د دوی یي سره څه ؟

سيد الهام

د مرتد او د جنت یې سره څه
د شیطان او د رحمت یې سره څه

ومنکرو ته دنیا جنت نما ده
د مؤمن عیش او عشرت یې سره څه

ابابیل او ابرهه ته نظر وکړئ
د ظالم او د نصرت یې سره څه

درویشان دی چي هرڅه ورته تابع شي
د فاسق او کرامت یې سره څه

غفلتونه خو د ووړکو حساب ندي
د مسئول او د غفلت یې سره څه

محبت دی چي ساتنه کړي د زړونو
د نفرت او حفاظت یې سره څه

نور دوا ، دم او تعویذ مکړه الهامه
د مین او د صحت یې سره څه

ټاګونه