نړۍ

اروپا کې سېلابونو مرګ ژوبله اړولې ، زرګونه وګړي بې ځايه شوي

نن ټکی اسیا (شنبه، غبرګولي ۱۵مه، ۱۳۹۵ل): د منځنۍ اروپا په ځينو هيوادونو کې د سختو بارانونو له امله سيلابونه را منځته شوي چې په پايله کې يې زرګونه وګړي له خپل کورونو بې ځايه شوي .

ياد سېلابونه چې په فرانسې ، جرمني ، او ځيني نورو اروپايي هيوادونو کې را منځته شوې له امله يې ۱۷ تنه وژل شوي .

فرانسې چارواکي وايي دې هيواد ته يادو سېلابونو ۶۸۰ ميليون ډالر زيان رسولی .

د فرانسي ولسمشر به د کابينې له غړو سره تر ليدني وروسته د چهارشنبې تر ورځي پوري بېړنی حالت اعلان کړي .

د هوا پېژندني ادارې له لوري خبر ورکړل شوی چې توپانونه به لا زيات او نورو سيمو ته وغځيږي .

چارواکو د پاريس ښار اوسېدونکو ته هغه مهال خبردارۍ ورکړ چې د سن سيند اوبه له خپل عادي کچې ۶ متره لوړي شوې .

دسېلابونو له امله د پاريس ښار د لوري او اورسي موزيمونه تړل شوي او همداراز د اورګاډو تګ را تګ ځنډمن شوی .

پاته دي نه وي چې د سن سيند د اوبو ۶ متره لوړوالی تر خپل عادي کچي په تېرو ۳۵ کالو کې بې ساری دی .

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x