نظــر

رانډ کارپوريشن Rand corporation

ليکوال : عبدالمجيد جواد

رانډ کارپوریشن Rand corporation (رانډ) د امریکې په کلیفورنیا کې یو ډیر د لوړې درجې پر مختیایي شرکت دی چې بنسټ يې په کال 1948 کې په اصل کې د یهودانو لخوا ایښودل شوی وو او تر ننه په کې ټول بنیادي کارکوونکي یهودان دي ، د خیریه ټولنو په نوم د صحي مرستو او مرکزونو په نوم د تخنیکي او نورو پرمختیايي پروژو په نوم تقریبا د نړۍ په هر هیواد کې مرکزونه لري ، خلک يې پر همدغو نمایشي کارونو او مرکزونو غولولي خو په حقیقت کې دوی د مسلمانانو خلاف هر اړخیزه مبارزه د پردې تر شا روانه کړې ده.

رانډ کارپوریشن دکافرانو د فکري جګړې مهم مورچل ده چې د مسلمانانو د غفلت او ایماني کمزورتیاو له وجهې يې ډیرې بریاوې تر لاسه کړیدي.

د ماینډ واش Mind wash کلمه د همدوی لخوا مروج شوه او دوی خپله وایی چې زمونږ میشن mission یعنې هدف د افکارو بدلول دي.

د فکري جګړې په څنګ کې خپلو نظامي کفارو ته د یوې خاصې منطقې او خلکو په اړه ټول نظامي پروګرامونه ، نقشې ، پلانونه او معلومات د همدوی لخوا برابریږي ، که داسې ووایو نو بده به نه وي چې دوی اوبه خړوي او نظامي کفار ماهیان نیسي.

د مسلمانانو د فکري تسخیر لپاره يې په دې فکري جګړه کې د اسلامي هیوادونو چارواکي او مشران په پیسو اخيستي تر څو د دوی له اصلي هدفه څوک خبر نه شي ، د علماء سوء او دنیا پرستو علماو خولې يې هم په ډالرو او منصبونو ور بندي کړي وي او میډیا والا خو ټول د دوی په اشارو څرخیږي.

رانډ کارپوریشن په 2010 کال کې یو رپورټ نشر کړی وو او دې رپورټ کې يې مسلمانان په 4 برخو ویشلي وو چې د هر یوه تعریف او تشریح يې خپلو یهودي مشرانو ته کړې وه.

1. بنسټ پاله مسلمانان یعنې Fundamentalist
2.دودیزه مسلمانان Traditionalist
3.عصري مسلمانان یعنې Modernalist
4.سیکولر مسلمانان یعنې Seculari

1: بنسټ پاله مسلمانان :

د بنسټ پالو مسلمانانو په هکله په رپورټ کې وایي : دوی هغه مسلمانان دي چې د خپل ژوند ټولې چارې د اسلام شریعت قرآن او حدیث مطابق غواړي ، دوی اسلام صرف دیوه مذهب په نوم نه بلکې د یوه اساسي قانون او دین په حیث پیژني او په ټولو سیاسي ، اجتماعي ، نظامي او اقتصادي چارو کې اسلامي شریعت او قرآن غواړي.

وایي چې همدغه نوع مسلمانان زمونږ اصلي دښمنان دي ، دوی باید زر تر زره ختم شي ، د دوی غږ باید تر نورو مسلمانانو ونه رسول شي ، دوی باید په مختلفو تورونو او تهمتونو له نورو مسلمانانو څخه جلا وساتل شي او  باید د hitlist یعنې د وژنې د لیسټ په سر کې وساتل شي….

نو وروڼو وګوری چې کفر زمونږ له هغه مسلمان نه ډار نه لري کوم چې لمنځونه ، روژې ، حج او تبلیغ کوي ، داسې مسلمانان خو د دوی په هیوادونو کې هم ډیر تر سترګو کیږي مساجد يې ورته جوړ کړي ، ویزې ورکوي ، بلکې کفر له هغه مسلمان څخه ویره لري چې په کامله توګه يې پر شریعت منګولي لګولي وي ، له لمونځ او روژو سره جهاد هم کوي ، له حج او تبلیغ سره سره امر بالمعروف او نهی عن المنکر کوي ، کافر ته کافر حق ته حق او باطل ته باطل وایي ، دوی په داسې مسلمانانو پسې ګرځي ، دښمني يې کوي ، بندیزونه پرې لکوي او په تور لیسټ کې يې راولي.

2 : دودیز یا traditional مسلمانان :

هغه مسلمان ته وایې چې فقط قال الله او قال الرسول سره يې کار وي ، دوی په فقهي مسایلو کې فتوا ګانې ورکوي خو په جهادي امورو کې غلي وي ، دوی د اودس د علم او دعوت فضایل بیانوي خو د جهاد مجاهد او شهادت د فضایل بیانولو څخه ډډه کوي ، د دوی سر و کار له مسجد او منبر سره وي خو سیاست نه ځان لرې ساتي.

نو رانډ کارپوریشن وایي چې که دوی همدغسې روان وي نو دغسې مسلمانان مونږ ته کوم خطر نه لري ، که خطر لري نو دا په هغه صورت کې چې دوی د اول قسم یعنې بنسټ پالو مسلمانانو سره روابط پیدا کړي، دوی هغه وخت خطرناک دي چې دین او سیاست سره یو کړي ، دوی بیا د بنسټ پالو مسلمانانو غږ تر نورو رسولی شي ځکه چې د دوی سر وکار له مسجد منبر او مدرسو سره وي ، دوی په عامو خلکو ښه اثر لري او په دې وخت کې دا هم مونږ ته خطر لري باید دوی هم زر تر زره ختم شي ، دوی چې د بنسټ پالو مسلمانانو سره لاس یو کړي نو دوی له هغو هم ډیر خطرناک ثابیتیدای شي.

