کور پاڼه / خبرونه / افغانستان / حزب اسلامي سره د سولې تړون لاسلیک شو

حزب اسلامي سره د سولې تړون لاسلیک شو

نن ټکی اسیا (پنجشنبه، تلې ۱، ۱۳۹۵ل): همدا شېبه ګډحکومت د حزب اسلامي سره د سولې تړون لاسلیک کړ.

دواړو لورو د سولې تړونونه چې د حزب اسلامي لخوا پرې انجنیر امین کریم او د حکومت لخوا پرې د ملي امنیت سلاکار حنیف اتمر لاسلیک وکړ، تبادله شول.

د سولې د تړون تر لاسلیک وروسته د دواړو طرفینو له لوري ګډه اعلامیه وویل شوه.

د حزب اسلامي او ګډحکومت تر منځ په ګډه اعلامیه کې وویل شول چې دغه سند به د ولسمشر غني او د حزب اسلامي مشر ګلبدین حکمتیار د لاسلیک وروسته نافذ شي.

د دغه هوکړه لیک له مخې به دولت د جګړې څخه د لاس اخېستلو په بدل کې حکمتیار او نورو مشرانو ته قضايي مصونیت ورکوي.

د یادونې وړ ده چې د حزب اسلامي او حکومت تر منځ مذاکرات نېږدې دوه کاله وړاندې پیل شوي وو.


د نن ټکی اسیا موبایل اپلیکیشن دلته کښته کړئ

3 تبصرې

  1. هیښونکی عمل: دغه دواړه چې نن یوه اوبل ته دسولې دتړون په نوم لاسونه ورکوي ددغه نني ناورین او جنګونوأصلي عاملین دي چې یوئې کمونیست او بل ئې أخوانی دی کاش دغو له نن څخه څولسیزي واړاندې دغه فکر کړی وی او دجنګ پرځای ئې سوله غوره کړې وی، اوس چې کله هیواد ټوټه ټوټه اوهیوادوال کور په کور دغم په ټغر کیناستل دوي سره خویږي او نمایشي سوله کوي دواړه دملت مجرمین یوبل ته دمظلوم ملت په حق کښې بښنه کوی او دتیروهغو جرمونو چې له ملت او ملتوالوسر ترسره شوي دي برآت ورکوي، هغه شعارونه مرګ په توره ارتجاع اخوانیت باندې ، مرګ په وحشي کمونستانو مرګ په أمپریالیزم، مرګ په سوسیالیزم، او هغه لاپې شاپې چې یوه پردی عسکر هم په هیواد کښې شتون ولرې حزب اسلامي به سوله ونکړی ، هغه کمونیستان چې داخوانیت دله منځه وړلولپاره ئې هر لمونځ کونکی ژوندی ترخاورو لاندې کړ، نن پاکې پریښتې شوې هیڅ ډول جرم او داغ نلري، هغه أخوانیان چې په لارو کښې انسانان په انسانانو داړل کا بل میشتي شپیته زره انسانان ئې قتل کړل نن هیڅ جرم نلري کمونستان قضائي مصؤنیت ورکوي، واوا مزې کوی ځکه آقا موترڅنګ دی نور خوأفغانان نه انسانان دي او نه کوم حق دپوښتنې اوغوښتنې لري، بس چې سره اوتوره ارتجاع سره خوښ شول، نوخیر اوخیرت دي…….

  2. بسم الله الرحمن الرحیم
    قال الله تعالی(ومن لم یحکم بما انزل الله فاولئک هم الکفرون)
    ترجمه؛څوک چه دالله جل جلا له په نازل شوی کتاب فیصله نه کوی نو هغه کافران دی.
    وقال الله تعالی(الحکم لله)ترجمه؛حکم صادرول خاص الله سبحانه وتعالی لره ثابت دی.(یعنی دالله ج سخه بغیر به ده هیچا حکم نه منل کیژی)
    وقال الله تعالی(الأمرلله)امر خاص الله لره ثابت ده.(یعنی دالله ج سخه بغیر به دهیچا امر نه منی)

