افغانستان او مثلي جنسپال

لطف الله خیرخوا

سړی دوو کې حيران شي، چې ويې وايي که نه؟ که يې وايي د خلکو ورپام کيږي او که يې نه وايې، مهمه خبره بې ځوابه پاتې کيږي، خو که يې نه وايي هم سړی يې له غمه وايي. درې ورځې پرله‌پسې بي بي سي پښتو راديو او تلوېزيون د مثلي جنسپالو په اړه راپور او مرکې خپرې کړې. په راپور او مرکو کې د مثليانو غږونه نه شته، د بي بي سي د خبريالانو غږونه دي، خو وايي چې دا پلانی مثلي دی. که فکر وکړو، چې افغانستان کې د دوی غږ ته انعکاس ورکول څه معنی لري؟ رښتيا هم افغانستان کې داسې څوک شته؟

راپور ښيي، چې افغانستان کې په تمامه معنی مثليان نه شته، بد فعلي به وي، خو داسې چې خپل ژوند دې د مثليانو په څېر تېر کړي، داسې څوک نه بريښي او ښځو کې بيخي نه بريښي.

يوه خبره امکان لري چې غرب کې زېږېدلي افغانان يې راوستي وي او په دې ډول يې
ښکاره کړي، لکه نرښځی نعمت سادات، چې د مفکر د کانديداتورۍ وخت کې يې د افغان مثلي جنسپالو په استازيتوب د ده ملاتړ اعلان کړی و. د دوی خپل راپور وايي، چې افغانستان کې د دوی ځای نه شته، خو د خپلو حقونو لپاره به هلې ځلې کوي. په راپور کې، چې د مثليانو وينا ويل کيږي، يو مفعول نرښځی د خپل احساس په اړه ډېرې پرېوتې خبرې کوي، دا نرښځی نعمت سادات دی. ما ته له دې معلوم شو، چې راپور کې يې ژورناليست په اړه وايي، چې د افغانانو ساده سينګار مې نه خوښيږي، زما تېز رنګونه خوښيږي. تاسې نعمت ګوګل کې ولټوئ، چې پر شونډو او مخ يې څومره تېز رنګونه کارولي. بله دا چې همدغه مفعول نرښځی په پټ مخي راپور کې وايي، چې دا يو واقعيت دی او زموږ انتخاب نه دی او نعمت دا خبره «د فکر لارې» پروګرام کې مستقيما کوي. داسې بريښي، چې بي بي سي په لوی لاس غواړي، دې موضوع ته د خلکو پام ورواړوي او افغانستان کې نرښځيتوب مثليت ته رشد ورکړي.
په راپور کې او د نرښځي سادات په خبرو کې څو خبرې ډېرې ګواښمنې وې. يوه خبره دا ده، چې دی وايي «مثليت» يو واقعيت دی، زموږ انتخاب نه دی. موږ الله(جل جلاله) داسې پيدا کړي يو، نو ولې په شريعت کې زموږ سزا مرګ دی؟

دوی فکر نه دی کړی، چې غلا هم يو واقعيت دی، قتل هم يو واقعيت دی، نشې او مخدرات هم يو واقعيت دی، ځانوژنه هو يو واقعيت دی، په غرب او اروپا کې د انسانانو خرڅول هم يو واقعيت دی. اوس به څه کيږي؟ هر څه چې يو واقعيت دی، اجازه لري؟ که غل، قاتل، نشه‌يي راپاڅيږي، چې دا زموږ انتخاب نه دی، دا يو واقعيت دی، موږ الله(جل جلاله) دغسې پيدا کړي يو، موږ ته بايد د غلا، قتل او نشې اجازه راکړی شي، منئ يې ورسره؟

