چارواکي : طالبانو د زابل پر نوبهار ولسوالۍ بريد کړی

نن ټکی اسیا (يکشنبه، تلې ۱۱مه ۱۳۹۵ل):د زابل د والي وياند ګل اسلام سيال وايي پر نوبهار ولسوالۍ د دولت مخالفو وسله والو پراخ تعرضي بريدونه کړي.

سيال زياتوي ۱۲۰ تنه وسله والو د شپې له يوې بجې د سهار تر څلورو بجو مقاومت وکړ .

نوموړی په ياده نښته کې د ۱۷ تنه سرتيرو او طالبانو د مرګ ژوبلي يادونه کوي.

د بريد مسؤليت طالبانو منلی.

طالب ويندويان وايي دوی په نوبهار ولسوالۍ کې د شپې مهال درې بجې پر څلورو امنيتي پوستو بريدونه کړي.

طالبان وايي دوی د رضاءالحق اربکي قومندان پوسته له منځه وړې او يو شمېر وسلې يې هم تر لاسه کړي.

د تېر په څېر دا ځل هم دواړه لوري يو بل ته د درنې مرګ ژوبلي يادونه کوي.