نظــر

د ایران د اسلامی جمهوریت ولسمشر ته

بــــــــــســم الـــلـــــه الــــرحــــمن  الــــرحـــــیــم
السلام علیکم ورحمة الله وبرکاته

دغه لیک دافغانستان په خپلواکې  مین  ولس  په  آستازیتوب درته لیکم  چې څه د پاسه درې  لسیزي  کیږی دنړی د سترو قدرتونو او ګاؤنډیو  هیوادونو  لخوا  د  تحمیل  شوی  کرغیړنې جګړی  په  اور کې  سوزیږی  او خپل  ډیر شته  یې  له  لاسه  ورکړی  دي ، موږ  ددغۍ جګړې   ناخوالي ګالو او د  سوله   او پرمختګ   په   وړاندی   مو  خنډونه  راولاړوئ  ،

افغانانو   توقع    درلوده    چې   ستاسو   په   ریاست   ایرانی   رژیم    به   په   خپل    تیر  دښمنانه    سیاست   کې   د   بدلون پریکړه    وکړې    خو   متاسفانه    شخصآ    تاسو   د  خپل    اقتدار    په    لومړی    او  دوهمه     دوره    کې   د هیواد   او خلکو  په    ارتباط   د  ایران     ورانوونکې  او   قاتلانه     سیاست     ته     دوام     ورکړ .
ښاغلی ولسمشر : نه پوهیږم   ایرانی  رژیم  له  کوم  اسلام  غږیږی ؟   البته   اسلام     او  اسلامی   آحکامو  ته   نه  درناوې  په ایرانی   رژیم  کې عمومی  بڼه   غوره  کړی  ، تاسو له اسلامی افغانستان سره  هغه  څه  پیل  کړی   کوم   چې  د  اسرایلو ترهګر رژیم  یې له د فلسطین  له مظلوم ولس سره کوئ   ،  افغانان عملآ  ګورئ او وینی يې چې  ایران  د ګاؤنډیتوب   په هکله  له سپیڅلی  قران  هیڅ زده کړه نده کړې  چې له یو ګاونډی سره کوم دول چلند وشئ  . تاسو  د خپل   دوست   او جنګیالی  ګوند  حزب الله   سره   د  همدردی   په   خاطر  د  امریکا  په   متحده   ایالاتو   او  د  اسرایلو  غاصب    رژیم   باندی   کلکه   نیوکه   کوئ   خو  په افغانستان  کې  ستاسو  بربنډه  او  ویجاړوونکې   لاسوهنه   له هغه  څه  سره هیڅ  کوم توپیر نلرئ  کوم  چې  د غاصبو  اسرایلو  لخوا  له فلسطین  او د لبنان  له ولسونو سره  شوئ او یا تر سره کیږې  خو  د اسلامی  نړی   په   دغه  دردوونکئ  حالت  کې هم  ایران  د فلسطین    د  قضیي   په   هکله   بهرنی  تګلاره   او  سیاست    ته   د شیعه   مذهب   له   سنګره  ګوري    نه   د   مسلمانانو  او بشرې    ټولنې  د عمومی  ګټو  له   زاویه .
ښاغلی ولسمشر:  څه     وخت    مو  د   نه   شرقي  او  نه   غربي   تر   شعار    لاندی     د    اسلامی    نړی    له    غمجن    او   په    وینو  سور   تازه     زخم     نه    ناوړه     ګټه     واخیسته    او   د   اسلامی   نړی   فرد   فرد    ته   مو   دوکه    ورکړه    خاصتآ  په   ګران     افغانستان    باندی    د شوروی  اتحاد  د سرو   لښکرو  او  د   هغوي    د  بیسواده     افغانې    بړیڅو   د   ګډ   فوځی   ځواک   د   یرغل   او  کارونی   په    وخت   کې   مو  چې   کوم  شعار   ورکاؤ   خو   چې   شرق   سره    مو  روغه    وشوه    او  د   ایران    ګټي    ورسره    وتړل    شوی   نو   بیا   مو  په    سیمه   او  نړی  کې   د  ټول    اسلامی   اُمت    او   بشري    نړې     شریک   غم    ته   مو  لغته   ورکړه    او  ځان    مو   ترینه     جدا    کړ .
