ټولنیزه برخه

لاندې شل جملې مو د ماتې پر مهال له ناهیلۍ ژغوري

لیکنه: رابرټ ليهي

ژباړه: قاسم امیري

هو، کېدای شي خپل تېر ژوند او تېر فرصتونه مو لاس ته در نه شي اما د نن او سبا مدیریت لا هم ستاسو تر بشپړ واک لاندې دی.

۱: ما ماته نه ده خوړلې، یوازې هغه کړنلاره چې ما ټاکلې وه؛ ناکامه وه.

۲: زه له خپلې ماتې د راتلونکي بري لپاره عبرت اخېستلی شم.

۳: ماتې او په چارو کې پاتې راتلل کولی شي ماته نوې لارې را زده کړي خو زما راتلونکې موخې او موخو ته غځېدلې لارې هېڅلکه نشي ډب کولی.

۴: ماتې را زده کړل چې د تېر په پرتله لا هڅاند او زیارکښ اوسم.

۵: نه، دا ماته نه وه، ښایي د دې مزل په اوږدو کې له لویو بریاؤ سره مخ شم.

۶: هو، کولی شم د نورو هغو کسانو کردار ته ځیر شم چې پخپل ژوند کې بریالي ثابت شوي، دا ځل به یې له هغوی زده کړم.

۷: که موخه د ترلاسه کېدو وړ وي؛ په اړه یې دقت او تحقیق هم ناشوني نه دي.

۸: پدې کار کې ما تر تمې زیات اټکل کړی وو، حقیقت کې اوس هم بریالی یم، یوازې پدې توپیر چې زما ټاکلی هدف تر لاسته راغلی هدف لوړ وو.

۹: کفایت کوي چې له خپلو ناکامو کړنلارو زده کړم، دا پخپل ذات کې ترټولو لویه بریا ده.

۱۰: هر څوک باید په یو کار کې ماته وخوري تر څو دویم ځل له ځيرکتیا، دقت، پوهې او احتیاط څخه کار واخلي.

۱۱: دا چې ما پدې کار کې ماته وخوړه؛ ښایي نورو نه وم لیدلی، ښایي نورو زما پاتې راتلو ته د ماتې نوم نه وي ورکړی.

۱۲: آیا زما د موخې ټاکلو معیار سم وو؟

۱۳: زه خو لا هم د کار په پیل کې یم، ما خو یوازې څو ګامه په وړاندې اخېستی، زه لا هم کافي مزل، ځواک، اراده او استعداد لرم.

۱۴: آیا ما خو خپل ځانته د موخې لاس ته راوړلو لپاره له حده وتلي سخت معیارونه نه وو ټاکلي؟

۱۵: آیا پدې آزمایښت کې د تېر په پرتله ښه ونه ځلېدم؟

۱۶: اوس هم کولی شم خپلې ټولې چارې په پوره انرژۍ پر مخ یوسم، زه یوازې هدف ته د رسېدو لپاره په نامناسبه لاره تللی وم، نه دا چې موخه مې د تل لپاره له لاسه ورکړې.

۱۷: په چارو کې له ماتې سره مخ کېدل پدې مانا دي چې ما خپل زیار وه ایست. زیار او هڅه تر دې غوره دي چې کرار کېنم او مخکې له تجربې خپله ماته ومنم.

۱۸: ما خو یوازې ځان وآزمایه، اوس به مې هڅې لاپسې زیاتې کړم.

۱۹: ډېر ژر به خلک پوه شي چې ما هېڅکله ماته نده خوړلې، سبا زما د بریالیتوب ورځ ده.

۲۰: سبا ورځ همدا نن ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x