افغانستان

د هلمند د امنیت امر د ژورو ټپونو له امله ساه ورکړه

نن ټکی اسیا (پنجشنبه، غبرګولي ۲۷مه، ۱۳۹۵ ل): د هلمند ولایت د امنیت امر غلام جیلاني خروټي تېره شپه د کابل د ملي امنیت په روغتون کي د ژورو ټپونو له امله ساه ورکړي ده.

تر دې وړاندي د هلمند ولایت چارواکو د جیلاني د روغتیا په اړه ډاډ ورکوی خوتېره شپه یې د هغه د مړني خبر ورکړ، نوموړۍ به په لښکرګاه کي د ځانګړو مراسمو په ترڅ کښي خاورو ته وسپارل سي.

غلام جیلاني خروټی چي تازه د هلمند ولایت د امنیت د امر په توګه ټاکل سوی وو د رواني میاشتي په لومړیو کي د لښکرګاه – مارجې لاري د خلاصون په عملیاتو کي ټپي سو.

د نوموړي زغره واله هاموې د طالبانو د سړک غاړي ماین ښکار سوې وه چي له امله یې جیلاني خروټی د خپلو څلورو ساتونکو سره سخت ټپي سو او تېره شپه یې په کابل کي ساه ورکړه.

د هلمند امنیه قومندان اقانور کینتوز رسنیو ته وویل چي غلام جیلاني خروټی ډیر تکړه او باتجربه افسر وو، د نوموړي د هڅو په پایله کي د لښکرګاه – مارجې لار چي د څو میاشتو څخه بنده وه د امنیتي ځواکونو پر مخ پرانیستل سوه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x