

طوفان طوطاخیل
میلمه
طوفان طوطاخیل

بلکل همداسي ده ، که بالفرض هغوی شهید شي (ځکه هغه دشهادت لپاره همددا لاره ټاکلي کنه نو وختي به لا دیرغلګرو په غیږ کې ناست وای که له شهادته بیریدلی) هم موږ به خپل جهاد ته ادامه وروکو ، افان مات اوقتل انقلبتم علی اعقابکم ، یعني که هغوی شهیدشي نو موږ به له مبارزي تېریږو ، داسي نه شي کیدی ځکه زموږ جهاد اومبارزه دالله تعالی جل جلاله لپاره ده نه دکوم شخص ، موږ به دهغه چاپه پله باندي پل ږدو چې موږ ته یې دغه سپیڅلي لاره په میراث راپاتي ده