که ځانوژنه د ډپرېشن يا نفسياتي مرض له امله کيږي، نشه مرض وي، څنګه هغه انسان روغ دی، چې د انساني فطرت خلاف طبيعت لري؟ نر په طبيعت کې ښځې ته ميلان لري، همدا ډول ښځه په طبيعت کې سړي ته، اوس که سړي او ښځه کې نوموړی طبيعت نه وي او دواړه د فطرت خلاف خپل مثل ته ميلان لري، څنګه مرض نه دی؟

زه دې موضوع پسې ولټېدم، چې ډاکتران په کې څه وايي. په رياض کې د ډاکتر عبدالله السبيعي په نوم يو نفسياتي ډاکتر وايي، چې نږدې ټول سايکاترستان پر دې يوه خوله دي، چې مثليت مرض دی. د دوی په اصطلاح د هرمونونو د ايجابيت او سلبيت مخالطې نه دا مرض پيدا کيږي. دی وايي، دې مخالطې ته دوی د طبيعت نوم ورکړی، چې په سلو کې يو فيصد هم نه تشکيلوي!!

قرآن کريم کې د لوط عليه السلام د قوم کيسه موږ ته د دې خلکو نفسيات ډېر ښه روښانوي. دوی، چې د خپل طبيعت خبره کوي، دا لومړی ځل نه دی، بلکې له دوی ډېر مخکې د لوط عليه السلام قوم دا خبره کړې. په راپور کې نرښځی سادات وايي، چې موږ خدای(جل جلاله) داسې پيدا کړي يو، مخالف جنس ته مو هيڅ ميلان نه شته!!

کله چې د عذاب ملايکې د لوط عليه السلام کور ته راغلې، ډېر وغمېده، چې قوم به مې مېلمنو ته وشرموي. قوم يې خبر شو، چې لوط عليه السلام کره ښکلي هلکان راغلي، قرآن کريم د دوی د عکس العمل عجيب تصوير کاږي. وايي : {وَجَاءَهُ قَوْمُهُ يُهْرَعُونَ إِلَيْهِ}. قوم يې ورته راغی، ګبړۍ نيولی راروان و. دا خلک ګبړۍ نيولي ول، نورمال نه ول، منډې يې راوهلې. لوط عليه السلام ورته وويل. ګورئ! مېلمنو ته مې مه شرموئ. دا زما لورګانې دي، نکاح يې کړئ، دا پاکيزه کار دی، هغوی ورته وايي : {قَالُوا لَقَدْ عَلِمْتَ مَا لَنَا فِي بَنَاتِكَ مِنْ حَقٍّ وَإِنَّكَ لَتَعْلَمُ مَا نُرِيدُ} ته ښه پوه يې، چې موږ ستا لورګانو ته هيڅ رغبت نه لرو او ته ډېر ښه پوهېږې، چې موږ څه غواړو.
دا عينا همغه خبره ده، چې اوسني مثليان يې کوي. قرآن کريم د دوی دې ميلان ته «فاحشة» هم ويلې، «سيئة» يې هم ورته ويلې او د دې فحشاء په ارتکاب يې جاهلان او مريضان ګڼلي. {وَلُوطًا إِذْ قَالَ لِقَوْمِهِ إِنَّكُمْ لَتَأْتُونَ الْفَاحِشَةَ مَا سَبَقَكُمْ بِهَا مِنْ أَحَدٍ مِنَ الْعَالَمِينَ}. او لوط عليه السلام چې خپل قوم ته وويل تاسې بدکاري کوئ، چې هيچا نه ده کړې. علماء وايي، چې په { مَا سَبَقَكُمْ بِهَا مِنْ أَحَدٍ مِنَ الْعَالَمِينَ } کې دې ته اشاره ده، چې دا کار د طبيعت خلاف دی، د انساني فطرت خلاف دی، هيڅ مخلوق يې نه کوي. په {مِنْ أَحَدٍ مِنَ الْعَالَمِينَ} کې دې ته اشاره ده، چې يوازې انسانان نه، بلکې د نړۍ پر مخ هيڅ ژوی يې نه کوي.

