کور پاڼه / خبرونه / افغانستان / اشرف غني او حکمتیار سبا د سولې هوکړه‌ لاسلیکوي

اشرف غني او حکمتیار سبا د سولې هوکړه‌ لاسلیکوي

نن ټکی اسیا (چهارشنبه، تلې ۷مه ۱۳۹۵ل): د ګډحکومت او حزب اسلامي تر منځ د سولې هوکړه سبا پنجشنبه ولسمشر غني او انجنیرګلبدین حکمتیار په ارګ کې لاسلیک کړي.

د حزب اسلامي د مرکچي پلاوي مشر انجنیر امین کریم رسنیو ته منلې چې سبا /پنجشنبه، ستمبر ۲۹مه/ به ولسمشر اشرف غني او د حزب اسلامي مشر ګلبدین حکمتیار تر منځ د سولې هوکړه لاسلیک شي.

امین کریم زیاته کړې چې شخصا حکمتیار به په خپله په ناسته کې حضور ونه لري خو د ويډیو کنفرانس له لارې به تړون لاسلیک او خپله وینا وکړي.

هغه ویلي چې کابل ته د حکمتیار راتلل له تور لېسته د هغه د نوم پر ایستل کېدو پورې اړه لري چې تر راتلونکو څو اونیو پورې به نوموړی کابل کې راڅرګند شي.

حزب اسلامي ته نېږدې سرچېنې وايي چې حکمتیار لا له وړاندې د سولې هوکړه لاسلیک کړې او ویدیويي پیغام يې ارګ ته لېږلی چې سبا به د ارګ په ناسته کې ګډونوالو ته وښودل شي.

ارګ دننه هم یو شمېر سرچېنو سبا د حکمتیار سره د سولې هوکړې لاسلیکولو تایید کړی او ویلي دي چې ژر به رسنیو ته په دې اړه خبرپاڼه ولېږل شي.


د نن ټکی اسیا موبایل اپلیکیشن دلته کښته کړئ

یوه تبصره

  1. داخو یو مثال دہ وای دملاسخہ گیدڑی غوشہ یوڑہ ملاورپسی نعرے کڑی سی اے گیدڑے دازماغوشہ واپس راکہ کنی سبا پہ ممبرباند برملافتواورکوم سی دگدڑی غوشہ حلالہ دہ پہ ڈیرمعذرت سرہ دامثال وایم ای گل ببو داسلویشت کالہ مبارزی سہ مقصد وو افغانان او وطن ورانول وو اوکہ ادلام نفاظہ ول اخر ولی تسلیم شوی سہ قران وہلی وی او قران ووہلی پہ خانہ کعبہ سی دی قران کڑی وو ہغہ قران شرمندہ کڑلی