تا شاعر کړم/ رضوان الله فيضاني

رضوان الله فيضاني

دردوونکيه مظلوميته تا شاعر کړم
زما خوار مظلوم ملته تا شاعر کړم

پر وطن چې د کفارو لښکر راغی
مهاجر شومه هجرته تا شاعر کړم

څه چنار چنار ځوانۍ يې په دين ځار کړې
د دين لار کې شهادته تا شاعر کړم

حفاظت يې پر مونږ ټولو باندې فرض دی
په قرآن باندې غيرته تا شاعر کړم

ته يو پاک ميراث د ګران رسول الله يې
ای سپېڅليه شريعته تا شاعر کړم

د وخت سترستر فرعونيان دې په ګونډو کړل
د افغان ستر عزيمته تا شاعر کړم

چې په تش لاس د نړۍ مقابلې کړي
د غازيانو شهامته تا شاعر کړم

( فيضاني ) خو ستا په غېږه کې رالوی شوم
زمونږ ګرانه امارته تا شاعر کړم