بل ځای کې هم دې ته ورته اشارې شته، چې دا کار د فطرت خلاف دی، وايي : {إِنَّكُمْ لَتَأْتُونَ الرِّجَالَ شَهْوَةً مِنْ دُونِ النِّسَاءِ بَلْ أَنْتُمْ قَوْمٌ مُسْرِفُونَ}. تاسې سړيو ته د شهوت له کبله ورنږدې کېږئ، ښځو ته نه، تاسو له حده جاروتي خلک ياست. بل ځای ورته وايي : {بَلْ أَنْتُمْ قَوْمٌ تَجْهَلُونَ}. تاسو جاهل خلک ياست.

علماء وايي، رجال کې دې ته اشاره ده، چې تاسې داسې چا پسې نښتي ياست، چې سبا بله ورځ د کتو هم نه وي، شهوت خو لا پر ځای پرېږده. دوهمه دا ده، چې ستاسې دا کار يوازې شهوت پالنه ده، که نه نو نکاح خپل اهداف لري، مقاصد لري، چې په دې مثليت نه تر لاسه کيږي؛ يوازې شهوت نه دی.

اوس د ايتونو تناظر کې د دوی د مثليت اهداف وګورئ. که سړی يې وپوښتي، چې ښځې سره نکاح د نړۍ د ابادۍ سبب دی، ځکه چې په دې تواصل او پای تناسل باندې نسلونه جوړيږي. تاسو څه هدف لرئ؟ ښځې سره نکاح باندې د انسانانو تر مينځ عواطف زيږي. ښځه او مېړه. پلار او زاږه، موږ او زاږه. ماما او خوريونه. کاکا او ورېرونه. عمې او ورېرونه، ترورګانې او خوريونه. د تره زامن، د ترور زامن. تاسو ترې څه جوړوئ؟

ښځې سره نکاح باندې د انسانانو د تربيې دود پايي. د کور ساتنه، د کور اداره، د اولادونو تربيه او تعليم، چې د نړۍ ابادي ده، تاسو څه کوئ؟

اصلا دا د نړۍ‌وال کفر د شامل يرغل فکري کړۍ ده، چې پر مخ يې بيايي. دا چې بي بي سي هم دا تبليغات «د فکر لارې» پروګرام کې پر مخ بوځي، صراحتا د فکري يرغل يو صورت دی، چې زموږ د مسلمان ولس پر ضد پلی دی.

7 تبصرې

  1. خیرخواه صاحب

    خدای ج مو په خپل فکر کی ثابت قدم لره

    د نفس او شیطان تقاضا دا وی چی انسان د منکراتو نو پیدا انواعو ته دیر هسوی نو هغه منکرات چی وراسته او په تولنه کی متفور شی نو د شیطان دله ورته نوی نومونه جوروی تر سو خلکو ته جذاب او په خپل نوع کی نوی شکاره شی.

    همجنس باز ته زمونژ او تاسو په تولنه کی کوني یا کونورکری (کونداده) ویل کیژی چی له ویلو تلفظ او لیدلو سره یی سری ته استفراغ ورزی او دا دول خلک زمونژ په تولنه کی بی نومه او بی مخه دی یعنی په تولنیزو چاپیریال کی د خپل پریوتی شخصیت په سبب تظاهر نشی کولای.

    په شامل اشغال کی یوه دله کونیانو (مفعولانو) ته زمونژ په تولنه کی د رییس، والی او وزیر تر کچی مناصب ورکرل شول او هغوی خپل مادونان د خپل کوني رگ له مخی استخدام او د نوم خاوندان کرل خو دا قبیح عادت یی تر ننه پت ساتلی او پاللی تر سو دی قبیح او منفور مرض ته په نوی نوم او القابو کی جذاب نوم او رنگ ورکرل شی.