تاسو باید په یاد ولرئ   چې  د افغانستان   مسلمان  او آزادی غوښتوونکي   ولس  هغه  سپیڅلې  فریضه  راژوندی کړه  چې   د   اسلام    د   ستر    پیغمبر  ص  او د   هغه    د   مبارکو   ملګرو    مدینی   ته   له   هجرت    کولو    وروسته    هیره   شوی   وه   او حتی   د کتابونو   له   پاڼو   هم    ورکه    وه ، دا    ویاړمن     ولس  د بې    شمیره   سنتو او   د   هغه    فرضو  راژوندي    کوونکي     ؤ    چې   ایران    کې   د    آخندانو    تر      زړونو   او  علمې    سویه    هم    له    یاده     وتلی     وه   زموږ ږلس په دغه  تاریخئ   معرکه کې  چې  له سور وحشی  سیلاب  سره  لاس او ګریبان    وو  پدي   ستونزمن او له کړاؤنو  ډک  بهیر کې  يې   د   بشری     نړي    ټولو    اومتونو    ته     یې  د   عزت     او    آزادی     لوری     وروښود ، د  نړی   غوڅ    آکثریت   هیوادونو   او ولسونو   باور   درلود    چې   کمونیزم    نه    ځپوونکئ  ځواک دی   او  مسکو هم  ویل  چې   موږ   یوه  منل  شوی مفکوره  یوو   او حتی  زموږ  د هیواد   ځوان   او   بیسواده    آشرګرئ   کمونیزم   خو دومره   غولیدلی  ؤ   چې   باور    یې   درلود  د ثور(۷)  کودتا   نه  په   شا   کیدوونکې   دی    خو   شکرالحمد الله   د   هجرت    لارویانو  د هغوي  د   شعارونو  پوزه   هم   په   خاورو   و موښله    او   اسلامی   او   غیر  اسلامی    نړی    یې   هم    پوروړۍ  کړه  ، ددی   په   ځاي   چې   ایران   خپله   خاوره کې   ددغې   قافلی   له لارویانو  (مهاجرو) سره  نیک  انسانی     چلند   وکړی  مګر  له   بده   مرغه   افغانانو   ته    پدرسوخته ،بې   وطنه ،قاچاقچی  او  دی  ته   په   ورته   نومونو  یې  یادوئ .
  موږ افغانان     د ایران   د  حکومت   د  هغه  میلمه   پالنې   یوه   نړی   مننه   کوو  چې  یو  لنډ   وخت    لپاره     یې  د  افغان مهاجرو  درناوې  کړی  او د هغوی   سره   یې  انسانی  همدردی    پاللې   خو په    تاسف   سره    له   لنډ   وخت   وروسته   ایران    د   بشری حقونو   د  درناوئ    ټول   حدود   تر پښو   لاندی   کړل ،  که    ایرانی   رژیم    نړیوالو  قوانینو   ته    ژمن     وئ    او  د   ایرانی    مهاجرو  لپاره   له   آروپاي    هیوادونو   د   مهاجرو   په    آړوند  د   جینیوا    د  ژمنو  له   مخې    حقوق    او   امتیازاتو   غوښتنه   کوې    نو  باید   د   ایران    د ننه    میشتو   افغان    مهاجرینو   ته    هم    د   همدغه    نړیوالو    قوانینو   له   مخې     بشری    خدمتونه    او    آسانتیاوي     برابری    کړاي     شې .
