ټولنیزه برخه

مه خفه کېږه! (۱۰۶)

لیکوال:- دوکتور عائض بن عبدالله القرني
ژباړن:- رحمت الله مومن

۞ دمه!

د لاندې یو څو ایاتونه دی، چې ستا هیلو ته ځواک بښی، اراده او هوډ دې قوی کوی او پر الله تعالی ﷻ دې ګومان ښکلې کوی:

﴿ قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ ﴾
ژباړه: (( ( ای پیغمبره! ) هغو بندګانو ته مې ووایه کومو کسانو، چې پر خپلو ځانونو تېری کړی دی، چې د الله تعالی ﷻ له رحمت نه مه ناهیلی کېږئ، په یقینی ډول الله تعالی ﷻ ټولې ګناوې بښی، هغه بښونکې او مهربان دی. ))

﴿ وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللَّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ ﴾
ژباړه: (( او کوم کسان چـې داسې دي، چې کلـه کومـــه د شـرم نـاروا چــاره ور څــخه صـادرېږي، يــا کلـه د کومې ګنـاه پــه کولو هغوی پر خپل ځان ظلم کوي؛ نو ور سره جوخت الله تعالی ﷻ وريادېږي او له هغه څخه هغوی د خپلو ګناهونو بښنه غواړي؛ ځکه له الله تعالی ﷻ نه پرته بل څوک دی، چې ګناهونه وبښلی شي؟ او هغوی له پوهې او ادراک سره په خپلو کړنو ټينګار نه کوي. ))

﴿ وَمَن يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرِ اللّهَ يَجِدِ اللّهَ غَفُوراً رَّحِيماً ﴾
ژباړه: (( که څوک بد عمل وکړي، يا پر خپل ځان ظلم وکړي او له هغه وروسته له الله تعالی ﷻ څخه بښنه وغواړي، نو الله تعالی ﷻ به بښونکې او رحيم ومومي. ))

﴿ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ ﴾
ژباړه: (( او ای پيغمبره! زما بنده ګان که له تا نه زما په باب پوښتنه وکړي؛ نوهغوی ته ووايه چې زه ورته ډېر نېږدې یم، بلونکې چې کله ما وبلي، زه د هغه بلنه اورم او ځواب ورکوم، نو هغوی ته ښايې چې زما بلنې ته لبيک ووايې او پر ما ايمان راوړي، ته دا خبره هغوی ته واوروه، کېدای شي، چې هغوی سمه لاره ومومي. ))

﴿ أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ ﴾
ژباړه: (( څوک دی، چې د بې کس_بې وس دعا اوري، کله چې هغه يې وبلي او څوک د هغه کړاو ايسته کوي؟ او (څوک دی چې) تاسې د ځمکې خلفاء ګرځوي؟ ايـا له الله تعالی ﷻ سره کوم بل معبود هم (د دې کار کوونکې) دی؟ تاسې بېخي لږ غور کوئ. ))

﴿ الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيل ُ{۱۷۳} فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ ﴾
ژباړه: (( هغه کسان چې خلکو (منافقانو) ورته وویل چې ‘ستاسې پر خلاف لویې لښکرې راغونډې شوې دی، له هغو نه ووېرېږئ’ ؛ نو ددې په اورېدو یې نور هم ایمان پیاوړی شو او هغو ځواب ور کړ چې زموږ له پاره الله ﷻ کافی دی او هماغه ډېر ښه کار جوړوونکې دی، په پای کښې هغوی د الله تعالی ﷻ له نعمت او لورېینې سره بېرته ستانه شول، هغو ته هېڅ راز زیان هم ونه رسېده او د الله تعالی ﷻ له خوښې سره سم تګ کولو مرتبه یې هم وموندله، الله تعالی ﷻ ډېر ستر لوروونکې دی. ))

﴿ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَاد ِ{۴۴} فَوَقَاهُ اللَّهُ سَيِّئَاتِ مَا مَكَرُوا﴾
ژباړه: (( او خپله معامله زه الله تعالی ﷻ ته سپارم، الله ﷻ د خپلو بندګانو لیدونکې دی، په پای کې (هغو کسانو چې ډېرې ناوړه دسیسې یې د هغه مؤمن پر ضد په کار واچولې)، الله ﷻ له هغو ټولو نه هغه وساته. ))

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x