افغانستان

په کابل کې د پاکستان پر ضد لاریون وشو

نن ټکی اسیا (چهار شنبه، چنګاښ ۲، ۱۳۹۵ل): سلګونه افغان ځوانانو او د مدني ټولنو فعالانو د پلازمېنې کابل په شهرنو پارک کې د پاکستان پر ضد لاريون وکړ او د پاکستان «وروستۍ پوځي او سياسي لاسوهنې» يې وغندلې.

لاريون کوونکو له ملګرو ملتونو غوښتنه وکړه، چې د پاکستان پوځي او استخباراتي سازمانونو کړنې وغندي او مخنيوی يې وکړي او پر افغان خاوره د پاکستان د مداخلو پر وړاندې ګامونه پورته کړي.

لاريون کوونکو وويل، چې ډيورينډ کرښه د افغانانو د دښمن انګريز له لوري تپل شوې ده او افغان ولس ته هېڅکله د منلو وړ نه ده.

لاريون کوونکو د افغان ملي ځواکونو په ملاتړ او د ايران او پاکستاني پوځيانو پر ضد شعارونه ورکول.

K ZALAN

د لاريون ويناوالو وويل، چې افغانان له پاکستان سره دښمني نه لري، بلکې د پاکستاني پوځيانو او استخباراتي کړيو له مداخلو سرټکوي او دا ورته د منلو وړ نه دي.

دا لاريون په داسې حال کې کيږي، چې له تېرو دوو اونيو راهيسې د افغانستان او پاکستان ترمنځ پر ډيورينډ کرښې تاوتريخوالي راپورته شوی دی.

پاکستان غواړي، چې پر د تورخم په صفري نقطه ازغن تار او دروازه جوړه کړي، مګر افغان لوری يې مخالفت کوي.

پاکستان وايي، چې دوی دا ګام د افغانستان او پاکستان دواړو د امنيت خوندي ساتلو په موخه پورته کوي او که هر چا پرې بريد وکړ، دوی به يې ځواب وايي.

د پاکستان لومړي وزير نوازشريف د بهرنيو اړيکو سلاکار سرتاج عزيز ويلي، چې پاکستاني پوځیان به په تورخم کې دروازه او ازغن تار لګولي او که افغان حکومت پر پاکستاني پوځيانو بريد وکړ، دوی به يې ځواب وايي.

تېره اوونۍ سرتاج عزيز افغان چارواکو ته بلنه ورکړې وه، چې د تورخم سرحدي مديريت په اړه د خبرو اترو لپاره دې اسلام اباد ته سفر وکړي.

تېره ورځ د افغانستان د بهرنيو چارو مرستيال وزير حکمت خليل کرزي په مشرۍ  يو پلاوی پاکستان ته تللی و، مګر کومې ځانګړې پرېکړې ته له رسېدو پرته کابل ته راستون شو.

تېره ورځ له بهرنيو چارو وزارت څخه په خپره شوې خبرپاڼه کې راغلي و، چې حکومت پاکستان سره «SOP» يا سرحدي مديريت تر نامه لاندې ډيورينډ کرښه د رسمي سرحد په توګه منلې ده او همدې تړون له مخې پاکستان د کرښې په اوږدو کې د تاسيساتو د جوړولو هڅې پيل کړي دي.

وړمه ورځ سرتاج عزيز هم ويلي و، چې دوی خپل تاسيسات د پاکستان په خاوره کې دننه جوړوي او په دې اړه د چا اجازې ته اړتيا نه لري.

افغان حکومت وايي، چې پاکستان سره د تاسيساتو جوړولو په اړه داسې پرېکړه شوې وه، چې پاکستان به ازغن تار او دروازه په صفري نقطه کې نه، بلکې له صفري نقطې پنځوس مترې شاته جوړوي.

د نني لاريون ګډونوالو پر حکومت هم نيوکې وکړې، چې پاکستان سره يې د سرحدي مديريت تر نامه لاندې د ډيورينډ فرضي کرښه د سرحد په توګه منلې، مګر افغان ولس ته دا پرېکړه د منلو وړ نه ده او نه به يې ومني.

ورته لیکنې

ګډون وکړئ
خبرتیا غوښتل د
guest
2 Comments
زړو
نویو ډیرو خوښو شویو
Inline Feedbacks
ټولې تبصرې کتل
asad afghan

سلام ګرانودوستاو زه کم لیکوال نه یم خو دیر تعجب یم به دی کی چی هغه رموږ دملک لیکوالان یا مخور اشخاص ولی سرچفه تعبیر کوی شه راګرځم اصلی خبری ته ګوری ملګ مو پر ۴۴ ملګو کفارو خرڅ کی ټوله دمات قلم خاوندان ورته خوشهاله وه او پر پاکستان به تورونه لګول تر ځو چی پسله ۱۴ کاله بیا دپاکستان سره یو نمایشی نښته وسول ټولو ناری اوسو ری جوړی کړلی چی مرګ پر پاکستان مرګ پرپاکستان وس خبره داده چی مزاهری کیږی هم ناری اوسوری دمرګ پر پاکستان وهو پاکستان خو سوداګردی خپله سو دا کوی زموږ څخه… نور لوستل »

الحاج استاذ بیانزی

حیرانونکی ، هم کوزه هم کوزه ګر !!!!! له یوی خوا د کابل اداره د یو څو ورځو د خپلی ناوړه او فاسدی اداری د اوږدوالی په خاطر پاکستان سره په دی هیله چه طالبان به ورته تسلیم کړی ، د مظلوم اولس ( د دی هیواد اصلی واکداران ) په عیاب او د هغو له اجازی غیره د اس او پی په نامه د ډیورنډ کرښه لاسلیک کوی یعنی د ډیورنډ کرښه د دواړه هیوادو تر منځ رسمی او منلی پوله ګڼی ، او په څنګ کی د مظلو م اولس د تیرویستلو د پاره ورسره په دی نامه… نور لوستل »

Back to top button
2
0
ستاسو نظر مونږ ته دقدر وړ دی، راسره شریک یې کړئx
()
x