نظــر

کاشکې حکمتیار په شهادت رسیدلی وای

ګمنام مجاهد

کاشکې حکمتیارصاحب په کوچنيوالي د شري وبا وژلی وای اوس خو به د الله تعالی په نزد په معصومینو کې حساب وای.کاشکې د پوهنتون په وخت کې له شعله یانو سره په جګړو کې د سیدال سخندان په ځای دی مرمۍ ته برابر وای او یا د کي جي بي د ترور هدف ګرځیدلی وای اوس به خو به یې نوم د منهاج الدین ګهیځ په شان لوړ او سربلند وای.

کاشکې حکمتیار د ظاهر شاه، داود یا کمونیستانو په زندان کې قتل شوی وای اوس خو به دډاکټر عمر، نصرتیار، یا انجنیر حبیب الرحمن په شان د الله تعالی په وړاندې ګلګون کفن په سپین مخ ولاړ وای.

کاشکې د مولوي حبیب الرحمن په شان کمونیستانو نیولی او اعدام کړی وای. کاشکې د عبدالله عزام، مولوي منصور یا شیخ جمیل الرحمن په شان په بم کې الوتی وای اوس خو به یې کفر ته د سرټیټی پیغور په غاړه نه وای.

کاشکې د مولوي خالص په شان په حق مرګ وفات شوی وای. کاشکې د ملامحمد عمر مجاهد په شان د سل په رنځ رنځیدلی او د ګمنامۍ په عالم کې له دنیا رخصت شوی وای. کاشکې د ملا اختر محمد منصور په شان د ډرون ګوزار ته برابر شوی وای او کاشکې د مولوي حقاني غوندې د فلج په ناروغۍ مبتلا شوی وای اوس خو به غیر مکلف وای او بیا که د غیرت بهیر او حبیب الرحمن حکمتیار لخوا په جبر هم د امریکايي کفري حاکمیت د منلو سند پرې امضاء شوی وای. الله تعالی ته به ملامت نه وای ځکه د لاسونو اختیار به یې خپل نه وو او په جبر او اکراه به ورباندې دا لاسلیک شوی و.

باور وکړئ له هغې شیبې چې مې د حکمتیار لخوا د کابل له پوشالي امریکایي نژاد رژیم سره د تسلیمۍ د سند امضاء کیدل لیدلي په خپل عاقبت ویریدلی یم. خدایه پاکه! امتحانات دې څومره سخت دي.یو څوک شپیته کاله ستا په نوم د مبارزې لاروهي. په ډیرو امتحاناتو بریالی کیږي مګر په تر ټولو وروستني پړاو کې یې پښې لړزیږي او شکست خوري.

الهي! زه درنه نن بل هیڅ نه غواړم، بلکې یوازې ستا په لاره کې مقبول شهادت غواړم. خدایه دغه پیټی تر منزله نه شم رسولی. زه چې ځان ته ګورم د حکمتیار لسمه برخه پوهه، استعداد،عقل او ټینګښت هم را کې نشته. خدایه پاکه چې سبا مې پښې سستیږي،اراده مې لړزیږي او ستا دښمنانو ته په سرټیټۍ اړ کیږم تر هغه ښه ده چې ستا په لار کې ووژل شم اوپه وینو لړلی له دنیا رخصت شم.

الهي زموږ استعدادونه ډیر کمزوري دي،موږ د ایمان دعوه کړې مګر د هغو اولوالعزمه متقدمینو زرمه حصه عزم هم نلرو چې ستا ددین په لاره کې به له سره تر پښو اره شول مګر اُف قدرې به یې هم نه کاوو. خدایه هغوی خو ستا په لاره کې اور ته غورځیدل قبلول. مګر موږ یوازې د ترهګر، پردي پال او ځان وژونکي الزام نه شو قبلولی. خدایه موږ کمزوري یو موږ قوي کړه.

خدایه پاکه په موږ باندې شیطان خورا زورور شوی،موږ شیطان د تزلزل،عجز او ټنبلۍ ډنډ ته غورځولي یو.دلته د دې زمانې اهل باطل د باطلو داعیو لپاره له سره تیریږي. د امریکا کافرې پیغلې د نړۍ له بل اړخ څخه راځي. د نورستان په ځنګلونو او د بکوا په دښتو کې شپې سبا کوي.په همدې تورو خاورو کې د ګمنامۍ مرګ قبلوي مګر موږ د خپل وطن په غرونو کې شپې نه شو سبا کولای او د کابل ماڼیو ته مو زړونه هوسیږي.

