شعـــــرونه

غزل: حبيب الله تراب

حبيب الله تراب

غم دې زور هجران دې زور دی څنګه وکړم
بې له تا راته ژوند اور دی څنګه وکړم

لیونی شوم د بیابان په لور مې زړه ځي
کور او کلی راته ګور دی څنګه وکړم

درد او غم دې اوس جوړه راسره درومي
زړه مې ستا د غمو کور دی څنګه وکړم

که خبر وای ما به نه وو درکتلي
چې هجران مو تر منځ خپور دی څنګه وکړم

د اجل داعي ته ځکه لبیک وایم
زړه مې نور له دنیا تور دی څنګه وکړم

په ګریوان مې د غمیو کاروان درومي
خوشحالي راته پیغور دی څنګه وکړم

چې له ژوند یې حبیب الله تراب میلمه کړم
د چا خیال او د چا پور دی څنګه وکړم

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x