کله به ځئ؟! / ويډيو او ليکنه

امید کندهاری

دا هغه کليمه ده چې د پاکستان د خلکو له خوا نه افغاني مهاجرو ته د استهزاء او پېغور په شکل کارول کيږي
او دا کليمه د خلکو تکيه کلام ګرځېدلې.

نو د افغانانو لپاره په پاکستان کښې ژوند تريخ سو ، مهاجرو افغانانو ته نور خپل د خالپوڅو وطن سور اور وګرځېد، د دوی په شړلو پاکستان لاس پوري کړ او افغانستان ته د دوی ستنېدل شروع شول.

په دې پړاو کې د افغانانو مخه د ګواښونو سره شول، د پاکستان د حکومت له خوا د خپلو کورونو څخه شړل ، په بازارونو کې تنګول ، د افغانانو بانکي حسابونه كنګلول او د جايدادونو نرخونه يې ورځ تر بلي مخ پر ځوړ ځي .

هغه تعليمونه چې افغانانو په پاکستان کې تر لاسه کړي دي هغوی ‍﴿متعلمين او محصلين ﴾ مايوسه دي او هيڅ اميد د افغانستان د حکومت څخه نلري .

ځکه د افغانستان حکومت تر اوسه ستنېدونکو مهاجرو افغانانو ته کومه مأثره ستراتيژي نه لري.

خپله افغانان هم دغه مهاجرينو ته د شک په سترګه ګوري او ويره لري چې د راغلو افغانانو څخه کوم يو کس د استخباراتو شخص نه وي.

په عين حال کې د افغان مهاجرينو په ځورولو کې پاکستاني عوام هم لاس تر زني نه دي کښېناستلي ، په لارو ،کوڅو او بازارونو کې د استهزاء په ډول د کندهاري ،کابلي او مهاجر په نومونو ورته ويل کيږي.

په اوس وخت کې يوه جمله ( کله به ځئ ؟ ) چې ډېر افغانان په زهيريږي او د افغان مهاجرينو د صبر کاسه يې ډکه کړې ،حوصله يې د همدې جملې په اساس تمامه شوې او احساسات يې پارېدلي دي نو ځکه تېره ورځ د خيبر پښتونخوا نه په داسي حال کې راپور ورکول کيږي : چې د همدې جملې پر سر د راپورته شوي شخړي د زخميانو شمېر د سلو په شاوخوا کې رسيږي او د نفرتونو (بدبينيو) سلسله ډېره شوېده.

ريښتنې کيسه په ويډيو کې کتلای شئ!