موري ستا په وياړ!

بشیر احمد ”سلطاني”

ستا په سترګو کې ښکلا د جنت وینم
پټ کوګل کې دي رڼا د جنت وینم

لوی مقام او لوی عزت الله درکړی
قدم لاندي دي ځلا د جنت وینم

موري تاته په درتلو مې زړګی یخ شي
ستا په شتون کې آب هوا د جنت وینم

ستا د ناز نواز آواز مي غوږ کې ګرځي
ستا په غیږه کې فضا د جنت وینم

رب ده ایښې ستا رضا کې خپل رضا ده
ستا رضا بس ابتدا د جنت وینم

(بشیر) ستا دعا ته محتاج دی ګرانې موري
تګ په دې لاره صفا د جنت وینم