  2. محمد نعیم سادات

    محترم خیرخوا صاحب دا د همجنسبازانو تبلیغات په اصل کی د شریغت په ضد یوه پروژه ده چی د غربیانو لخوا په لار اچول شوی . ددوی د تبلیغاتو او پروژی اساسی هدف او اساسی ټکی یی داده چی دوی غواړی چی پر موږ ومنی چی ګواګی دا معفول کیدل یا همجنسباز کیدل دا ددی کسانو اختیار ندی بلکی دوی خو خدای همداسی له موږ نه مختلف پیدا کړی نو په همدی خاطر دویته سزا ورکول یا دوی توهینول ددوی سره د تعصب معنی لری . همدا ددوی د همدی پروژی اساسی ټکی دی . دلته دوی دروغ وایی معفول کیدل یا همجنسباز کیدل دا د انسان په اختیار کی ده . دیته په لاتینه ژبه کی ( Oreintaion) وایی چی په عربی ژبه کی وزته توجیه یا جهت ویل کیږی . یعنی دلته مطلب داسی دی چی د مثال پډول کله چی یوڅوګ د جنسیت له پلوه نارینه وی نو د نوموړی د شهوت جهت د ښځو پلوته وی یعنی نوموړی فاعل وی او د شهوت جهت یی د معفول یعنی د ښځو خواته وی او برعکس هم همدا ډول دی چی د معفول یعنی ښځو د شهوت جهت د نارینوو طرف ته وی . اوس دوی داسی دعوه کوی چی موږ له تاسی څخه مختلف یو زموږ د جنسیت جهت مخالفی خواته ندی بلکی موازی خواته دی او موږ همداسی له موره زیږیدلی یو پدی کی زموږ اختیار نشته . دلته دوی دروغ وایی کله چی دوه همجنسبازان جنسی نژدیوالی سره کوی ددوی یو فاعل وی او بل یی معفول وی یعنی یو له دوی څخه د نارینه په رول کی وی او بل یی د ښځی رول اجرا کوی . یعنی په هر صورت یو له دوی څخه فاعل دی او کله چی یو څوګ فاعل وی هغه جنسی قرابت له هرڅه سره کولای شی . د مثال پډول تاسی به کله اوریدلی چی بعضی خلکو د ډیر شهوت له امله زموږ په سیمو کی له خری سره جنسی نژدی والی کړی وی یعنی دلته مطلب دادی چی کله یو مشهود فاعل کولای شی چی خره معفوله کړی یا بل کوم حیوان . چی دا ډیره عظیمه ګناه ده خو په تخنیکی ډول دا امکان لری او همدا شخص بیا د انسان د مونث جنسیت سره هم نژدی والی کولی شی . دلته کله چی دوی وایی چی موږ جنسی قرابت یواځی له نارینه سره کولای شو دوی دروغ وایی . او همدا ډول برعکس شکل چی مونثه خوا عینی خصلت لری . په همدی خاطر چی نوموړی عمل لکه بله هره ګناه د انسان په اختیار کی ده چی د کولو یا نه کولو اختیار یی لری ( لکه انسان چی د قتل کولو یا نه کولو اختیار لری او کله چی قتل وکړی نو سزا ورکول کیږی ) نو په همدی خاطر نوموړی عمل کولو ته سزا ورکول کیږی . اوس دا زموږ د دینی علماوو او طبی ډاکټرانو وظیفه ده چی دا خلکو ته ښکاره کړی چی نوموړی عمل مورزادی نه ده بلکی دا ددوی خپله اراده ده چی دا خلګ ددی عمل د کولو اراده کړی

  3. دوهمه مسله د یزکانو مسله چی هغه بیا بیله مسله ده او ددی همجنسبازانو سره کوم تړاوو نلری . هغوی په رښتیا له موره همداسی زیږیږی او هغوی ته باید توهین ونشی بلکی اجازه ورکړل شی چی په طبی وسیله د هغوی علاج وشی . یعنی د جراحی عملیاتو په واسطه باید ددوی تناسلی الی ترمیم شی او له هغه وروسته چی ددوی د تناسلی الی مطابق باید د جنسیت د ټاکلو چانس ورکړل شی او هر جنسیت چی نوموړی وټاکه یعنی که نر شو او یا ښځه بعد له هغه نوموړی ته د همعغه جنسیت مطابق ټول شریعی حقوق او مسولیتونه راجع کیږی

