روژه د تاریخ په پاڼو کې

د روژې نولسمه ورځ د تاریخ پاڼو کي

لیکوال: شفیق احمد ریان
بسم الله والحمدالله

د حضرت علي رضي الله تعالی عنه شهادت:

د روژي په ۱۹ ورځ په ۴۰ هـ ق کال کي د رسول الله صلی الله علیه  وسلم زوم او د  تره زوی د اسلام څلورم راشد خلیفه امیرالمؤمنین حضرت علي رضي الله تعالی عنه  د سهار د لمانځه په مهال د عبدالرحمن بن ملجم په لاس شهادت ورسید.

د حضرت علي رضي الله تعالی عنه د شهادت واقعه په ځینو روایتونو کي  د روژي په ۱۱مه ٬ په بعضي روایتونو کي د روژي په ۱۸مه  او په ځینو روایتونو کي د روژي په ۲۱مه راغلي ده، اکثره روایتونو کي راغلي چي د روژي په ۱۷ ورځ په سر باندي زخمي شو او په ۱۹ ورځ د شهادت لوړ مقام ته ورسید.

د حضرت علي رضي الله تعالی عنه د قبر په اړه بیلابیل روایتونه راغلي دي، څو ځایونو کي د نوموړي د قبر په نوم ځایونه جوړ شوي دي، د کره روایتونو له مخي نوموړی په پټه توګه د کوفي په دارالاماره کي خاورو ته وسپارل شو.

د عمان او پرتګال تر منځ سمندري جګړه :

د روژي په ۱۹مه ورځ په ۱۱۲۱ هـجري کال کي چي د ۱۸۰۹ میلادي کال د نومبر د میاشتي له ۳۰مي نیټې سره سمون خوري د عمان او پرتګالي یرغلګرو تر منځ سخته سمندري جګړه ونښتله، عمان دي جګړه کي ماتي وخوړله او تر راس الخیمه پوري يي شاتګ وکړ.

د زیتونه پوهنتون بنسټ ایښودل :

د روژي په ۱۹مه ورځ په ۱۳۷۵ کال کي چي د ۱۹۵۶ میلادي کال د اپریل د میاشتي له ۳۰ تاریخ سره سمون خوري د تونس حکومت پریکړه وکړه چي د زیتونه جامع مسجد به په اسلامي پوهنتون بدلوي او د زیتونه پوهنتون په نوم ونومول شو٬ په دي پوهنتون کي پنځه مختلفي پوهنځۍ شتون لري.

د حسن مخلوف وفات :

د روژي په ۱۹ ورځ په ۱۴۱۰ هـ ق کال کي چي د ۱۹۹۰ میلادي کال د اپریل د میاشتي له ۱۵ تاریخ سره سمون خوري نوموتی عالم او فقه حسن مخلوف وفات شو٬ نوموړی د څوارلسمي پیړۍ د ستر فقه په نوم یادیږي .

ورته لیکنې

ګډون وکړئ
خبرتیا غوښتل د
guest

0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx