کور پاڼه / ورزش / فرنسوي لوبغاړي د اسلامي زده کړو لپاره فټبال سره مخه ښه کوي
جیرمي هیلان

فرنسوي لوبغاړي د اسلامي زده کړو لپاره فټبال سره مخه ښه کوي

نن ټکی اسیا (سې شنبه، وږي ۳۰مه ۱۳۹۵ل): د جیرمي هیلان په نامه د فټبال لوبغاړی چې د خپل هیواد د ۱۹ کلنۍ لوبډلي نمایندګي يې هم کړې، تر مسلمانېدو وروسته غواړي چې سعودي عربستان ته سفر وکړي تر څو اسلامي زده کړي وکړي.

د برتانوی ورځپاني ډیلي میل د خبر سره سم جیرمي هیلان ۲۴ کاله عمر لري، د «شیفیلډ وینزډای» په نامه برتانوي کلب کې لوبه کوي. دغه کلب د برتانیې د لومړۍ درجې سیالیو کې برخه لري.

هیلان د خپلي لوبډلي سره په قانوني توګه د روانو سیالیو تر پایه لوبي کولو ته اړ دی، خو له هغه وروسته یې د خپل کلب مشرانو ته ویلي چې غواړي لوبه پریږدي او د اسلامي زده کړو لپاره ځان فارغه کړي.

جیرمي هیلان ددې تر مخه په فرنسوي کلب «رین» او د برتانوي کلب «مانچسټر سیټي» لپاره هم لوبي کړي دي.

د هیلان په اړه ویل کیږي چې د خپل کلب شیفیلډ سره یې ۱۴۵ لوبو کې فعاله برخه اخیستی او د د لوبو په تېر موسم کې هم د ولفرهامبتون په نامه کلب لپاره په موقتي ډول لوبه وکړه.

د ډیلي میل د خبر سره سم نوموړی خپل فارغه وخت اوس مهال په مسجد کې دننه تېره وي او اراده لري چې نور فټبال پریږدي او اسلامي زده کړو ته مخه کړي.


د نن ټکی اسیا موبایل اپلیکیشن دلته کښته کړئ