  4. زما په اند دا بیرونی رسنی همدی ته ناستی دی چه سرنگه دفساد لپاره لاره هواره او ویده خرس شوی ضمیرونه را بیدار کری او دی پرتو اخلاقوته یی ور پام کری دوی توله ورز او شپه په همدی فکر کی چه سرنگه د اسلام او مسلمانانو په وراندی په اسلامی تولنه کی یو نوی غربی او بی تهذیبه اخلاق رواج کری او دلته په نامه هغه د مدنی فعالانو تو جه ورجلب کری

  5. الجاج استاذ بیانزی

    خیرخواه صاحب ، تل ښی لیکنی لری ، د غوربندی صاحب او سادات صاحب هم د پام وړ تبصری لیکلی زه به هم ورسره څه ورزیات کړم :
    لمړی : له الله ج غیره هر څه زړښت لری ، مجموعی ژوند او دا زمکه هم زړښت لری او د زړښت په درشلو کی دریدلی یعنی د ځنکدن په حال کی ده ، په دی حالت کی هر غړی خبلی دندی څرنګه چه لازمی دی نه ترسره کوی له امله یی هغه موجود له منځه ځی د الله ج هر مخلوق که د خپل فطرت په تقاضا وڅرخیږی هر څه به سم وی هر څومره چه بدلون کوی ضرر یی نه یوآځی هغه موجود بلکه نورو ته هم رسیږی.
    دوهم : هر علت معلول لری ، یعنی هر څه چه زړیږی او یا مړه کیږی علتونه یا عوامل ورته زیږول کیږی حتی هغه چه تصادفی او ناڅاپی مړه کیږی هماغه تصادف په خپله یو عامل او علت دی . د زمکی د زړښت او مړه کیدو یو لوی عامل خپله انسانان دی ، انسان یی د زمکی د مدیریت د پاره متفکر خلق کړی دا ډیره لویه دنده او لویه انرجی وه ، مګر د دی متفکرو مغزو سره یی ورله داسی زړونه هم ورکړی چه هلته د مهربانیو ، کرکو ، میړانو ، غج اخستنو او داسی نورو احساساتو مرکز دی یعنی زړونه او مغزونه یو د بل سره په متوازن دول تعاملات لری که دغه زړونه د الله ج د لارښودنو په واسطه مطمن او مهربانه زړونه وی هغه انسانان د زمکی د مثبت مدیریت وړتیا لری یعنی زمکی او د زمکی موجوداتو ته دهغو د فطرت په تقاضا دندی تر سره کوی او پرمخ ځی یعنی د هغو په فطرت کی د قناعت او اطمنان حس یا اصل د هغه د نیکمرغۍ له امله وده کړی وی د هغه زړه ته سکون او اطمنان ورکوی یعنی له حرصه یی ژغوری ، برخلاف د بدمرغو انسانانو به فطرت کی د حرص اصل وده کړی وی شیطانان د هغو د حرص له امله د هغو په سینو ( زړونو ) کی د نورو د حقه حقوقو څخه د خپلولو وسوسی اچوی او هغه کسان له الهی لار ښودنو لیری پاتی کیږی دغه کسان د شیطان په وسوسو خلک استثماروی ، او د استثمارولو د پاره بی عدالتی ، فساد او جنګونه رامنځته کوی چه له امله یی بی ګناه وینی تویوی ( هغه چه ملایکو یی په اړه ینوکه لرله هغه دغه حریص انسانان دی ) .
    دریم : د دغه حریصو او مطمنو انسانانو له کړنو د حق او باطل جګړو ډګرونه رامنځته شوی ،دا جګړه د هابیل او قابیل له وخته پیل او د عیسی ع او دجال په جنګ به خاتمه مومی ، د باطل ( حریصو ) اړخ د زر زور او تزویر په تر لاسه کولو او کارولو د حق ( مطمنو ) تر اړخ په ښکاره پیاوړی بریښی مګر اخری بریا ( حتی په دی ژوند کی ) د حق د پلویانو وی ( که څه هم د مادی امکاناتو له مخی کمزوری معلومیږی ) .
    څلورم : له دغو حریصو او مطمنو انسانانو نړی دوه قطبه شوی یا نړی په دوه لویو هیوادو ویشل شوی کوم جغرافیاوی پولی یی عقیدوی پولی دی . دغه حریصو انسانانو د مطمنو انسانانو سره په مخامخ جنګ کی سره د دی چه دیر امکانات لری تل بایللی نو حریصو انسانانو د مطمنو انسانانو د عقیدوی ذخیرو ( اسلام او اسلام نظام ) د ویجاړولو د پاره د اسلام ضد شیطانی دین او د اسلامی نظام ضد شیطانی نظام رامنځته کړو او هغه شیطانی دین او هغه شیطانی نظام [[ دموکراسی ]] ده . د اسلام حرام به دموکراسی کی حلال او د اسلام حلال په دموکراسی کی حرام دی .

