دا زندان د ماتیدو دی, ليكنه: احمد فرزان

zindan

نسم ووې د ګل غوږ کي بدل سو دیارانې رنګ
غلی شانته انقلاب دی بدلوی د زمانې رنګ
فاضل استاد بینوا
زمانه لګیاده خپل رنګ بدلوي .
د اسارت قفسونه ماتیږي او د ازاد ژوندانه تازه هوا را الوتي.
د اختناق زاړه قفسونه او زنګ وهلي پنجرې په ماتیدو دي او د ازاد طبیعت ازاد مارغان یوځل بیا د ازادۍ لپاره وزرونه ترپوي.

نور، د ازاد او ښکلي طبیعت دا ازاد او په طبیعت کي خپلواک موجود د استبداد او دیکتاتورۍ ترتورو تمبوشاته نسي پاتیدای .

نور دامنحوس زندان د زغملو نه دی ، او دادی ددي زندان ماتیدل پیل سوي

««««««««

هغه دی، په ټونس او مصرکي د ازاد ژوند نغمه وږغیدل.

څونه له هیجانه ډکه مترنمه نغمه ده .

څونه ويښونکي او پارونکي.

دا نغمه پرنورو ولسونوزیری کوي ، چي نور د دیکتاتورۍ د کړغیړنو قفسونودماتولو او دبندي ولسونودازادولو وخت راغلی دی.

هلته زماني رنګ بدل کړ او د زورو زر اوسپنیزخو سولیدلي او په وینو سره دیوالونه ونړیدل او د ولسي ارادي ازاده او رنګینه فضاخوره سوه .

هو!

نور ، نو د زورسالارۍ دا بدرنګه او خونخوار قفس د سوځولو دی.

«««««««««

بلي !

دا نوی دور دی، په دي دورکي باید زاړه شیان په نوي بدل سي.

ددي دور تقاضاده چي د طبیعت ټول ازاد مخلوقات د خپلي طبیعي ازادۍ څخه برخمند سي.

د مريیتوب او بادارۍ دور ختم دی ، تساوا او برابري دنن غوښتنه ده .

نو !

اې، د یویشتم قرن انسانه !

پاڅه !

مات کړه ! دا داسارت او استبداد زندان !

«««««««««

اې د  ظلم او زورواکۍ په قفس کي بندو ملتونو!

پاڅئ! ځانونه د نوي ژوند فعالیت ته اماده کړئ .

پاڅئ !

دازاړه او زنګ وهلي قفسونه له سره مات کړئ او ځانونه الوت ته تیارکړئ

اې داسارت په بند کي پاته قیدي !

زمانه بدله سوي ، زندانونه په ماتیدودي خو داسي نه وي چي ته لاپه مات سوي زندان کي بیده پاته یي.

ویښ سه ! او د ازاد ژوند او ولسواک نظام مزایا وڅکه !



تبصره وکړه

ستاسو ایمیل ادرس به هیڅ کله نشر نه شي.