    نو دپرتنیو قرآنی آیاتونو په رڼا کی زه غواړم چه دهر مسلمان ورور سخه دا سوالونه وکړم چه دخدای جل جلاله په خاطر که عالم دین دشریعی قواعدو مطابق جواب راکړه.او که عام مسلمان ورور یی نو دالله جل جلاله په خاطر دخپل مسجد دامام سخه ددغو سوالونو مطابق سوال وکړه او په جواب یی عمل وکړه.
    ۱.دغه موجوده قانون اساسی چه صراحتا دالله جل جلاله له مقدس قران سره په ټکر کی ده دمثال په په ډول قرآن پاک فرمایی چه حکم به صرف او صرف دالله ج منل کیژی یعنی که دالله جل جلاله دحکم په خلاف دغیرالله حکم سوک ومتی نو دا کافر بلل کیژی.
    نو وس چه قرآن پاک ته متوجه شو الله ج فرمایی(السارق والسارقة فقطعوا ایدیهما)ترجمه: د غله سړی او دغلی شځی لاسونه ور قطع کړی.همدارنګه دشرابی په هکله دالله جل جلاله حکم ده چه باید (۸۰) دوری ووهل شی.دقاتل په هکله چه قتل بالعمد وکړی الله جل جلاله فرمایی چه باید قصاص شی.او همداسی نور ډیر داسی احکام دی چه مو جوده دکفارو په لاس دقانون اساسی په نامه قانون چه زمونژ په مقدسه خاوره تپل شوی دالله جل جلاله دا مبارک احکام د بشر دحقوقو خلاف بولی العیاذ بالله.
    نو وس داسی قانون ته من حیث مسلمان ځان تسلیمول ایا دا صراحتا دکفر بواه خبره ده که نده؟؟؟؟؟؟
    (۲)دګلبدین حکمتیار او دده د حامیانو سخه من حیث مسلمان دا سوال کوو چه تاسی تر نن ورځی پوری ځانو ته مجاهدین ویل او جهاد مو فرض بلل نو ستاسی مقصد له جهاده سخه سه وو؟؟؟؟تاسی په خپل جهاد کی کوم شرعی مقصد ته ورسیدلاست؟؟؟؟
    الله تعالی خو فرمایی چه(وقاتلوهم حتی لا تکون فتنة ویکون الدین کله لله)ترجمه:دالله جل جلاله په لارکی جهاد وکړی دکفارو او د دوی دمعاوینینو سره تر هغه وخته پوری چه فتنه ختمه شی او دین ټول دالله جل جلاله لپاره شی.
    نو دګلبدین حکمتیار او دحامیانو سخه مخکی تر دی چه دخپل دخپل رب جل جلاله په وړاندی دمسؤل په رقم ودریژی داسوال کوم چه ایا دانن ورځ تاسی دخپل جهاد او دجهاد ددعوی سخه لاس په سر شولاست او له جهاد فی سبیل الله سخه مو په اعلانی ډول بیزارتیا وشوله
    ایا تاسی جهاد دخپل طبیعت په تقاضا کول او که دالله جل جلاله دتقاضا مطابق؟؟؟؟؟
    که مو دخپل طبیعت مطابق او دخپلو اغراضو د ترلاسه کولو په خاطر سه وخت نمایشی منډی ترنډی کړی وی نو بیا دخدای په خاطر دا خپلو کړو وړو ته دجهاد نوم مه ورکوی،ددی مقدسی فریض اهانت مه کوی.
    او که مو دالله جل جلاله دتقاضا مطابق جهاد کول نو اللهی تقاضا خو په جهاد کی ظاهره او واضح ده چه (وقاتلواهم حتی لا تکون فتنة)الله جل جلاله فرمایی تاسی تر هغه له کفارو سره مقاتله وکړی چه فتنه کاملا ختمه شی.
    نو ایا داوس چه دټولی نړی کفار دالله جل جلاله ددین مقابلی ته راغلی او زمونژ مقدسه خاوره یی تر خپلو منحوسو قدمومنو لاندی غلبیل غلبیل کړه ایا داتاسی فتنه نه بولی؟؟؟
    ایا داللهی قرآنی احکامو په وړاندی ددغه دجالی شیطانی قانون اساسی تنفیذ زمونژ په مظلوم ولس دا تاسی فتنه نه بولی؟؟؟؟ایا تاسی د دوی دغه مردو قانون اساسی له بیخه ویستل او په ځای مو اللهی قانون تطبیق کړ چه بیا نو تاسی نور دجهاد کولو ضرورت نه ولید او تسلیم شولاست؟؟؟؟؟
    بل داللهی تقاضا مطابق جهاد دوهم جز خو داده چه (ویکون الدین کله لله)ترجمه؛تر داسی وخته به جهاد کوی چه دین ټول دالله جل جلاله لپاره شی؛