د ایران  او عراق ترمنځ  د اوږدۍ  خونړۍ جګړی تاریخ ددی شاهد دی  چې  دغې  جګړی کې تقریبآ  له لسو زرو زیاتو  افغان  مهاجرینو  د مظلوم   په  حالت کې  ژوند له لاسه ورکړی   او ددي  دلیل  دا ؤ چې   دا افغانان   څوک  د ځینی افغانی   ملت پلورو لخوا  دی جګړی ته لیږل شوی  ،ځینی  یې  د ایران  د استخباراتو  او فوځ لخوا  د یو عادی مزدور کار  په حیث  لیږل   شوی ؤ  او ځینی  یې  له   بندیخانو  ویستل شوی  او جبرآ  د جګړی لومړی کرښیې  کې  د فوځئ وسایلو  د انتقال  او  د جګړې   له   ډګره    د   زخمئ    عسکرو  د  راویستو   په برخه کې  د یوی  مظلومی وسیلی   په توګه  له دی  انسانی  قوي  کار  آخیستل   شوی    او   په    همدی   وخت   کې   یا   د   عراقی    عسکرو   لخوا   ویشتل   شوي   او یا   ماینونو  وژلي   دي   او  د   انکار   په    وخت   کې    د ایران     د  وحشی   فوځیانو    لخوا   په   شهادت    رسول   شوی   دي   چې   ځینی   یې  ایران کې     دفن     شوی    او   د   ځینو   لا    مزارونه     هم    ندی    معلوم   دا  د تاسو    د ایرانی   اسلام  یوه   کوچنئ    نمونه    ده  .
د  داکتر  نجیب   کمونست  رژیم  او  ایران   یوۍ  نامقدسی  موافقی ته سره  ورسیدل   چې   د هغې  له  مخې به  ایرانی  آلوتکي   بامیان   او  هزارجات   سیمو  ته  د بشری  مرستو  تر کاذب   پوښښ  لاندی   نظامی  مرسته  ور انتقالوی   تر  څو اهل  تشیعه  خاصتآ  د هزاره  قوم  ځینی  وطن  پلورئ  او جاسوسي  څیری  وپالی او  د شیطانت  په  لار کې  ترینه  کار واخلې   تر څو  د  لته    قومی  او  مذهبی  اور  ته لمن   ووهې  خو  د ستاسو  توره  څیره  په ۱۳۷۱  /۱۹۹۲  کال  د جبل السراج    د منحوس    ایتلاف  په     بڼه    کې  له    کریملین    سره   ګډه    راڅرګنده   شوه   د   ایران    دغه   بربنډه    لاسوهنه   له    هیڅ    افغان  پټه    نده   ددغه کلونو  جګړو کې  د حزب وحدت  او حرکت اسلامی  (محسنی)  د جګړه مارو  په سنګرونو کې   په پاکټونو  کې  بند  پاخه   شوی    چرګان    او   فلمرغان   تر    سترګو  کیدل   چې   دی     جګړه     مارو    ته    له    ایران     راتلل  خو   برعکس    په   افغانستان    کې   د روسانو  په   ضد   د راوان    مقاؤمت   په  کلونو  کې  موږ    د   ایران   لخوا    دا   ډول زړه   سواند    ونه   لیدلو  ځکه    چې   هغه    وخت  کې   د مقاؤمت     مشرتابه    او    پیل    دواړه      یې    سنیان      او  د حنفی   فقهه     پیروان   وو .
ښاغلی ولسمشر: زه   د طالبانو د اسلامی تحریک   د جنګیالیو  په لاس  د کابل  تر سقوط وروسته   د  افغانستان   په   شمال    مزار شریف   ښار کې  د   ایران    د  بشري   مرستو   یوه    زهرجنه    نمونه   درته   لیکم    چې   په  کرغیړنو  لاسونو     څو    ذلیلو   څیرو   ته    ورکول   کیدې ،د  افغانستان   له   هغو  شرایطو  سره   سم   د   جنرال  دوستم   په  مشرتابه  د  قومندان  احمد شاه  مسعود  ، استاد برهان الدین ربانی  ،استاد عبدالرب رسول سیاف  ، محمد کریم  خلیلی  ،محقیق  ،منصور  نادری  ،جنرال   عبد المالک  یې   د سر کسان   وو    او   د افغانستان   ددفاع   د  عالی  شورای   په  نوم   یې   خپل   شتون   او   یوالې   اعلان   کړ  ،  ایران ،هندوستان  ،ازبکستان  ،تاجکستان     او   مسکو   یې  ملاتړ   وکړ    خو   ایران    تر   نورو    ټولو  ډیر   فعال    و   او   هندوستان    تر ټولو   ورسته   و  د  ایرانی    رژیم   لخوا  د  بشری   مرستو  تر  کاذب    شعار   لاندی   نظامی او لوژستیکئ   مرستي   ورسره   پیل       شوی  او  نوم    یې   و  د   ایران    د اسلامی   جمهوریت    بشری   مرستې    دا هغه   نوم     و    چې   د مزار    او    شبرغان     تلویزونونو  به    هم     ورته    کارولو  او  د   ایران    پښتو  او   فارسی    رادیو  خپرونو    به    هم    ورته    کارولو ،  کله    به   چې  دغه     زهر     له  ایران     اذربایجان    او همداسی   د ځنځیری د  کړئ    په   څیر   به   بالاخره     د    ازبکستان     د   ترمیز    ښار   له  لارۍ    حیرتان    بندر   ته    د   یو   کاروان      په    شکل     را داخیل   شوي     نو   د   پاسه     به    یې  د تورو      زغالو    او  کله    کله    د   خوراکی     توکو  کڅوړی    پرتي      وې   او  تر لاندی  به    د باروتو ،لاسی بمونو ،توغندی  ، کلاشینکوف ماشین  ګڼي  ، اوګه ویشتوونکی  توغندئ    او   ډول     ډول    مرمیو    ډک     صندوقونه    ځاې     پر ځاي  شوئ    وو   نو تلویزون   کې   به   یی  د  ګاډو   کاروان   هم   وښودو    او  خوراکی   توکي   به   يې هم  د  نمایش   لپاره    وښودل   چې   په  څو  کورنیو   به   یی   د سیاسی   چال   او  چلند  لپاره    وویشل    او  د   ایران   د  کونسلګری  (استخباراتو)  مامورین   به   هم   تر   سترګو   شول  .
ښاغلی ولسمشر:  ستاسو  دا  کرغیړنې بشری مرستی  ما  په خپلو   سترګو   لیدلی  دی   ، یوه   ورځ    د   مزار   ښار  په  څنډه   کې   د  دهدادی    هوای    ډګر  ته    له   یو   ملګری    سره   لاړ    وم   هلته   هری   خوا  کلاشیکوف    ماشین  ګڼې   ، راکټ   آندازونه  او  ډول   ډول    نظامی   وسایل   هم    په   لوڅ     میدان    پراته    وو  او هم   ترینه   کانتینرونه    ډک   شوی    وو مسؤل   کسانو   ویل  چې  دا  مهمات   او   وسله   له   ایران   راوړل  کیږی  او هفته کې دوه  کاروانه   رارسیږی  نو ما  ترینه   وپوښتل  دا  به   د   ایران    هغه   بشری   مرستي   وی  چې  کله   کله    یی تلویزون  کې  ګورو   نو   هغه   په    خندا   ځواب   راکړ    متاسفانه    همغه   زهر  دی  .
