د مینې مشال / تپاند زهاد

تپاند زهاد

یتیم زړه مې ستا د سترګو وصال غواړي
شهید ژوند مې نن د حورو جمال غواړي

تمنامې ستا د حسن میلمنه شوه
حسرتونه مې د مینې مشال غواړي

دلته ښاد خلک جانانه بیخي کم دي
دا کاڼه خلک اذان د بلال غواړي

ډېرې شمعې به تودې اوښکې راتو کړي
که جانان مي د پرهر زړګي حال غواړي

قناعت یې په دولت او راحت نه شي
عاشقان هروخت د هیلو هلال غواړي

مناجات حمدُ، ثنا کړمه په عجز
تپاند زُهاد) رحمت د ذوالجلال غواړي