کور پاڼه / خبرونه / نړۍ / راحیل شریف: پاکستان د هر ګواښ لپاره چمتووالی لري
ارشیف

راحیل شریف: پاکستان د هر ګواښ لپاره چمتووالی لري

نن ټکی اسیا (سې شنبه، وږي ۳۰مه ۱۳۹۵ل): د پاکستان د پوځ مشرانو تېره ورځ تر یوه ملاقات وروسته اعلان کړی چې پاکستان د هندوستان له لوري د وروستیو تبلیغاتي او نظامي ګواښونو په جواب کې هر قسم چمتوالی لري.

د پوځ مشر جنرال راحیل شریف د هندوستان د وروستیو ګواښونو په اړه ویلي چې د پاکستان پوځ د هر قسم ګواښونو سره د مقابلې لپاره چمتو دی، نوموړي زیاته کړي په سیمه کې امنیتي پيښي او پر پاکستان یې اغیز له نیژدې څارو.

د پاکستان پوځ په یوه خبرپاڼه کې ویلي چې د کور کمانډرانو په سطحه د پوځ مشرانو غونډه وکړه او په کشمېر کې د هندوستان پر پوځي مرکز باندي برید او همداسي په بلوچستان کې د هندوستان لاسوهنه تر غور لاندي ونیول شول.

له هغه راهیسي چې د هندوستان تر کنټرول لاندي سیمه کې د هندي پوځ پر یوه مرکز یو شمېر وسلوالو ډله ایز برید وکړ او لږ تر لږه یې ۱۷ هندي پوځیان وژلي، هندوستان د پاکستان په خلاف خپله لهجه تونده کړې او د پاکستان پر خلاف یې تبلیغاتو ته زور ورکړی، چې له امله یې په سیمه کې یو ځل بیا غیر یقیني حالت جوړ شوی.

هندوستان ادعا کوي چې په کشمېر کې د هندوستان څخه ازادي غوښتونکو مسلمانانو ملاتړ پاکستان کوي خو بل اړخ ته بیا پاکستان تور لګوي چې په بلوچستان کې د بلوچ ازادي غوښتونکو تر شا د هندوستان لاس دی.

پاکستان او هندوستان د انګریزانو څخه د ازادي وروسته د کشمېر په اړه یو له بل سره په سنګر کې پراته دي او له همدې وجي یې څو ځله لويي جګړې کړي دي.


د نن ټکی اسیا موبایل اپلیکیشن دلته کښته کړئ