مسؤل کس وویل ډیره زیاته  وسله  راغله  او نوره  هم  راروانه  ده   او زما یو شخصی دوست چې ترکمن  و د حیرتانو بندر کې  یې  دری ورځي  او دوه ورځي  یې  د مزار شریف  قلعه جنګې  کې  چې  د جنبش  ملی د ګوند نظامی قومندانې  وه  وظیفه  درلوده   هغه  له طریقه  هم  له  دی  جریان  با خبره  وم،   زه  خپله  په  دی وسلی او نورو وسایلو وګرځیدم  آصلآ دا هغه وسله وه چې   د تاسو تیرو حکومتونو  د ایران او عراق  په جنګ کې  کارولی  وه  بیا می  له لرګیو جوړ    یو صندوق   سر خلاص کړ   او د ننه پکې لاسی  بمونه     وو  او  د ننه  پکې  یو کاغذ   موجود   و  او  په هغه  کاغذ یې   د  همدی   بمونو   د  کارخانی  ادرس  ،تلیفون   او   فکس  نمرو  تر  څنګ   یې   لیکلی  و  ( ښاغلی  سرباز  کله چې ته له دی بم  استفاده کوی  او پدی وخت کی دی کومه نمیګړتیا پکی ولیده  مهربانی وکړه  پدغه  ادرس  د لیک   او یا  د  فکس او  تلیفون   له   لاری    موږ سره  آړیکه   ونیسه   تر څو  موږ   وکولايې  شو  دا  غلطی  او  نیمګړتیا   اصلاح  کړو  او  بیا  یو  شعار  پری  جدا   لیکل  شوی و  او  هغه  دا  ډول   ؤ  ( ای  خدایه   ته    امام   خمینی  رح  په  خپلی  خوا  کې   په  امن  سره   وساتی   چې  د  ایرانی  ملت  آمانت   دی  او تر  هغې   یې   وساتی  چی   تر څو  امام   مهدی  آخرزمان   راشی  او له  هغه   سره   ملګری    شی)  دا هغه  څه دی  چې  ما   پخپلو  سترګو   ولیدل   که   د  ایران    بشری   مرستي  دا   ډول    وی  نو   ایا   دښمنانآ    اخلاق    به    یې  څنګه   وئ؟  
موږ  منو  چې   د افغانستان  د طالبانو  د اسلامی  تحریک  د جنګیالیو  په  ننوتو سره   د مزار شریف  ښار  کې   د ایران   د جمهوریت  د کونسلګری   مامورین   ووژل  شول   هر افغان   دغه   وژنه   او کرغیړن   عمل  د  افغانی   دود ،ګاونډیتوب  ، میلمه  پالني  او نړیوالو   وصولو  او  آخلاقو   بر خلاف   کار  ګڼي   خو پدی ارتباط   باید   ووایو  چې   ددي  وژني   دستور او حکم   د  طالبانو  د تحریک  د مشرانو  په  خوښه  نده  شوئ   او ددي کار علت  څلور (۴)  خبري کیدايې  شی  
۱ : د ایران  د ښکاره  مداخیلو او د کونسلګری   د مامورینو  لخوا   د   نطامي   او استخباراتي   فعالیت    په  وړاندی   د  افغان   ولس  عکس العمل  .
۲ :له  شمال  ټلوالې  د ایران  هر اړخیز  ملاتړ  د  طالبانو  د ټیټې   سویې  قومندانان   او  جنګیالی  دی  کار  ته  و هڅو ل    .
۳ : په  طالبانو  کې  د بهرنیو  نفوس  او  ددی  تر  شا   د  استخباراتی  کړیو   ژور  لاسونه    تر  څو  وکولاي    شی   دواړه هیوادونه   په   جګړه  کې  سره   ښکیل  کړی  او خپلي  ناوړه   مؤخي  عملې  کړۍ  .
۴: مزار شریف  ښار ته   د  طالبانو  له  ننوتو  سره  سم   د شمال  ټلوالې  د مشرانو  په  دستور  د کونسلګری  د ساتوونکو  له خوا   دا کار شوی  تر  څو  په   دوامداره   ډول   د ایران  نظامی  او مالی  مرسته  تر  لاسه  کړی .
ددغه   پیښي  له  پیښیدو  وروسته  د ایران حکومت  تر اویا زره (۷۰۰۰۰)  ځمکنئ   او  هوايې  ځواکونه   د  افغانستان   د سرحد  په   لور   وخوځول   مانورونه    یې   اجرا   کړل    د  افغانستان   د   هوايې  حریم   نه   یې   پرلپسي   څو  ځله    تیری   هم    وکړ   خو  د  خوښي  ځاي   دا  وو  چې   تهران   هم   د نړی   ځینی کمین   نیوونکو  ته    متوجه   شو  او په   افغانستان   يې  له فوځي  یرغل   ډډه   وکړه  او   دواړو  خواؤ  ستونزه   په   شه    ډول   سره   حل کړه .
