افغانستان

د کندهار ښاروال: په لسګونه زره جريبه ځمكه زور واكانو تر خيټي لاندي كړي ده

ghulam_haider_kandahar_sharwalكندهار ښاروالي وايي چي په كندهار كي پر زرګونو جريبه ځمكه قبضه سوي او بيا په جعلي اسنادو سره د وخت د لوړپوړو چارواكو په ملاتړ او همكاري خرڅه سوي ده .

كندهار ښاروال غلام حيدر حميدي وايي چي شل زره جريبه دولتي ځمكه چي د ښاروالۍ ملكيت دي يوازي ددي ښار په وړه سيمه لويه وياله كي قبضه او دا مهال كورنه پري جوړ دي .

هغه وايي چي په لسګونه زره جريبه ځمكه نور هم زورواكانو تر خيټي لاندي كړي ده .

په وينا يي چي په هرډول وي  كندهار ښاروالي به يي يادي ځمكي له زورواكانو څخه اخلي .

كندهار ښاروال غلام حيدر حميدي وايي چي دا مهال د كندهار ښار په مربوطاتو كي په زرګونه جريبه  دولتي او د ښاروالۍ ملكيت ځمكي قبضه او په غير قانوني ډول د نقشي خلاف كورونه پري جوړ سوي دي .

حميدي زياتوي چي دا ځمكي د هيواد په كړكيچن حالت او يا هم د افغان دولت په تيرو دورو كي چي د وخت د ادارو د مشرانو په همكاري او زور  سره قبضه او دا مهال د جعلي اسنادو په جوړيدو قبضه كوونكو  پلورلي دي.

ښاروال په خپلو خبرو كي د هغو دولتي ادارو نومونه هم  په ګوته كړه كوم چي ددي ځمكو د قبضه كوونكو سره يي د خپلو شخصي ګټو دپاره همكاري كړي ده خو د كوم شخص نوم يي ياد نه كړ  .

كندهار ښاروال وويل چي دا مهال د قبضه سوو ځمكو دقيقه شميره نسته ورسره خو په دي برخه كي يي  اړوندي اداري  تورني  كړي  چي د قبضه سوو ځمكو اندازه يي نه ده معلومه كړي او په دي برخه كي غفلت كوي  .ښاروال وايي چي تر دي مهاله يي هغه ځمكي د زورواكانو له منګولو ژغورلي دي چي زور يي پري رسيدلى  دى .

خو اوس هم په دي هڅه كي دي چي ټولي قبضه سوي ځمكي خلاصي او بيرته يي د دولت په واك كي وركړي .

هغه وويل چي كه  په دي برخه كي هر ډول ستونزه ورته پيښيږي نو د مرګ تر شيبي يي مقابلي ته ولاړ دى .

دا په داسي حال كي ده چي په افغانستان كي تيري ديرش كلنۍ جګړي د دولت نظام له منځه وړى او ډول ډول ګډوډيو دا زمينه برابره كړي چي خلك په زور او خپل سر سره ځمكي قبضه او بيا جعلي اسناد پري جوړ كړي .

د تر سره سوو څيړنو وروسته دا مهال په ټول هيواد كي تر يو ميليون جريبه زياته ځمكه قبضه او زورواكانو خيټي پري اچولي دي .

اسدالله زړه سواند:كندهار

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x