افغانستان

روبرټ فیسک: د ایران او غرب تړون پر منځني ختيځ د شعیه نظام برلاسی دی

geneva iranدي انډيپينډينټ: مشهور برتانوي ژورنالیست روبرټ فیسک پرون د ایران او غرب تر منځ د اتومي پروګرام پر سر د لنډ مهاله اتفاق په اړه په خپله مقاله کې ويلي چې دا تړون د شعیه نظام برلاسی دی پر سني منځني ختيځروبرت فیسک د بشار الاسد په اړه هم وايي چې دا تړون د هغه د پاتې کيدو او بقا چانس لري. د قطر، سعودي، کويت او نورو خلیجي هيوادونو غوصه يې راپارولې او هغوی دا ارزو درلوده چې د جينيوا دغه تړون بریالی نشي، تر څو د ایران ستونزې نورې هم زیاتې شي او د اسد له ملاتړه لاس واخلي. په عربي نړۍ کې ایران د بشار الاسد يوازنی ملاتړی هيواد دی.  

د ایران او غرب له دغه تړونه ښکاري چې غرب به هيڅکله هم د ایران په مقابل کې سخت عکس العمل ونه ښيي او نه به پوځي عملیاتو زړه ښه کړي. د اسرایلو صدر اعظم بنیامن نتنیاهو د دغه تړون په اړه انديښمن ښکاري او وايي چې دغه تړون به په سيمه کې ناکراري رامنځته کړي؛ ځکه چې اسرايل غواړي په سیمه کې يو ځانګړی قدرت وي.

بل پلو رابرټ فیسک وايي چې د دغو مذاکراتو په اړه شپږ مياشتې وخت ډېر زیات و او راتلونکی وخت به دا ثابته کړي چې جمهوري پلوي او ښي لاسي چې د ایراني ولسمشر دښمنان دي، د دغه تړون اصلي جزئیات وغواړي؛ ځکه چې دا د هغوی په ګومان یوه پټه لوبه وه.

امریکايي کانګریس وايي چې اوباما ایران ډېر لږ وخت کې ډېر زیات چانس ورکړ. امریکایان تاکيد کوي چې ایران باید د یوارنیمو له غني کولو لاس واخلي او ایران غواړي چې یوارنیم غني کړي. اوس به نو د يوارنیمو د غني کولو دغه سلنه د پخوا په پرتله په ډېر دقت څارل کيږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x