ښاغلی  ولسمشر  :  موږ  بی هویته  نه  یوو تاسو  اشتباه   کوئ   افغانان  چې  د نړی هر هیواد ته لاړشی  خو له خپل هویت  او شناخت   انکار   نکوئ  او په  خپل   افغانیت   ویاړ  کوی   خو ایرانی   آتباع    چې  کله    اروپا  او غرب  ته مهاجر   شی  نو  بیا  د  هغو هیوادونو  د ویزو/تابعیت    لپاره   ځیني   یې  ځانونه    افغانان    معرفی  کوئ   او ځینی  یې  ډیر کرکجن  او شرمنده   ویناوي او  دعوي کوې   زه  په    دوه   زره   یو/۲۰۰۱  کال  کې  انګلستان  ته مهاجر شوم  نو  د میډلزبرا  په   نوم   یو   ښار  کې   می  ژوند  کاؤ  هلته   څو ایرانی    مهاجر    راسره   مخ شول   هغوي    له   ما   و  پوښتل    چی    تاسو   افغانان    کوم   ډول  کیسونه  کوې  او خلک څه   وايې  هوم افس  کوم دول کیسونه   ښه   قبلوئ   ما  ورته    وویل  د افغانانو ستونزه   معلومه  ده  جنګ   ده   جګړه   څوک   ځان    په   یوی ډلې  ور تاوان  کړی  او حوک   به    بلې  ډلۍ ،  ځینی    یې  رښتیا  هم    ستونزه   لری او ځینی  یې  هیڅ  سیاسی  ستونزه    نلری  خو ټو لنیزي   ستونزی    لری  .  ما  تری  وپوښتل  تاسو ایرانیان  چې  دلته راشئ  نو څه ورته  وايې  ځکه ایران کې  خو امن  ده  ؟ دوي    ځواب  راکړ  او  ویې   ویل   پخوا   به   مو  د ایران  د اخندانو خلاف   دعوه  ښه  منل کیده  خو اوس  یې  نه  منئ   اوس   مجبور  یوو  ځینی  ځان   افغانان   معرفی کوو   ځینی   يې   کوردان   او ځیني  یې   وایو  چې   سنی   مذهبه    یم  ایران  کې  سنیانو  ته  د  مجرم   په  سترګه    کتل  کیږی   او ځینی   یې   بیا    ادعا   کوو  چې  موږ     ایران  کې    همجنس بازی   کوله    او  رژیم    راباندی  خبر  شوی   و  اعدامولو یې  نو  راوتښتیدو.  نو اوس   له    تاسو   ښاغلی  او  د ایرانی   رژیم  له   نورو   چارواکو    پوښتنه   کوم   او قضاؤت   وکړي   چې  د  بې   وطنه      افغان   او    بې   وطنه    ایرانی    ترمنځ    د   غیرت    او  همت    معیار   شته   او  که   نه ؟
ښاغلی ولسمشر : له یولسم ۱۱ سپټمبر ۲۰۰۱  کال  وروسته  په افغانستان  د آمریکا  له یرغل  د ایران بشپړ  او هر آړخیز  ملاتړ له   هیڅ   افغان  پټ  نه  دې  او  حتی دی ته هم  تیار شوی  چې  د افغانستان  د یو  پیاوړئ  سیاسی ګوند  مشر  او  د افغانستان  د اسلامی دولت  یو پخوانی  لومړې وزیر  انجنیر  ګلبدین حکمتیار  امریکا ته  د شه نیت  ښودلو  په خاطر   په داسی حالت  کې  لاس  تړلې   وسپارئ   چې   هغه  په ایران  کې   د جلاوطني   ژوند  کاؤ  او ستاسو د  حکومت  او  ملت  میلمه  و  او   د  ایران   آخوندئ   رژیم   د  نړی  په  مخ   ځان  د امریکا  سر سخت   مخالف   او امریکا  د  ایران   سر سخت  دشمن  ګڼې  مګر  تاسو   ونه  لیدل  چې  د  طالبانو  مشر ملا محمد عمر  د خپل   اقتدار  په بیه   له   یوه   مهاجر  عرب   نه  دفاع    وکړه  .
