بلخ : شولګر کې د اور لګېدو له امله لوی مالي زیان اوښتی

نن ټکی اسیا (دوشنبه، زمری ۴مه، ۱۳۹۵ل): تېره شپه په بلخ ولايت کې د شولګر ولسوالۍ بازار ته څېرمه د اور لګېدو له امله ميليونونه افغانۍ زيات اوښتی.

په شولګر کې د اور لګېدو له امله هوټل ، د ګازو او تيلو پمپ ، ۱۵ دوکانونه ، څلور موټر چې يو يې له سودا ډک کاماز وو سوځېدلي.

عيني شاهدان وايي د اور لګېدني سبب د تيلو په پمپ کې د ګازو ليکه وه چې اور يې تر بازاره ورسوی.

د بلخ د امنيې قومندانۍ وياند شېرجان دراني پېښه تايد کړې خو د اوښتو زيانونو په اړه يې معلومات نه دي ورکړي ، نوموړی زياتوي چې سيمي ته د اور وژني په موخه اطفايه لېږل شوې او اور يې مړ کړی.

ځايي اوسېدونکي وايي اطفايه سيمي ته ناوخته هغه مهال رسېدلي چې اور د خلګو زيات شته سوځلي وو.

د اوښتي زيان په اړه کره جزئيات نه دي خپاره شوي.