fbpx

د روژې شپاړسمه تحفه

Dr-nisar ahmad samad

لیکوال: ډاکټر نثار احمد صمد واصفی

د نن زرین اصل :

د روژې مبارکه میاشت تر نیمایی واوښته او مرحبا په الوداع سره بدله سوه . زموږ د ټولو ژوند هم کټ مټ د الوداع په حال کی دی . نن وی که سبا ، ملک الموت مو راګیروی . آیا څوک پوهیږی چی همدا روژه به پوره کړو ؟! آیا راتلونکې روژه به « دلته » یو که « هلته » ؟! نو څومره به ښه وی چی توښه همدا اوس لا برابره کړو او موقع له لاسه و نه باسو . یعنی زیات عبادت ، اطاعت ، ریاضت ، تلاوت او افادیت ته مخه کړو . او دا هم شپاړسمه تحفه ( نثار احمد صمد واصفی ) :

د کینی او حسد زیانونه

علماوو د حسد او حاسد زیانونه داسی ښودلی دي :

لومړی ـ حاسد انسان د الله تعالی پر تقدیر باندی اعتراض کوی ؛

دوهم ـ د حسد په وجه د انسان ایمان داسی خرابیږی لکه پر ویښتانو چی چاړه راکش سی او ټول ختم یعنی وخریل سی ؛

درېیم ـ د حاسد په زره کی تل خپګان ، افسوس او ارمانونه وی ؛

څلورم ـ حسد د یهودو مرض دی ؛

پنځم ـ د حسد کوونکی انسان ایمان کمزوره وی ؛

شپږم ـ د حاسد انسان څخه ظلم هم کيږي ؛

اووم ـ حاسد ته د الله تعالی نعمتونه سپک ښکاری .

نو الله دی په دې مرض ټول مبتلا مسلمانان بیرته روغ کړی او متباقی دی الله وژغوری . خو رښتیانۍ پریکړه په موږ اړه لری .

avatar
  ګډون وکړئ  
خبرتیا غوښتل د