شعـــــرونه

آذان/ رضوان الله فیضاني

رضوان الله فیضاني

 ستر دعوت  چې  د رحمان  دی  خوږ آذان  دی
چې  په  تېښته  ترې  شيطان  دی  خوږ آذان  دی

عجب  خوند لري  او روح  پرې  تازه  کېږي
دردمن  زړه  ته  چې  درمان  دی  خوږ آذان  دی

د نړۍ  پر مخ  بس  شپه  او ورځ  خپرېږي
هر کافر ته  چې  توفان  دی  خوږ آذان  دی

د خالق  له  خوا بلنه  ده  مخلوق  ته
دا چې  ډېر عظيم الشان  دی  خوږ آذان  دی

له  آذان  سره  خوږې  وږمې  رادرومي
مشک  سنبل  او هم  ريحان  دی  خوږ آذان  دی

ګلورينې  کليمې  پکې  رانغښتي
ښکلی  لا ل  ياقوت  مرجان  دی  خوږ آذان  دی

دومره  زور پروت  دی  په  الله  اکبر کې
په  لړزان  ترې  کفرستان  دی  خوږ آذان  دی

( فيضاني )  د ښايستونو يو سمبول  دی
پرې  رنګين  ځمکه  اسمان  دی  خوږ آذان  دی

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x