کور پاڼه / مقـــــالی او تبصرې / د جګړی له ادرسه سوله ناشونی ده

د جګړی له ادرسه سوله ناشونی ده

لېکوال رشید حبیب زئی

سوله د افغانستان له خاوری څخه الوتی هغه عنقاء مرغئ ده چې نزدی ۴ لسیزی وشوی افغانان یې لیدو ته لیواله دی خو متأسفانه چې  خارجی او سیمئیزو کړیو سربیره هر هغه افغان هم د عامه افغانانو په احساساتو لوبی وکړی چې اقلاً د لس پنځلسو وسلوالو مشری یې  پر غاړه لرله.

د سیاسی شنونکو په اند  ګران هېواد ته  د غربی ښکیلاک راتللو مقصد د افغانستان ټوټه کول ،  د افغانانو خپلمنځی اتفاق له منځه وړل او په کورنیو جګړو اخته کول دی  چې ښکاره بیلګه یې شمال کې د دوستم په  خپلسري عملیاتو او پښتون وژنه د ناټو چوپتیا او ختیځ کې  داعشی ناورین ته عملی بڼه ورکول  دی.
امریکی د اشغال له اولی ورځی بیا تر ننه د خپلو داخلی ملګرو په بدرګه او  د ملل متحد  په مرسته د سولی او ارام ژوند راوړلو په نمائشی شعارونو بی شمیره  هېوادوال د  مرګ ، زندان او ژوبلتیا په سیند لاهو کړل  خو مقابل کې یې چې هر چا د  ریښتینی ازادئ او تلپاتی سولی نوم اخیستی هغه غږ یې د ابد لپاره خاموش ، سړی یې له صحنی لری او خپل نظامی فرعونیت ته یې ورځ تر بلی قوت ورکړی.

که څه هم امریکي  په ظاهری بڼه د نظامی تحرکاتو واک  افغان دولت ته سپارلی خو له حقیقت څخه یې هيڅ افغان ناخبره ندی چې  د نظامی عملیاتو سربیره  داخلی او خارجی سیاست  هم مستیقیماً د جان کیری لخوا پر مخ وړل کیږی او  هر هغه کار پری کول لازم چې امریکائی جنرالان یې  ورته حکم وکړی .

د پنج شنبی په ورځ د افغان دولت او حزب اسلامی تر منځ د سولی  تړون  لاس لیک شو چې  تر مخی  یې حزب اسلامی د افغانستان سیاسی دولتی ګوند وګرځید  ، ۱۵ کاله پس یې خپل نظامی تشکیلات لغوه کړل ،اساسی  قانون یې ومانه او د جان کیری په لا س جوړ شوی دولت یې د افغانستان اسلامی دولت ومانه  نو په دغسی حالاتو کې چې واک د اشغالګری شپیلئ سره وی سوله  په یخ د لیکلو تعبیر لری.


یادونه: په نن ټکی اسیا کې خپرې شوي لیکنې یوازې د لیکوال خپل نظر څرګندوي، د ادارې توافق ورسره شرط نه دی. که تاسو غواړئ نن ټکي اسیا کې مو لیکنه خپره شي، اړیکه راسره ونیسئ. مننه
د نن ټکی اسیا موبایل اپلیکیشن دلته کښته کړئ