    نو ایا تاسی چه وس نور رسما دعلان وکړ چه نور مونژ ددولت او نړیوالو کفارو په وړاندی هیڅکله هم دسلحه نه استعمالوه او بیا به دجهاد په نامه اقدامات نه کوه نو دا ولی ایا دین ټول دالله جل جلاله لپاره وګرځیدی چه زړه مو بی غمه شو؟؟؟ایا په حزبیانو کی به یو دنر بچی پیدا شی چه په اعلامیه دا ووایی چه دغه موجوده قانون اساسی مونژ ته دمنلو وړ نده؟؟؟ ایا یو دنر بچی به پیداشی چه دکفارو په مخکی دا علان وکړی چه دا قانون اساسی مونژ نه منو؟ایا یو مرد میدان به پیداشی چه ووایی چه مسلمانان یو او زمونژ داعقیده ده چه (الحکم لله،الأمرلله)مونژ دیوه رب قانون منو نه دبل چا؟؟؟
    (۳)داچه دسولی په مسوده کی ګلبدین حکمتیار او حامیانو یی صراحتا په اعلانی ډول سره پدی موافقه وکړه چه مونژ به اینده کی په هیڅ ډول ترورستی فعالیتونو کی برخه نه اخلو، او مونژ به له هیڅ ډول ترورستی ګروپونو سره هیڅ قسم تعلق نه ساتو.
    الله اکبر،استغفرالله.
    زه دګلبدین حکمتیار سخه داسوال کوم چه ستا مطلب له ترورستی فعالیتونو سخه سه دی؟؟؟ستاسی په نیزد نن په ټوله دنیا کی ترورستی ګروپونه کوم دی؟؟؟او هغه ته ته په کوم تعبیر په کوم نیت تروریست وایی؟؟؟
    ایا جهاد فی سبیل الله ته تروریزم او مجاهد فی سبیل الله ته تروریست ویل دصراحتا کفر نده؟؟؟؟
    ایا تاچه دا دومره دعوه دجهاد کوله ایا هغه پخوانی دعوه دی په راتلونکی زمانه کی په جهاد فی سبیل الله سره تعبیره وی او که په تروریزم سره؟؟؟
    ایا داته چه وس له جهاد فی سبیل الله سخه دکفارو او دهغو دمرتدو غلامانو دخوشحاله کولو لپاره تعبیر په تروریزم کوی نو که راتلونکی تاریخ او همدا اوس موجوده ولس ستا په اړه دتروریست حکم وکړی ته یی دځان په هکله څنګه ارزیابی کوی؟؟؟؟
    ایا ته به چه کابل ته ورسیژی دا اعلان به وکړی چه زما دا دومره عمر په دهشت ګردی او تروریزم کی تیر شو خو وس ما توبه ویسته له کفارو می رسما معافی وغوشته؟؟؟؟؟
    یا هیڅکله به دا ونه وایی چه ته په ماضی کی تروریست وی او ستا ګوند یو ترورستی ګوند وو،نو چه دځان په هکله دتروریست لقب نسی برداشت کولای.او نه دخپل ګوند په هکله دترورستی ګوند لقب برداشتولی شی نو له خدایه وډاریژی د موجوده دور فرعون اوباما دخوشحالی لپاره سنګه دجهاد فی سبیل الله سخع چه علیه الصلاة والسلام دجهاد تعبیر په (زروة سنام)یعنی ددین اسلام هغه لوړه سوکه بولی او ته تعبیر ړرسخه په تروریزم کوی؟؟؟
    نن دنړی ټول کفری مطبوعات په یوه خوله جهاد فی سبیل الله ته تروریزم وایی او سږتاسی هم همدا قول دځان لپاره شعار وګرځول.
    تروریزم یا دهشت ګردی چه په عربی کی ورته اصلا (ارهاب)وایی
    او ترورریست یا دهشت ګرد ته چه په عربی کی(ارهابی)وایی دا اصطلاح خو په اصل کی رب الکائنات الله جل جلاله دکفارو په مقابل کی دهغو په زړو کی درعب اچوله په خاطر استعمال کړی لکه چه الله جل جلاله فرمایی(واعدوا لهم مااستطعتم من قوة ومن رباط الخیل ترهبون به عدوالله و عدوکم)ترجمه:ای مومنانو تاسی ددغو کفارو او دهغو د معاوینینو په مقابل کی خپل ځانونه،اسلحی او چاق چوبند اسونه تیارکړی چه ترسو دالله جل جلاله او ستاسی ددشمانونو په زړونو کی روعب قائم شی.
    نو وس تاسی وګوری(ترهبون به عدوالله وعدوکم)لفظ دترهبون په معنی دارهاب ده یعنی رعب او دهشت پیداکول دکافر په زړه کی دا یوه اللهی فریضه ده.چه هر مومن ورباندی مأمور ده نو بیا سنګه ګلبدین حکمتیار دکفارو دخوشحالی په خاطر د دوی په تعبیر په ډیره سپین سترګی سره وایی چه مونژ به په آینده کی نه ترورستی فعالیتونه ترسره کوو او نه به دهیڅ ترورستی ګروپ سره تعلق ساتو.(الهام الحنفی)

