افغانستان

لسم نمبر محصل شهید

د وردګو ولایت د جغتو ولسوالی کی محمد انور د اتم صنف محصل د اختر خیلو باباخیلو لسم کس محصل دی چی پرون د امنیتي چارواکو لخوا په بی رحمی سره په شهادت ورسید ددغي بیرحمانه لړی د بندلو په خاطر نن د غازی محمد جان په لیسه کی ګڼ شمیر محصلینو او د هغوی اولیاوو قومی مخورو یو پریکړه لیک ولوست چی پنځه مادي یی درلودی:

۱- په جغتو کی به ټول تعلیمي مراکز تر هغه بند وي ترڅو چارواکی د تنکیو محصلینو د خوندیتوب ډاډ ورنکړی.

۲- د جغتو د ولسوالی بی بند او باره او سفاک چارواکی له خپلو دندو باید ګوښه او لدي ولسوالي په چټکی ووزی.

۳- د شا او خوا نه زرو محصلینو د تهدید لا ملونه باید برطرف او حکومت باید جدی توجه ورته وکړی.

۴- د شهید محمد انور او د نورو محصلینو شهیدانو قاتلین باید مجازات شی.

۵- که پورتنی غوښتنی ونه منل شي د جغتو اوسیدونکي به هڅه وکړي چي په خپلو مټو د خپلو مشروعو غوښتنو تعمیل یقیني کړي.
دغه پریکړه لیک نن د غازی محمد جان په لیسه کی د یوي لویي غونډي په ترڅ کی ولوستل شو.

ولي الله شاهین

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x