خدایه پاکه ددې زمانې یو هندی کمونیسټ بي ایم کوټي د خپل باطل ارمان لپاره شپیته کاله جلا وطني،شکنجې او زندانونه زغملی شي او بیا چې کتاب ولیکي عنوان ورکوي چې( شپیته کاله جلاوطني او پښیمانه نه یم)

دلته د مجاهدین خلق تش په نامه مجاهدین د سوسیالیزم لپاره تر مرګه د( مجاهد بمانیم مجاهد بمیریم)شعار ته ژمن پاته کیږي، تردې چې نر او ښځې یې د اشرف په کلابند کمپ کې په ډلییزه توګه وژل کیږي مګر یوه ذره هم تنزل او له خپل موقف تیریدل نه کوي. مګر موږ دومره بې غیرته شوو چې د امریکا پنځلس کلن جنګ را باندې وغمېد او اوس مو اراده ده چې د خپل دشمن د لسګونه زره پوځونو په شتون کې د هغوی په راشن چلیدونکي رژیم څخه د بښنې سند واخلو.

الهي ته خو خپلو دشمنانو ته مه شرموه.

الهي زموږ زړونه مضبوط کړه، الهي زموږ زړونو ته د محمد مصطفی صلی الله علیه وسلم په شان ایمان راستون کړه چې د خپل شیرین پلرني وطن او د خاپوړو دښار مینه یې له دین څخه ځار کړه. خدایه موږ ته هم خپل وطن ګران دی، خودومره یې راته مه ګرانوه چې د وطن د مینې تر نوم لاندې د اسلام حدود پایمال کړو. خدایه توفیق راکړه چې د محمد صلی الله علیه وسلم په شان د اسلام په خاطر په ژړانده سترګو د شیرین وطن هجران قبول کړای شو.

ورته لیکنې

ګډون وکړئ
خبرتیا غوښتل د
guest
11 Comments
زړو
نویو ډیرو خوښو شویو
Inline Feedbacks
ټولې تبصرې کتل
اسدالله

مجاهد صاحب ، ستاسی د اسلامی سپیڅلو احساساتو ستاینه او نمانځنه کوم ! مګر د حکمتیار په اړه ستاسی اوښکی تویول له هماغه ورځی بی ثمره شوی چه د نورو تش په نامه رهبرانو سره یی د یهودی استعمار سره د سپڅلی جهاد معامله وکړه یعنی جهاد یی په سوړ جنګ وپلورلو ّ، د غلامی هغه تړون تر ټولو لوی بی ننګه تړون وو ، به هغه تړون دوی هم له افغانیت ، هم اسلامیت او حتی له انسانیت سره مخه ښه وکړه . دا چه کله روسان مات شول ، یهودانو د روسانو په مرسته د افغان مجاهدینو دماتولو… نور لوستل »

ضمیر

ګمنام مجاهده وروره د الله تقدیر پدی تللی وه چی دا سړی د اخر عمر کی د صلیب عسکر شی ته باور وکره به ما تر ځان هم ډیر ګران وه همدا تمنا ځما هم ورته وه چی کاش د شهید ستر ویاړ یی په برخه شوی وی خو فکر کوم دا سړی صادق نه وه ما جهاد دوران کی دیر کسان ولیدل چی د شهادت دوعا به کوله الله به ژر قبوله د خاتمی دوعایی کوله نو رب به شهیدان کرل خو دی سړی هم دیری ستری دعوی دلودی ولی نتیجه صفر شوه کیدی شی الله تری د هغو… نور لوستل »

احمد

ګمنام مجاهده ورور ه دسرلیکلی ټکی دی دانسان زړه لړزوی او د داسی الهی ازمیښت ویره ورسره پیدا کوی خو که هر څه کوی دا حقیقتونه دی چی تا ویلی او لیکلی او دلیکنی ورستنی دعا ګانی دی الله ج دهر مسلمان په حق کی قبولی کړه خو زما اوستا په حق کی ورته امین وایم

محمد راشید ابراهیمی

بسم الله الرحمن الرحیم الله چی فیصله کوی هغه د خپلو مقلوقاتو په زړه یی کوی داچی حوکمتیار نن امضا ګانی کوی او ځان په مادیاتو پلوری حالانکه ټول عمر یی د جهاد ناری وهلی او ځان یی تر نورو خه احساس کاوو په جهاد کی خو چی الله د انسان اخره خاتمه خرابه کړی وو هغه د حکومتیار غوندی وی خو مونږ اوس هم ورته دعا کوو چی الله د ورته هدایت وکړی او که نکیږی الله د بیا د نجیب خاتمه ورنسیب کړی خو دا فکر دی نکوی چی اسلام بس مونږ خرس کړ حالانکه تا خپل نفس… نور لوستل »