  3. د حزب حکمتیار نننۍ تسليمۍ ته سوله نه شو ویلای فکر کوم دوئ به یې هم په خپلو کې سوله نه بولي یوازي به د میډیا پر مخ د سولي نوم ورکوي ، دا مطلقه تسليمي ده په هیواد کې به په سیاسي لحاظ هیڅ بدلون رانشي ، نه به امنیت تامین شي نه به فساد ورک شي ، نه به استقلال راشي نه به یرغل ختم شي ، نه به د تلليو شهیدانو ارمانونه پوره شي نه به د کونډو او یتیمانو آهونه بس شي ، نه به زرګونه زندانیان ازاد شي نه به د زورواکانو له خوا د اختطاف لړۍ ودريږي ، نه د امریکایانو ړنده بمباري ودرېږي نه به د شپې د افغانانو پر کورونو چاپې ختمي شي ، هو یو کار به وشي ، حکمتیار صیب به کابل ته راشي او د ذلت پر چوکۍ به کښيني ، چې دېرش کلونه یې د جهاد لاپي وهلې نن به “سدّ باب الجهاد” اعلان کړي.

    دا یو واقعیت دی چې سوله د انسانانو د بقا او ارام ژوند لپاره یوه اړتیا ده او الله جل جلاله په قرآن کریم کې خیر ګڼلې ده خو هغه سوله ده تسليمي نه ده.
    د سولي لپاره د اسلام مقدس دین ځانګړي حدود او شرایط ټاکلي دي او مسلمان یې منع کړي دي چې د یوه شرط پرته هم سوله وکړي.
    سوله به د مسلمانانو د عزت ، سرلوړۍ ، خپلواکۍ او ارامۍ لپاره کيږي.
    د سولي غوښتنه به حربي کافران کوي نه مسلمانان.
    په سوله کې به د اسلام په احکامو سازش نه تر سره کیږي.
    د سولي له وجي به مسلمان نه تذلیل کيږي او نه به د ذلت احساس کوي.
    په سوله کې به حربي کافران د مسلمانانو له خاوري شړل کيږي او پر یوه لوېشت خاوره به د اشغال اجازه نه ورکول کیږي.
    په سوله کې به د یرغل ځپلیو خلکو احساس او خبرو ته غوږ نیول کیږي او اعتبار به ورکول کیږي.
    په سوله کې به د مسلمانانو بندیان خوشي کيږي او یا اقلًا د هغوی نظر به پوښتل کيږي.

    که د سولي شرایط وګورو او د حزب سوله ، نو دا هر عاقل ته معلوميږي چې دا تسليمي ده سوله نه ده.