  دا  دی  همدا   اوس  هم   ستاسو  تر مشرتابه   لاندی  د  ایرانی  رژیم   په  وسلو  افغانان   وژل  کیږی  او تر څنګ  یې د امریکا د  یرغل  ملاتړ  هم  کوئ  او  زموږ  د  ولس  په  وینو  مو لاسونه   سره  دی  خو  زموږ  د خلکو لپاره  ډیره  د  تعجب   وړ خبره   دا  هم   ده   چې همدا   اوس   تازه    تازه    ایران     په   افغانستان   کې  د بهرنیو  فوځونو   له   شتون   سره   د   مخالفت   غږ   اوچت   کړې  او شخصآ تاسو  د ملګرو  ملتونو  له   مشر  مو غوښتئ  چې د یولسم      سپټمبر ۲۰۰۱  او په افغانستان  او عراق د امریکا د یرغل مؤخه  او هدف  واضع کړی  او په دی ارتباط  پلټنه   او تحقیقات  تر سره شی  ، موږ وایو کور مو  ودان   موږ  افغانان  هم  بهرنی فوځې  شتون  نه   منو او نه   یې غواړو  چا  چې  غوښتئ  ، چا چې  یرغل کړی او چا  یې  چې  ملاتړ کړی  تاریخ   ته  به  تورمخي او ځواب  به   يې  وايې  خو متاسفانه  شخصآ تاسو د امریکا تر قومندی لاندی  ددی  یرغل ملاتړ  او مرسته  وکړه  ددي دوران د وژنو  ،تباهیو ،له بشری حقوقو  د سرغړونو ، د سیمي  د بې ثباته کولو مسؤلیت  مخامخ  د ایران  په   غاړه  پروت   دی   او  باید   څیړنه   او  تحقیق  له   ایران   څخه   پیل   شې  ،  ایا  ستاسو  دغه    غوښتنه   د   افغان    ولس  په   نسبت   کوم   زړه    سواند   دۍ  او که     زموږ    ولس  او   هیواد    یوۍ    نوي   جکړي    ته    ورټیل    وهلو  هڅه   کوئ ؟ .
ښاغلی  ولسمشر : نن  د ایران   زندانونه  د  افغانانو  د شکنجۍ  په  مرکزونو  بدل  شوی  ، امامان  په مساجدو  کې  داسی ویناوي کوي  چې  عام    ایرانیان    او پولیس  دی  ته   وهڅوئ  چې  د  افغانان   کورونه   چور کړې  ، هغوئ  ورټئ  ، او له ټولو انسانی حقوقو  یې  محروم کړي  خو په غرب کې  ایراني  مهاجر  د هغو هیوادونو د  تابعیت  مستحق  دی  ، ټاکنو کې  برخه   آخلې   دعیسوئ  مذهب  پلوئ   نړي   یی  د انسان  په  حیث   آرزښت   ته   قانع    دي  خو افغان   مهاجر  ایران  کې  په خپل نوم   بایسکل  له آخیستو هم   محروم   دی  ، نانوايې  ورباندی  وچه   ډوډې  نه  پلورې  ایا  همدا  د حضرت علی  رض  او  حسن   او حسین   تګلاره   وه   چې   یو  مهاجر  ته   دی  دومره   سپک  اختیار  کیږی  ؟  په ایران  کې مشهور  متل دی  چې   په  دوه   شیانو(څیزونو) کولو  کې  نه  ګناه   شته  او نه  کبر  پری  کیږی  
۱: په   وچه   ډوډی
۲:په   افغان  مهاجر
دا  هغه  خاطرات  دی چې  افغان   مهاجرو  له  ایران   څخه  له   ځان   سره   را   انتقال  کړي  .
ښاغلی ولسمشر  : داچې  نن تاسو له نړيوالې  ټولنې   سره   د خطرناکو   وسلو  د جوړیدو  په  سر  ژور  اختلاف  لری  او هڅه کوی دا اختلاف  په افغانستان  کې  سره امتحان کړی  دا مو  ستره اشتباه   دی   زموږ   ولس د ایران   په   شمول   د  ټولې  نړي  له خطرناکو  او د ډله ایز  تباهی  د وسلو  له  جوړیدو سره  مخالف  دریخ  لری  ځکه  دغه  وسلي  د بشری  نړی   سوله ایز ژوند  ته   ګواښ   دي  او  د ایران له تیر او اوسني  سیاست   دا   ثابتیږی   چې  ایټمې  قوت  لرونکئ  ایران   تر  چا د مخه  د افغانستان آمنیت  ،یووالې ،استقلال   او  پرمختګ   ته  جدی  خطر دی  موږ   باورئ   یوو څنګه  چې  منځنې  ختیځ   د اسرایلو  او  امریکا  په  وسلو ګواښل  کیږی   همداسی  به  دا  سیمه   هم  ستاسو  په   وسلو .
