پر ستري محکمې بریدګره میرمن وژل شوې

نن ټکی اسیا ( پنجشنبه، چنګاښ ۳۱مه ۱۳۹۵ل): نن له غرمي مخکې یوې میرمني د کلاشنکوف په واسطه پر ستري محکمې برید کړی خو د چارواکو په وینا چاته په کي زیان نه دی رسیدلی.

د کابل امنیي قومندانۍ چارواکو رسنیو ته ویلي چې نن له غرمې مخکې یوې ښځي د کلاشنکوف څخه په استفادې پر سترې محکمې برید وکړ.

د جنائي څیړنو رئیس فریدون عبیدي رسنیو ته ویلي چې دغه وسلواله ښځه د کابل مسعود څلور لاري ته څیرمه ستري محکمې ته ننوتلې او هلته یې ډزي کړي، چې په جوابي ډزو کې دا هم د پولیسو له لوري وژل شوې او جسد یې عدلي طب ته د نورو څیړنو لپاره لیږل شوی.

تر اوسه د پيښي مسؤولیت چا په غاړه نه دی اخیستی او نه هم مالومه شوې چې دغه ښځي ولي په دغه سي یو کار لاس پوري کړی.

avatar
  ګډون وکړئ  
خبرتیا غوښتل د