ورزش

بنګلادیش له افغانستان سره د کرکیټ سیریز تایید کړ

نن ټکی اسیا (دوشنبه، وږي ۸مه ۱۳۹۵ل): د بنګلادیش کرکیټ بورډ ومنله چې د ستمبر د میاشتې له ۲۵مې تر اکتوبر اولې نېټې پورې به د افغانستان کرکيټ لوبډلې کوربه وي.

د بنګلادیش کرکیټ بورډ مشر نظم الحسن ویلي چې دغه سیالۍ به په ۲۵، ۲۸ او ۳۰ ستمبر په شیربنګله لوبغالي کې ترسره شي. هغه زیاته کړې چې د لوبډلې مشر لوبغاړو د انګلستان سره تر سیالیو وړاندې د لوبو د سیریز وړاندیز کړی و چې دوی ومنلو او افغانستان ته يې د لوبو بلنه ورکړه.

بنګلادیش تېر کال د پاکستان، هند، جنوبي افریقا او زمبابوۍ کوربه و خو د تېر تقریبا یو کال راهیسې هېڅ یوه لوبډلې بنګلادیش ته د لوبو لپاره نه دی تللی.

دا لومړی ځل دی چې بنګلادیش دې له افغانستان سره د درې یو ورځېنۍ لوبو یو سیریز ترسره کوي. تر دې وړاندې دواړه لوبډلې په نړیوالو ټورنامنټونو کې سره مخامخ شوي وو.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x