شعـــــرونه

نوى ډرامه جوړوي

دوى وقاتل ته د مقتول كور كي جرګه جوړوي
دا د انصاف وختمېدو ته بهانه جوړوي

نه تنها دا چي له غليمه دين ساتلى نه شي
بلكه وطن هم باندي پلوري او لانجه جوړوي

خبر به نه ياست وطنوالو د حضرت په اقدام
د امنيت په نوم اولس ته بيا جګړه جوړوي

شرم ُحيا د سخت دريځو يو دروند پېټى بولي
ډيمكراسي ده له هر كاره ډمامه جوړوي

د اسلامي قانون پر ضد ګمراه ته ستورى وايي
كفار د هر مؤمن په نيك عمل تانه جوړوي

د غلو جرګه ده جوړ غوبل دى هر يو منډي وهي
نوى پتلون اخلي ويښته د سرچپه جوړوي

پرې د سرو سوداګر ډير ډير مصرفونه كوي
بيا په زړو لوبغاړو نوى  ډرامه جوړوي

شيطان پلوي شاعران بيا سندر غاړې پالي
بيا فاسقانو ته د فسق لويه توبره جوړوي

الهام قلم په لاس كي ګرزي قاغذونو پسي
نوي بيتونه وغازيانو ته تحفه جوړوي

2013/11/19

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x