شعـــــرونه

غزل/ جانان خدرخېل

جانان خدرخېل

یو زما زړه دې اشنا ته مبارک وي
نور دې هر څه وه دنیا ته مبارک وي

‹‹زما مورې! الله هو دې را زده کړې
د ښوونکي ورځ دې تاته مبارک وي››

د شهید لالي د سرو وینو خالونه
دې بیاهم دښتِ لیلا ته مبارک وي

تر دې ښه به وې په سپین کفن کې پټه
سره جوړه دې نو اوس چاته مبارک وي!؟

بیا راغلې د پلار کور ته مېلمنه ده
دغه لوی اختر دې ماته مبارک وي

سترګې څنګه در نه واوړي مسلمانې!؟
ځه! جنت دې ستا حیا ته مبارک وي

د زړه صبر دې په خدای شه “خدرخېله”
ژېړ ګلونه دې بورا ته مبارک وي

ــــــــــــــــ
جانان خدرخېل

۱۳۹۵/۷/۱۳

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x