کندهار: په میوند کې طالبانو د قرارګاه د نیولو دعوه کړې

نن ټکی اسیا (شنبه، غبرګولي ۱۵مه، ۱۳۹۵ل): د کندهار په میوند کې طالبانو د یوې قرارګاه د نیولو او ۲۵ عسکرو د وژلو دعوه کړې ده.

طالبانو په خپره کړې خبرپاڼه کې ويلي چې تېره شپه يې د میوند په بند تیمور سیمه کې د امنیتي ځواکونه پرته قرارګاه له درنې جګړې وروسته بشپړه ونیوله.

د دوی په خبره په دې جګړه کې يې ۲۵ عسکر وژلي او د دوی درې تنه ملګري ټپيان شوي دي.

خبرپاڼه کاږي چې د یادې قرارګاه په نیولو سره يې ګڼ مهمات هم تر لاسه کړي دي.

تر اوسه د کندهار ځايي چارواکو د پېښې په اړه څه نه دي ويلي.

avatar
  ګډون وکړئ  
خبرتیا غوښتل د