fbpx
له راسته طرفه رضامسيب زاده، قدرت عبدياني او رضا رستمي مقدم

سوریه کې درې ایراني قومندانان وژل شوي

نن ټکی اسیا (دوشنبه، غبرګولي ۱۷مه ۱۳۹۵ل): د سوریې په حلب ښار کې د ايران د سپاه پاسدران دوه غړي قدرت عبدياني او مرتضی مسيب زاده وژل شوي دي.

ایران چې په سوریه کې د بشار الاسد په ملاتړ جنګیږي، اوسمهال یې سلګونه عسکر او قومندانان په دغه هېواد کې وژل شوي دي.

د يادو دوو افسرانو سربېره نړیوالې رسنۍ وايي چې د سوريي په سويلي حلب ښار کې د ايران د سپاه پاسدران بل قومندان رضا رستمي مقدم هم وژل شوی دی.

رضا رستمي مقدم لرستان کې د سپاه پاسدران قومندان پاتې شوی .

دا په داسې حال کې چې يوازې تېره مياشت د حلب په خان طومان سيمه کې د ايران د سپاه پاسدران ۱۵ غړي وژل شوي وو.

حلب چې د سوريي له لويو ښارونو شمېرل کيږي واک يې د بشارالاسد او نوموړي د مخالفينو تر منځ وېشل شوی.

avatar
  ګډون وکړئ  
خبرتیا غوښتل د