3 : عصري modren مسلمانان :

هغه مسلمانان دي چې اسلام ته د یوه دین نه بلکې د یوه مذهب په حیث ګوري ، دوی له مغربي تهذیب نه ډیر متاثره وي ، دوی شرعي احکام او حدود تر یوې زمانې پورې محدود بولې ، دوی د شرعي احکامو په تحریفولو کې قسم قسم هیلې جوړوي ، دوی بنسټ پاله او دودیز مسلمان ته متشدد او متعصب وایي نو دوی زمونږ د کار سړي دي څرنګه چې دوی منبر او مسجد سره تعلق نه لري تر څو غږ يې تر نورو ورسول شي نو دوی ته باید الیکترونیکي میډیا او تحریري میډیا کې پراخه وخت او ونډه ورکول شي تر څو نور مسلمانان هم په شک او شبهه کې واچوي.

نو ګوری وروڼو نن سبا تاسو د مختلفو ټي وي او راډیوي چینلونو حالات وګورئ ! چې څه قسم خلګو ته د مرکې لپاره بلنې ورکوي ، د ګردي میز او بحث و مباحثې مرکو لپاره يې همدغسې مسلمانانو ته وخت ورکړی وي تر څو حقایق پټ وساتي ، دوی په ډیرې چالاکۍ سره د عامو مسلمانانو اذهان خرابوي ، جهاد ته العیاذ بالله فساد وایي ، د حقیقي مسلمانان او مجاهد خلاف خلکو ته غلط سوچ ورکوي او برعکس د خپلو غربي بادارانو ټولې باطلې کړنې حق بولي.

طلوع ، شمشاد ، ازادۍ راډیو ،  اشنا راډیو ، بي بي سي ، جیو نیوز ،  ای ار وای نیوز او نور يې ښه مثالونه دي.

4 : سیکولر مسلمانان

سیکولر مسلمانان یعنې هغه مسلمانان چې هیڅ مذهب او دین نه مني ، دوی نه که د مذهب یا دین پوښتنه وکړل شي نو وایي انسانیت او ښه کار کول تر ټول غټ دین او مذهب ده  او سړی ازاد او حر ده چې هر څه کوي.

نو د دوی په هکله ېي رپورټ کې ویلې دي چې داسې خلک خو زمونږ ملګري دي دوی باید سپورټ support شي کومک او مرسته باید ورسره وکړل شي او په اسلامي هیوادونو کې باید همداسې خلک واک ته ورسول شي.

په لنډه توګه که ووایو نو راڼډ کارپوریشن لمړني دوه قسمه مسلمانان د کفر لپاره خطر بولي د ځان دښمنان يې بولي ،  د دوی شتون ځانته ستر ګواښ بولي او اخریني دوه ډوله تش په نوم مسلمانان د ځان ملګري بولي او د ځان د لاس آلې يې بولې …….

نو مسلمانانو ته په کار ده چې د کفر خلاف هر اړخیزه مبارزه وکړي د نظامي جهاد تر څنګ باید فکري مجاهدین وروزي تر څو له هغوی نه د کفر خلاف په فکري مورچو کې فایده واخيستل شي ! مونږ باید د دوی د فکري یرغل فکري دفاع وکړو  ! خپل آینده ځوان نسل باید ترې وژغورو !  د دوی پټو دسیسو نه باید خلک خبر کړو او هغه تش په نوم د کفر تالي څټي مسلمانان باید دنیا ته بې نقابه کړو.

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
الحاج استا ذ بیانزی

جواد صاحب ، تاسی د فساد اصلی مخزن او سرچشمه را سپړلی ، ستاسی دی لیکنی ته ورته څه می د خلیلزاد د تش په نامه میرمنی ( البرایت ؟ ) په یو کتاب کی (چه په پشتو ژبه د یهودی پرتوکولو د عنوان لاندی لیکل شوی وو ) می هم لوستلی وو ، په هغه کتاب کی دا هم لیکل شوی چه هغه همدی کارپوریشن ته کار کوی او د هغه کارپوریشن واکداره میرمن ده او خلیلزاد ته یی د واده ( د جنسی تعاملاتو ملګرتیا ) په بیه یی د اسلام ضد بلنه همدی ورکړی وه یعنی خلیلزاد… نور لوستل »

سلامت خان

د رانډ کارپورېشن په اړه مهم معلومات د محترم مولوي صاجب عبدالهادي مجاهد په نوي کتاب( ديرغل پر وړاندې) کې وګورئ.(سلامت خان)

الحاج استاذ بیانزی

سلامت خان وروره السلام علیکم !
دغه کتاب چه تاسی لیکلی انلاین کی او کتابخانو کی تر لاسه کیږی ؟ انلاین کی خو مونږ هڅه وکړه تر لاسه نه شو که یی به اړه معلومات راسره شریک کړی پیرزوینه به مو وی مننه

Back to top button
3
0
ستاسو نظر مونږ ته دقدر وړ دی، راسره شریک یې کړئx
()
x