تیري څو ورځي د کاریکاتور په ژبه ۲۰۱۱-۵-۱۶

د امریکا په تاریخ کي تر ټولو اوږده جګړه، داسي مالومیږی چی اخیر به د وتلو دروازی راورسیږی…

اوه دا خو د اسامه بن لادن کور دی، مونږ دغه اخیري توري (اسامه بن لا….) نه سوای ډکولای… تر اوسه مونږ په همدې فکر کي وو..چي دا به د چا نوم وي… (پاکستاني پولیس).

ښه دايي اسامه بن لادن مړ… مګر اوس خو زما سره کومک وکړی، اوس خو زما د بی کاری یو غم وخوری، ماته کار راکړی… (امریکايي وګړی)

د کندهار د محبس او د طالبانو د تونل ایستلو وروسته، امنیتي چارواکو د بندیانو د ساتلو لپاره نوې لاره لټولې، هغه داسي چي هر ځای ددوی شک وي چي بندیان به ددې لاري وتښتیږي، هلته یو ټکر، کاغذ یا دیوال باندي بندیانو ته لیکي، چي ګوری مهرباني به مو وي که له مونږ سره پاته سی، مه ځی، ولي ځی، څه کوی چي ځی، مونږ چاته پرېږدی، او داسي نور د تعجب ، استفهام او منني نه ډکي جوملې… د محبس چارواکو ویلي چي دا خلګ خو په بله لاره نه راګرځي، شاید دا تجربه تر ټولو کامیابه وخیژي.. بلکي په دې یې یقین دی، چي حتما به کار کوی.

ددې خبري د ثابتولو لپاره چي اوباما په امریکا کي زیږیدلی، اوس په امریکا کي هر اوباما پلوه تلویزوني چینل دومره غټ کمپاین شروع کړی چي سړی به وايي هر تلویزون صرف د همدې لپاره جوړ شوی چي دا ثابته کړې چي اوباما همدلته پیدا سوی..

د لیبیا پخوانی ولس مشر معمر القذافي خو خپل د هغه ولس په وینو ککړ سو، چي تر ۴۰ کالو زیاته پاچاهي يي په وکړه، خو اوس د سورې ولس مشر هم کرار کرار د نومړي پر لاره قدمونه ږدي…

د امرېکې داوسني ولس مشر شعار په تیرو انتخاباتو کي داو چي یس وي کېن ( yes we can ) …چي ژباړه يي دې ته ورته وه: (هو مونږ کولای سو) .

اوس ښاغلی پلان لري چي یو وار بیا ځان کاندید کړي، او ځکه چي نومړي په خپله تیره یا روانه دوره کي د امریکا په داخلي چارو کي بیخي لاسته راوړنه نه ده لرلې، نو اوس دا شعار هم غټ د شرم ډګ ورته مالومیږی، چي میبې وی کین مېبي وي کانټ.. (maybe we can, maybe we can’t) یعني کیداي سي مونږ وکولای سو، او کیداي سي چي ونه کړای شو..

او په سورې کې پر ځاي ددي چي د ولس مشر بشار الاسد ځواکونه خپل غصب شوي ځمکي چي په جولان سره یاديږي، د اسرائیلو څخه خلاصي کړي، خپل د ولس سره مقابلې ته روان دي..

رسمي یا حکومتي رسنۍ همیشه داسي وي، یاني خبر چي هر قسم وي، خپل د رايي او خوښي سره به يي سمه وي، اوس ګوره لاندي انځور چي بلکل حقیقت دی، یو پولیس یا حکومتي چارواکی یو ولسي وګړی ځپي، او هغه ټکوي، خو حکومتي تلویزون هغه سرچپه ښکاره کوي.. او دا پيښه داسي انځوره وي، لکه ولسي وګړی چي حکومتي چارواکي بیچاره ته وهل ټکول ورکوي..

او په پای کي بیا دا هم ورسره وايی.. چي خبروو مو مونږ، قضاوت یی په تاسو

راټولونکی او تبصره

ځانګړی