  6. الجاج استاذ بیانزی

    خیرخوا ، غوربندی ، او سادات صاحبانو سلامونه می ومنی
    د پورتنی تبصری د ححم د زیاتولو له امله می هغه ختمه او دا دوهمه تبصری می هم ستاسی منورو ورونو اونورو ته د سمولو د پاره درواستوله که څه غلطیانی وربکی وی ماته یی ولیکی :
    مونږ مخکی هم ورته اشاره وکړه چه هر څه د یو ځانګړی فطرت له مخی خلق شوی که هغه موجودات د هغه فطرت خلاف څه ترسره کوی هغه به دوه ډوله وی یا به ناروغی وی ، ناروغی د باره هم د درملنه اړه وی که درملنه یی ممکن نه وی نو هغه موجود ته دایمی معیوب وایی د هغه د فطرت کړنی د نورو دپاره د دی مثال نه دی چه نور دی هم د هغه په شان وکړی، او یا د فطرت خلاف کړنی د شیطانی غیر اخلاقی او د نه عقیدی له مخی وی هغه هم یو ډول روانی ناروغی ده یعنی د هغو د تفکر سره مهربانه اومطمن زړونو په ځای د هغوی د حرص او وحشت ډک زړونه ملتیا لری الله ج د دوی په اړه قرمایی دوی هغه سترګی ، هغه غوږونه ، هغه ژبی او هغه زړونه نه لری چه حق پری ووینی ، حق پری واوری ، حق پری ووایی او د حق تصدیق وکړی.
    همجنسبازی په اروپا او اامریکا کی تر ټولو نورو هیوادو زیاته ده ، تر دی چه قانونی بڼه یی تر لاسه کړی .
    همجنسبازی به دوهم قدم کی هغو هیوادو کی زیاته چه د امریکایی او اروپایی هیوادو مستعمری وی یا دی .
    همجنسبازی په دریم قدم کی هغو هیوادو کی زیاته ده چه غیر اسلامی ادیان او یا هیڅ دین نه لری .
    همجنسبازی په هغو اسلامی هیوادو کی شتون لری چه تش په نامه مسلمانان او د لویدیز د نفوذ لاندی وی .
    همجنسبازی په هغو اسلامی هیوادو کی چه اسلامی پیاوړتیا ولری یعنی مسلمانان یی په اسلامی اصولو پابند وی نشته یا ډیره کمه او هغه هماغه کسان چه فطری ناروغی ولری یعنی د هغوی په فطرت کی د نارینه وی او ښځینوی هارمونونه بدل شوی او دوی هم بیلابیلی کچی لری .
    دوی هم د سادات صاحب خبره د نن ورځی صبی پرمختګ له مخی دعلاج وړ دی جه الات تزکیر او مونث عملیات یی کوی او مناسب هارمونونه ورته ورکوی او داسی نور
    یادونه :