ښاغلی ولسمشر : موږ    بلنه   درکوو  چې  په   صداقت   سره   را وړاندی   شه   د  ایران  او افغانستان  تر منځ   ددوستی او تفاهم  نوئ   باب   پرانیزه  داسی چې  دواړه  ملتونه  او حکومتونه  د ماضی د وخت  ترخي  خاطري   او تجربی  په  بشپړ ډول   تر شا  پریږدی  او هغه  غلطیانی او ناسم   سیاستو نه  د  تیر  تاریخ   یوه  برخه   وشمیری   پدی   هکله   ددواړو  هیوادونو  ملتونه  په  تاسو حق  لرې ، زه باوری   یم  افغان  ولس   به   دۍ  نوئ  حرکت  ته   دزړه  له کومی  هرکلي    ووایې  ، موږ  نه  نړی  ته  ګواښ   یوو او نه ګاونډیو  ته  خو متاسفانه   موږ تل  له  ګاونډیو او نړی ګوښیدلی  او خطر  مو  تری  لیدلی دی  ،موږ د شه  ګاونډیتوب   تجربه  لرو او له  نورو  هم  هیله  کوو چې  ښه   تجربه  ولرئ  زه درته مشوره  درکووم چې  د افغانستان  په اړوند د ایران په سیاست  بیا   بیا  غور وکړی  د میروایس خان  په  هیواد نظامی  او فرهنګې   یرغل  کله  هم  تجاوز ګر  ته   ګټه   نده  کړی  ، که   ژوند  ؤ    نو  له  افغان    ولس  سره   د  شوو   ظلمونو  او  له  امریکا  سره  زموږ  د هیواد  په  ضد   ددوستې  ثمر  به  هم    شخصآ   تاسو  او  د  ایران   راتلونکې   حکومت   او   ولس   حتمآ   ووینئ     او زموږ  د  هیواد   څو  لنډغر    جنګسالاران   او  ډیموکراټان   به  هم   د  ولس  په   محاکمه  کې  ټیټي سترګي    ووینو  تاریخ   مو په  مخ  کې  پروت   دی  یو  وخت   مسکو  هم د افغان   ولس  په  ځاي  له  څو  آخیستل  شو  سره  د کابل په    ځیګر  سودا   وکړه   خو اوس  امریکا  همغه   تاریخئ   غلطی  تکرار ه  وئ   چې  څه   و خت   د  مخه   یې  مسکو  په   افغانستان   کې   پري   پړ  ګڼلو   او  د  افغان   ولس  په   ځای   یې  له  څو  آخیستل   شو  سرونو   سره    یې    سر    وخوځاؤ    اومید  دي  چې  تاسو   به  هم  د سمون   په  لور   پیاوړئ   او  ګټور  قدمونه    واخلي .
په  آخر  کې  یو ځل  بیا  خپل   سلامونه   درته   وړاندې  کوم   او  په  هر هغه  څه کې  دی  بریالیتوب   غواړم   چې  د بشري  نړي  د ښیرازي   په   مؤخه  یې  هاند  کوی .
ومن الله التوفیق
افغان  مهاجر  نصرالله   احمدزی
انګلستان
97 Baggrave Street
Ground Flat
Leicester, LE3 QSW
United Kingdom
Ahmadzai36@ymail.com
لاسلیک  :
نیټه  :۱۴/۰۴/۲۰۱۰
یادداښت :  ددغه لیک  متن مي  کابل او  اروپا کې  ځینی  بریښنپاڼو  ته ولیږه   ځینو ویل ایران  کې  ولسمشر بدل شوی موږ دا نشو نشر کولئ  ،ځینو  وعدی  وکړی  خو څو  ورځي   وروسته  یې  راته  ولیکل  د ځیني  ملحوظاتو   او نزاکتونو له امله  یې  نشو  نشر کولې   شاید  د ایران  د سفارت   فعال  حضور   او  یا  به   یی  نه  غوښتل  چې  ځینی   یاران   یې  خفه   شی.
 دغه لیک  ما په ۱۴/۰۴/۲۰۱۰ د ایران  د پخوانی ولسمشر  ښاغلی  محمود احمدی  نژاد  په  نوم  او  ادرس  لیکلی   و  او   د  ایران   سفیر   ته    می    سپارلی   و  اوس  غواړم  چې  د هغه  لیک  متن  له   تاسو  سره  شریک  کړم .

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x