fbpx

د نهمی روژې تحفه

Dr-nisar ahmad samad

لیکوال: ډاکټر نثار احمد صمد واصفی

نننی زرین اصل :

پوهانو ویلی دي چی په روژه مات کی باید دومره غذا و نه خوړل سی چی د نس کڅوړه ډیره تخته او ډکه سی چی له امله یې نه هغه انسان سمه ساه اخیستلای سی ، نه سمی او آرامی خبری کولای سی ، نه سم کښینستلای سی….. نو ځکه رسول الله (ص) فرمایلی دي چی « د آدم (ع) اولاد د خپل نس څخه بل ناکاره لوښی نه دی ډک کړی . » او دا هم د نهمی روژې تحفه ( نثار احمد صمد واصفی ) .

د شیطان تښتېدل

په « درة الناصحین » کی یو حکایت وایی چی یو شخص په ځنګله کی روان و چی پر لاري یو شیطان هم ورسره ملګری سو . د دې سفر پر مهال اړونده شخص د سهار ، ماپښین ، مازیګر ، ماښام او ماخستن آن یو لمونځ هم ادا نکړ .

کله چی هغه د  څملاستلو او بیدیدلو اراده وکړه ، نو شیطان وغوښته چی وتښتی . هغه شخص ورڅخه وپوښتل چی څه قصه ده او ولی تښتې ؟

شیطان ورته وویل چی ما د خدای صرف یوه نافرماني وکړه او په هغه سره ملعون سوم ، خو تا نن پنځه واره د خدای نافرماني وکړه او زه د خدای له غضبه بیریږم ، داسی نه چی الله ستا د دې لویو ګناهونو له امله پر ما هم اضافه غضب نازل نکړي .

هو ، باید جدأ متوجه اوسو چی الله تعالی انسانان د خپل عبادت له پاره خلق کړي دي او لمونځ د الهي عبادت اساس دی . لمونځ عمل هم دی او عقیده هم ده . نو لمونځ وکړه مخکی له دې چی تا ته لمونځ درکړه سی ( د جنازې ) .

رسول الله (ص) فرمایی چی « لمونځ د دین پایه ده .» نو که پایه یا ستون ونړول سی ( یعنی لمونځ ونکړو ) معنی دا چی دین مو وران کړ . همدا علت دی چی شیطان وغوښته چی د دغه بې لمانځه انسان څخه وتښتی تر څو د هغه سره یو ځای دئ هم مغضوب نسی .

نو هیله ده چی نور د ناحقه او بې دلیله پلمو څخه ځانونه وژغورو . ځکه لمونځ په هر حالت کی فرض دی آن که څوک ناروغ وی په ناسته یا پروته سره یې هم ادا کولای سي . که د هیڅ حرکت وړ نه وی آن د سترګو په اشاره یې هم ادا کولای سي ، نو ځکه هیڅ ډول بهانه ، حیله او پلمه نسو جوړولای .

حضرت ابو بکر صدیق (رض) فرمایی : « تعجب کوم چی دا ضعیف انسان څنګه د خورا قوي الله (ج) د نافرمانۍ جرأت کوی ؟! » . پس هیله ده چی نور نو د غفلت له درانه خوبه راویښ سو او هغه څه وکړو چی له پاره یې دې دنیا ته راغلي یو( الذاریات ۵۶ ) .

avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالرافع ؛ مېلمه.
میلمه
عبدالرافع ؛ مېلمه.

خبری دی بلکل په ځاي او د اسلام اساس دي. عمر رض د خلافت په لومړۍ خطبه کي مسلمانانو ته وفرمایل.؛ ای مومنانو!!! خوراک کم کوي او خیټي مو مه ډکوي، ځکه ستاسي د سستي او ټمبلي سبب کیږي له لمانځه مو بیزاره کوي. لاکن خبره د درت الناصحین دي را ته اسرائیلیات ښکاري. شیطان د الله ج هغه سرسخت دښمن ده چی هر څومره یو انسان ګمراه کیږي او د الله تعالی نافرماني کیږي هغومره خوشحاله کیږي. نبی کریم ص فرمایی چي د فاسق او بی دینه انسان زړه د شیطان کور ده او په هغه کي د دینداره… نور لوستل »

نثار احمد صمد واصفی
میلمه
نثار احمد صمد واصفی

محترم عبدالرافع میلمه وروره السلام علیکم د نظر څخه دی منندوی یم ، الله دی اجر درکړی . ما دلته هیڅ د « غیر مسلمان انسان » خبره نه ده کړې بلکی یو څوک چی پنځه وخته لمونځ قضا کړی معنی دا چی هغه مسلمان دی مګر بې لمانځه دی ، یعنی لمونځ نه کوی . نو دلته مطلب د لمر غوندی څرګند او واضح دی یعنی : یو مسلمان انسان ! دا ځکه چی هغه پنځه واړه لمونځونه ونکړل ! نو ته یې لطفأ یو ځل بیا ولوله ، پرې پوه به سې چی هدف بالکل معلوم دی یعنی… نور لوستل »