    په اروبا او امریکا کی فطری نه مصنوعی همجنسبازی شتون لری ، یعنی لکه د نشه توکو به شان دهمدغه هارمونو د نورو خلکو د ککړتیا د پاره تری استفاده کوی یعنی لمړی ورسره د عیاشیو دوستی پیلوی ، بیا ورته په پټه چښلو او خوړولو شیانو کی هغه هارمونه ورکوی یا یی د نشو وخت کی ورکوی او یا ورته وایی چه دا دوایی ستا قوت او شهوت زیاتوی او داسی نور ، کله چه هغه دوایی باندی یی وپړسوی ځینی تر دی کچی مخالف اړخ ته واوړی چه بیا خپل ښځینه او یا نارینه تناسلی غړی هم بدلوی رابدلوی ، صرف په دی نه توانیږی چه بچی راوړی حتی اواز هم ورته بدلوی ، سینی یی ورکیږی یا زیږول کیږی او هماغه نارینه دومره شځه شوی چه د ښځی په شان جنسی اړیکی لری صرف بچی نه لری .
    دا زمونږ په هیواد کی نه وی او یا ډیری کمی او ورکی وی او کومی چه وی هغه هماغه فطری ناروغان او معیوبان وو او ډیر لږ بدمرغه په قندهار او مزار سیمو کی شتون درلود ، مګر د اول او دوهم اشغال سره دی نجس او خبیثه عمل زیاتوالی وکړو دا زیاتوالی د روسانو او امریکایانو په واسطه تر سره شو ښه مثال یی نشه توکی زمونږ هیواد کی په دی پیمانه چه نن دی شتون نه درلود مګر دوی قصدا زیات کړو جه له امله یی پیسی جوړی کړی له هر څه چه پیسی جوړیږی او خلک د ګمراهی او وحشت خواته اړولی شی د دوی د زیات استثمار او زیاتو پیسو جوړولو زمینه سازی کیږی .
    نتیچه ګیری
    د زمکی د مجموعی ژوند د څنکدن شیبی دی ، د دجال د ښکاره کیدو او د عیسی ع او د دجال د جنګ وخت نزدی شوی ، له هغه جنګ وروسته به ډیر کم وخت وی چه دا مجموعی زوند به خاتمه مومی . دا بداخلاقی ، دا وحشتونه او مظالم تصادفی نه دی د دی تر شا نړیوال استثمارګر هر اړخیز پلانونه لری هغه پلانونه په کمپیوترو برابر شوی او تصامیم یی هم به کمپیوترو کنترولیږی یعنی د نه تطبیق کم امکانات لری څوک چه یی نه منی هغوی د ډرون یرغلونو لاندی هدف جوړوی ، د ټولی نړی سیاسی قدرت یی ترلاسه کړی یوآخی همدغه کوچنی سپاټ ( طالبان ) پاتی شوی که خدای ناخواسته دوی هم مهار شی بیا نو د همدغو زمونږ په شان د مطبوعاتی روشنفکرانو د مهارولو نوبت رسیږی هغوی ته وایی چه تاسی عامه ذهنیت خرابوی تاسی د القاعدی یا داعشیانو سره مرسته کوی ، تاسی له دی لاس واخلی که نه ستاسی برخه لیک به هم د هغوی په شان وی مننه

  7. مننه بیانزی صاحب

    ستاسو له تبصرو مو دیر څه زده کړل

تبصره وکړه

ستاسو ایمیل ادرس به هیڅ کله نشر نه شي.