کور پاڼه / خبرونه / افغانستان / ولسمشر غني تېره شپه د کابل ښار نهمې امنیتي حوزې باندې چاپه واچوله

ولسمشر غني تېره شپه د کابل ښار نهمې امنیتي حوزې باندې چاپه واچوله

نن ټکی اسیا (دوشنبه، تلې ۵مه ۱۳۹۵ل): ولسمشر غني تېره شپه ناوخته د کابل ښار نهمې امنیتي حوزې څخه لیدنه وکړله او څو مسوولین وظیفې چې د دندې پر مهال موجود نه و، يې وځنډولې.

د ولسمشرۍ ماڼۍ لخوا خپره شوې خبرپاڼه وايي چې د پولیسو نهمې امنیتي حوزې ته د ولسمشر غني د ورتلو پر مهال یو شمېر مسوولین د حوزو د اصولو او لوایحو د تنظیم چارو خلاف په خپلو دندو کې موجود نه و.

د خبرپاڼې له مخې ولسمشر هغو منسوبینو ته چې وروسته دندې ته حاضر شول وویل چې « خلکو ته د خدمت کولوطریقه دا نه ده، ځکه هره ورځ د انسان تښتولو او غلا څو جنايي پېښې کېږي او دا په دنده کې ستاسو د ناغېړي له امله ده.»

اشرف غنی د نهمې حوزې د آمر او د دې حوزې د ټولو هغو مسوولینو دندې وځنډولې چې حضور یې نه درلود او د دندې په ترسره کولو کې یې تنبلي کړې وه.

ولسمشر د کورنیو چارو وزارت مسوولینو ته لارښوونه وکړه چې موضوع ژر تر ژره وڅېړي او خپل راپور د وروستیو اقداماتو لپاره جمهوري ریاست ته وسپاري.

که څه هم د ولسمشر دغه اقدام له یوې خوا ستایل شوی خو له بلې خوا پرې نېوکې هم شوي او په وینا یې غني نه د مایکرو منجمنټ (وړو کارونو اداره) په کولو سره د غټو کارونو د ترسره کولو پاتې دی.


د نن ټکی اسیا موبایل اپلیکیشن دلته کښته کړئ

یوه تبصره

  1. الحاج استاذ بیانزی

    د اشرف غنی د ریاکارانه چاپی په اړه :
    لمړی : تر ټول دمخه غنی ولی لمړی چاپه د ع او غ په حکومت یا په ارګ نه وهی ، چه د مظلوم اولس رایوی یی په خکندازو کی وغورزولی چه د ملت د ګداګری څو میلونه ډالری ورباندی خرڅ شوی او حتی ډیرو پکی وینی هم توی شوی او د ځینو پکی هغه ګؤتی غوځی شوی چه ع او غ ته یی پری رایه ورکړی وه . او دوی د خپلو بادارانو له خوا د هغو بادارانو به سفارت کی د بادارانو د یو وزیر له خوا د هغوی په لاس جوړ شوی دیموکراتیک اساسی قانون په خلاف یوی ښځی د پاره دوه میړونه ټاکل کیږی .
    دوهم : چاپه ولی جمهور غنی په ځان او خپله میرمن نه اچوی چه دواړه نه یواځی دا چه د نورو هیوادو تابعت لری حتی د افغانستان تذکره او تابعت هم نه لری یعنی افغانان نه دی نو بیا څرنګه زمونږ جمهور ریس او لمړی میرمن جوړیږی .
    دریم : رولا غنی دری کاله دمخه یواځی په کابل کی ۱۵۰ د لویو کورونو په کچه کلیسا ګانی جوړی کړی چه د هغه کلیسا له لیاری خلک اروبا او امریکا ته لیږی د افغانی عیسویانو شمیر له زرونو اوشتی او ددی په څنګ کی د ښځینه اخلاقو په خرابولو کی فعال رول لری ، هڅه لری چه شځی د ښځو د ازادی په نوم فاحشه خانو کی ننباسی .
    څلورم : غنی ولی په دوستم چابه نه اچوی چه د الله ج ضد حقوق بشر ضد او وجدان ضد پشتانه یی په کانتینرو کی د اکسیجن او اوبو د نه شتون له امله په شهادت ورسول د بشر په تاریخ کی نه موندل کیږی .
    پنځم : چابه به یی په محقق او خلیلی اچولی وی چه د پوهنتون په کانتینرو کی ( چه هغه ساحه د دوی په تسلط کی وه ) یی اوه سوی ښڅو څخه سینی غوڅی کړی او د هر ډول جنسی تجاوز وروسته به یی په شهادت رسولی وی او اوس دغنی او کرزی معاونین دی
    شپږم : په مسعود خیلو ولی چاپه نه وهی چه د حکمتیار سره یی په مسابقه کی د کابل ۶۰ زړه بی ګناه او بی دفاع مظلوم اولس په شهادت ورسولو . دا چه په نور افغانستان کی په لکونو په شهادت ورسیدل د هغه احصایه له دوی غیره بل چاته معلومه نه ده چه څو مره به وژل شوی وی ،
    اووم : چاپه ولی به عطا نور ، قانونی ، سیاف او نورو نه اچوی چه د همدی مظلوم اولس په پلورلو بیلونران جوړ شول .
    اتم : همدا اوس په ارګ اداری فساد اوچ ته رسیدلی د جنرالانو او وزیرانو پوستونه په میلونو پلورل کیږی په ارګ ولی چاپه نه اچول کیږی او داسی نور او نور
    دا چه په یوه حوزه چابه وهی ، ځکه هلته غریبان د ښکته مقامونو خلک پراته دی ، او حتی د هماغه حوزی مشر د همدغه ارګه په بیه مقرر شوی اوس به یی کافی بیه د ارګ بادارانو ته نه ورکوله ځکه ورباندی غنی چاپه ووهله ، اصل هدف هغه قیمت وو چه د ناحیی له مشر یی تر لاسه کړی ولی به عین حال کی یی اولس ته ریاکاری وکړه چه زه خو د شپی ځم په ناحیو چاپی اچوی چه زمونږ مفسدین د مظلوم اولس له څپیړو خوندی او به فساد کی ګړندی وساتی او داسی نور