کور پاڼه / خبرونه / افغانستان / په افغانستان کې یو امریکايي عسکر وژل شوی

په افغانستان کې یو امریکايي عسکر وژل شوی

نن ټکی اسیا (چهار شنبه، تلې ۱۴مه ۱۳۹۵ل): د امریکا د پوځ له لوري په خپره شوې خبرپاڼه کې ویل شوي چې ددوی یو تن عسکر د افغانستان په ختیځه کې د اسلامي دولت ډلي (داعش) سره د جګړې پر مهال وژل شوی دی.

د امریکايي رسنیو په قول د امریکا د پوځ مشاورین د افغان دولتي ځواکونو سره په پوځي عملیاتو کې د مشورې ورکولو په موخه ګډون کوي.

د امریکا د پوځ په خبرپاڼه کې راغلي چې د ددوی یو عسکر هغه مهال ووژل شو کله چې یې پر موټر په ځمکه کې ښخ شوی ماین وچاودېد.

پنټاګان تر اوسه خپل د وژل شوي عسکر هویت نه دی څرګند کړی او نه یې هم ویلي چې په دقیقه د ننګرهار ولایت په کومه سیمه کې دغه پيښه را منځته شوې.

د امریکا د رسمي شمیرو له مخي په افغانستان کې اوس تر لس زره کم پوځیان پاته دي کوم چي د سپيني ماڼۍ په قول په جګړو کې برخه نه اخلي او یوازي افغان ځواکونو ته مشورې او روزنه ورکوي خو په دې وروستیو کې دغه ځواکونه یو ځل بیا د جګړو په ډګر کې د افغان ځواکونو تر څنګ اوږه پر اوږه جنګیږي او د الوتکو په ذریعه پر طالبانو او ولسي وګړو بمبارۍ کوي.


د نن ټکی اسیا موبایل اپلیکیشن دلته کښته کړئ

2 تبصرې

  1. دا هسی د هیواد والو ، نړیوالو او د هغوی د خبلو هیوادوالو په سترګو کی د خاورو دوړول دی .
    لمړی : هره ورځ ، هره اونۍ ، هره میاشت او هر کال د طالبانو په بریدونو کی په لسګونه اشغلګر او به ځانګړی دول امریکایی عسکر په مینونو ، مخامخ بریدونو او داسی نورو وژل کیږی هغه په خره نه سپروی او دا یو عسکر د داعشیانو په نامه امریکا ته رسوی او هلته یی په لوی محفل کی دداعش د شهرت د باره تجلیلوی ؟ دا که دوکه نه ده نو څه ده ؟
    دوهم : بیا ډیر کم عسکر دوی امریکا او اروپا ته وړی ، که ټول وړی دخلکو د غبرګون سره مخ کیږی او هم یی د عسکرو مورال راښکته کیږی او د دوی هغه ډیره شمیره هم په ډاګه کیږی ، دا عسکر دی کوم چنرال هم نه دی داولی امریکا ته او بیا په دومره شاندارو مراسمو تجلیلوی دحیرانتیا وړ ده ، طالبان که یی وژنی پروا نه کوی ؟
    دریم : خو د دوی زیږنده او د دوی ملیشه ده ، هغوی کله دوی ته ماین ږدی هغوی د مقاومت د ځپلو د پاره زیږول شوی نه دا چه خپل مور او پلار ووژنی او په دومره وخت کی یو او هغه هم یو عسکر ؟

  2. دا مردار شوی د خدای پاک جهنم ته واچوي خدای پاک دنور هم مردار کړي ! زمونږ هېواد یې اشغالکړی او مونږ وژني !
    ډېرې مندې ژاړي او ډيرې ځوانې کونډې شوې !
    نالت په فاسدو اشغالګرو !