کور پاڼه / مقـــــالی او تبصرې / د سولي غلط تعبیر…!!

د سولي غلط تعبیر…!!

موسی فرهاد   2016-09-23

سوله او امن رښتیا هم د هر افغان مسلمان د زړه ارمان دی . په اسلام کې د هغه چا لپاره سخت وعید ذکر شوی چې د مسلمانانو امن ، سوله او سکون له منځه وړي . سولي او ثبات ته په اسلام کې خیر ویل شوی دی . بیشکه چې مسلمانان پخپلو منځو کې په سولي او آرامۍ کې په ژوند کولو سره امر کړل شوي دي . خدای تعالی دي ټول مسلمانان خصوصاً افغانان له دي عظیم نعمت څخه د تل لپاره برخمن کړي .

اما په دې خبره به هم ثابت ایمان او محکم یقین لرو چې کله نا کله جګړه مسلمانانو ته تر امن ډېره غوره وي ، غوره څه چې ورباندي فرض عین وي ، که څوک په همغه حالت کې چې جګړه ورته خیر وي او دی بیا هم د سولي ناري سوري وهي ؛ نو دا مسلمان اصلاً پر الهي لارښوونو باور نلري . او یا یی باور کمزوری دی .

دې ته وایی د مسلمانانو د آزادۍ او خپلواکۍ جګړه ، کله چې کفار د مسلمانانو پر حریم تیری وکړي ، کور کلی یې په زور تري ونیسی ، اختیار یې سلب کړي ، د ځانونو ماتحت یې کړي او یا یې له خپلو کورونو وشړي ، پر ځمکه او هوا یې کفار خپل تسلط قائم کړي ؛ نو په دې صورت کې بیا پر مسلمانانو عموماً جګړه کول لازم دی ، او جګړه کول خدایتعالی ورته خیر بللي ده ، نه سوله ، په جګړه کې د هغوی عزت او د سولي په نوم په نه جنګ کې یې ذلت حتمی دی .

دا شخصي ټکي نه دي ، دا زموږ او ستاسو د مؤمن به قرآن او شریعت ثابت حکم دی. کنه له علماؤ نه پوښتنه کولای شو .

نن چې موږ او تاسو د سولي په نوم کومي ډرامایي خبري اورو او ځینی غافل خلک هم دا خبري ښه په شد او مد سره بدرګه کوي ، چې راسئ سوله وکړئ ، سوله د وطن په ګټه ده ، سوله ښه شی دی . هغوی دي د خپل ایمان او ګریوان سره هم په دې اړه سلا مشوره وکړي . چې واقعاً دا همغه سوله ده چې قرآن ورته خیر ویلی دی او که د متجاوزو کافرانو په پښو کې د مسلمانانو د تذلیل کولو کفري دسیسه ده .،،،،؟!

جګړه هیڅوک پخپله خوښه نه کوي ، جګړه مرګ ژوبله لري ، جګړه ستړتیا لري ، جګړه درد او غم لري ، جګړه تباهي او بربادي له ځان سره راوړي ، جګړه قبیح لذاته شی دی .  مګر کله چې يې الله تعالی د چا لپاره خیر وګڼي او ورباندي لازمه یې کړي . بیا ولي څوک مسلمان خپل خیر په بل څه کې لټوي ..؟!

د جګړې او سولي دواړو هدف او غایه یو شی دی چې اعلاء کلمة الله ، او د مسلمانانو ريښتینی خپلواکي. کله چې دا هدف په سوله ترلاسه کیږي ، نو سوله خیر دی او که نه وي نو حتمی به د همدې هدف لپاره جګړه کوي . او جګړه بیا خیر بلل کیږي . او څوک چې یې نه کوي او نه یې مني نو بیا همغه لومړۍ خبره ده چې یا خو اصلاً پرالهي حکم بې باوره او یا ضعیف باوره دي .

ربنا… اهدنا الصراط المستقیم …!
موسی فرهاد
2016-09-23


یادونه: په نن ټکی اسیا کې خپرې شوي لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ نن ټکي اسیا کې مو لیکنه خپره شي، اړیکه راسره ونیسئ. مننه
د نن ټکی اسیا موبایل اپلیکیشن دلته کښته کړئ