احمد

ضمیر صاحب ښه شو چی اوس خو په پوه شوی په تا دده دکمزورو خبرو یاد برداشت نشوای کوی اوس هم ښه شو چی درته مالوم شو خو دا یاد ساته چی دی نه علاوه هم دی دنیا کی دانسانانو دومره مخلص مه اوسیږه چی داخلاص نتیجه دی ددوی عیبونه درنه پټ وساتی باوره وکړه چی دتا تر همدی خبری پرته بل څه ندی چی دا ظالمان وو او الله چ یی بی عزتی وربه برخه کوی دجهاد په وخت به هر چاته دا هر مشر ډیر ګران وو زه هم تری مستثنا نه وم مګر هغه څوک چی ما… نور لوستل »

م-ن ساپی

د هغه پاک خدای روی ته وګورئ چې د ټولو کایناتو خالق دی! جهاد، یرغلګر، ستعمار، کمونیسټ، ګوډاګی، صلیبي، مومن، ملحد او داسې نورو خبرو نه مو هیڅ ګټه ونه لیدله. پرته له دې چې د نړۍ بې وسه، در په در او خاورې په سر هیواد یو. نن د علم او پوهې او ټکنالوژۍ دوره ده. که غواړۍ خپل اهدافو ته ورسیږۍ، لومړۍ خپل هیواد او د هیواد اقتصاد باید جوړ کړو. حکمتیار پوه سړی دی. هغه ولیدله چې نن ورځ په کلاشینکوف مبارزه نه کیږي، بلکي فکري مبارزې وخت دی. هغوی چې لومړی یې په علم او پوهه،… نور لوستل »

غوربندی

ساپی صیب

که دې ## ذره قدرې هم د ابادی خیال درلودی نو په احمقانه خبرو به یې د جنګ دانې نه ټولولې!

داسې ښکاري چې خدای جل جلاله یې په کمه دی.

بلال

غوربندی صاحب ! زه ستاسی د اسلامی احساسی چه انسانی ولولی هم دی مننه او ستاینه کوم . مګر زه ساپی صاجب له نزدی پيژنم ، زما د ولایت او کیدی شی زما د کلی هم وی . زمونږ هیواد نیمه پیړی په جنګ او تر یوی پیړی زیاته په ناپوهی او بی علمی کی تیر کړی لمړنی نیمه پیړی صرف د اسلامی علومو څخه بی خبری وه ، مګر وروستی نیمه پیړی د اسلام په ضد ایزمونه یهودی او ماسونیستی استعمار رامنځته او د استعمار په ایزمی او الحادی فلسفو یی لمړی د اسلام سپکه ویله ، چه پوه… نور لوستل »

nimatullah abass

دکشمیر خان په شهادت می ډیر وژړل له ځان سره به می ویل تر اوسه خو ځوان وو صحت ئی هم شه وو کاشکی دادکنړ دغرونو زمری نه وای مړشوی کاشکی دادجهاد څلی یو څه وخت نور هم ژوندی وای کاشکی هیڅکله نه مړ کیدای خو رشتیا هم چی دمتعال خدای (ج) په هرڅه کشی حکمتونه دی . خو اوس له الله نه ډیر شکر کوم الحمد لله چی نوموړی او دده په څیر ډیر صادق مجاهدین له دی فانی نړی څخه رخصت شوی دی ! له ځان سره وایم که می نوموړی دهغه کسانو په څنګ کشی لیدلای وای… نور لوستل »

نا پيژاند

دسلویشتواویاپینزوسوکالو اسلامی مباریزه چه په یوه نارنجی انقلاب بده له شی دیردیر تئصوپ اوافسوس زای دی چه داسی یواحساساتی رهبر په داسی یوه سیکلرستی اوکومونیستی نظام ورگدی ژی دیر ده افسوززای دی چی هغه وخت چی دوست په کابل کشی پشی ورته وه خرلی اوده دچمبرک نه ورته کش کرل خولاصه په ۶۰۰۰۰ زره کابل یانوئ خاوری واره ولی خواوس په دی خاورو سربیره نوری هم وراره وی چه شه پتی شی صیاد اومزاری اواکبری اومو قق اوخلیل زاد په یوه اوپه بل کشی مژوی تکوهل اوکاکا نوی نهالره سه دسوکراسی راوره اوغ هم دجهاد دعوه لری ده غ جهاد… نور لوستل »

افغان

نعمت الله جان صاحب ! یو څوک چه شهید شی د هغه شهادت منل او نه منل د الله ج پوری اړه لری ځکه د هغه نیت پکی ډیر مهم دی چه د مرګ وخت کی یی څه نیت درلود . ځکه مونږ شهید ته دعا کوو چه الله ج شهادت یی ومنی . دا چه کشمیر خان شهید شوی که نه دی الله ج ته پټه ده حتی د جهاد کړنی یی هم د نیت پوری اړه لری ، که یی د حکمتیار په شان د خلکو او خدایی خطاایسته ( خدای ناخواسته) کړی وی بیا نه شهید او… نور لوستل »

Back to top button
11
0
Would love your thoughts, please comment.x
()
x