د کار هندار/ فتحان حنفي

ژوند نیمګړی دي د کار هنداره واخله
ځان کتو ته د کردار هنداره واخله

په امورو یې د وخت شېبې کړه ښکلي
له قرآن څخه ګلزار هنداره واخله

د کامل ژوندون بقا ده پکې نغښتې
ژوندانه ته د غمخوار هنداره واخله

چې خبر هم څه نا څه یې له حالاتو
کلیواله لیږ د ښار هینداره واخله

آخیرې منزل دي تور لحد دی ګرانه
ها د خاورو د امبار هنداره واخله

که په شکل په لباس درسره یو دی
ددې مار ددې غدار هنداره واخله

مهاجره د هجرت دیار سور ؤر شو
له کابل تر کندهار هنداره واخله

د تکبیر په زمزمو کې فتحې راغلې
له هلمند تر ننګرهار هنداره واخله

د شمال له لورې هم زیرې رادرومې
سرنګون دی د خونکار هنداره واخله

په ټټر د آریانا به عدالت وې
تورې سرې د شرنګهار هنداره واخله

له فتحانه که د شعر متن غواړې
ترې ایثار او د شعار هنداره واخله