شعـــــرونه

نړۍ ده په تا ښکلې

سيد الهام

آسمان،ستوري اوسپوږمۍ ده په تا ښکلې
ګله دغه خیمه ګۍ ده په تا ښکلې

چي شروع یې د اقراء په تورو شوې
دا لړۍ د بندګۍ ده په تا ښکلې

چي ته راغلې بدرنګي شوه زاره چاودې
له بدرنګ ژوند آزادۍ ده په تا ښکلې

تا نه وړې ده هر لور د ښکلا برخه
ښار،ځنګل، صحرا غوندۍ ده په تا ښکلې

صدقه دي شم شرینه ګلورینه
باغ،ګلشن،ګل او غوټۍ ده په تا ښکلې

د ملا ، غازي ، زاهد ښکلا له تا ده
طالب جان او حجره ګۍده په تا ښکلې

چي یې ستا پخوله د رب امر منلی
دا مستوره ننګیالۍ ده په تا ښکلې

نه تنها شینکی مزار،مسجد،کورونه
د غره ډ ډه کي کیږدۍ ده په تا ښکلې

د الهامه داشاهدي که شوه قبوله
جنتي دی چي نړۍ ده په تا ښکلې

2016/06/25

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x