غزل: حبيب الله تراب

حبيب الله تراب

خدای به بیا د امارت ګلان زرغون کړي
د هسک لاندې به په هسکو باندې یون کړي

د ظالم مغول به خوله کړي ورته ماته
د سور غر دوښمن به بیا په زړه محزون کړي

دا ګلان چې رژیدلي وو تازه شول
آریانا کې به آرام هم به سکون کړي

د تاریخ په زرین باب کې به یې نوم وي
په ننګونو به بدل دوی خپل مضمون کړي

له شاهانو به د عمر قلنګ واخلي
د ایمان په رنګینو به ځان مسوُن کړي

تروږمی به د اجل په غیشي ښکار کړي
د سفیدو له قافلو سره به تلون کړي

سپوږمۍ تیت کړل په لمن کې راڼه ستوري
د حریت ډیوې به بلې صباوون کړي

حبیب الله ترابه ځان په الله سپاره
د جانان غیږې ته تلل به دې مدیون کړي