له محبوب سره حشر

لیکنه : قاري حکيم اللّه صابري

امام رازي رحمه اللّه ویلي : چي له جناب محمد عربي صلي اللّه علیه وآله وسلم سره د هغه د ازاد کړل شوي مریې (غلام) ثوبان رضي الله عنه ډیره زیاته مینه وه ، د رسول اللّه صلي الله علیه وسلم نه یې د جدایې صبر نه شو کولئ .

یوه ورځ هغه رسول اللّه صلی الله علیه وسلم ته په داسی حالت کي راغئ چي رنګ یې تغیر او بدن یې کمزورئ شوئ ؤ ، رسول اللّه صلی الله علیه وسلم له هغه نه ددی ناروغۍ سبب وپوښتی هغه وویل: یارسول الله صلی الله علیه وسلم زه هیڅ ناروغی نلرم خو ماته آخرت په یاد شوئ ؤ ، او بل داچی یوه ورځ وشوه چي تاسی مي لیدلې نه واست او ستا د لیدو په انتظار وم ، اوس پدی فکر کي یم چي په آخرت کي به زما څه کیفیت وې ، ځکه چی که زه جنت ته هم ولاړ شم نو له مریانو (غلامانو) سره به یم او تاسی به د انبیاؤ علیهم السلام په جماعت کي یاست.

زه به ستا ملاقات څنګه وکړاي شم او زه ستا له ملاقات نه پرته صبر نه شم کولئ ، د ثوبان رضي اللّه عنه پر دې خبره دا آیة نازل شو :【وَمَن يُطِعِ اللّهَ وَالرَّسُولَ فَأُوْلَائِکَ مَعَ الَّذِینَ أَنْعَمَ اللّهُ عَلَیْهِم مِن النَّبِییّنَ وَالصَّدِیقِینَ وَالشُّهَدَاء وَالصَّالِحِینَ】النساء.

ژباړه : کوم خلګ چي د اللّه جل جلاله او د هغه د رسول اللّه صلی اللّه علیه وسلم فرمانبرداره وې هغه خلګ به له هغو کسانو سره وې چي اللّه جل جلاله انعام پر کړی دی ، چی هغه د انبیاؤ ، صدیقانو ، شهداؤ، او صالحینو څخه دي.

نو په اثبات رسیدلې خبره ده چی هر څوک د هر چا سره محبت کوي ، نو د قیامت په ورځ به د هغه سره راپورته کیږی ، که څوک د صالح مسلمانانو ، علماؤ ، نیکانو او اولیاؤ سره محبت کوې نو د قیامت په ورځ به د دوی تر بیرغ لاندي را پورته کیږی ، او څوک چي د باطل پرستو ، ګمراه ، بدکارو انسانانو سره محبت کوې نو د قیامت په ورځ به هم ددي ګمراهانو سره را پورته کیږي ، اللّه تعالي دي زموږ حشر د اولیاؤ ، علماؤ او نیکانو سر وکړې.

avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
احمد
میلمه

قاری حکیم الله صابری صاحب الله دی جنت نصیب کړه څومره ښکلی لیکنه دی کړی چی ددی ایت شریف په شان نزول دی پوه کړو دغسی لنډ اوشکلی مطلب والا لیکنه دی همیشه اوسه

احمد
میلمه
احمد

المجلس بل امانت څه معنا لزي لژ و اضحت ورکړه مهرباني به مو وي